Yoga Tips: રોજ રોજ બોરિંગ યોગાસનને Shilpa shetty આ રીતે બનાવે છે રસપ્રદ, જાણો તેની 2 સ્પેશિયલ ટ્રિક્સ

 

​વર્કઆઉટને ઇન્ટરેસ્ટીંગ બનાવવાની રીત

ખુલ્લામાં વ્યાયામ કરવો, ખાસ કરીને લીલોતરી વચ્ચે યોગ મુદ્રાનો અભ્યાસ કરવાથી માનસિક અને શારીરિક સ્વાસ્થ્યને લાભ થાય છે. તેના નવા એક વીડિયોમાં શિલ્પા પોતાના ગાર્ડનમાં યોગામેટ પર આસન કરતી જોવા મળે છે. તેમાં તેણે વર્કઆઉટ ને કેવી રીતે રસપ્રદ બનાવી શકાય છે તેની કેટલીક ટિપ્સ શેર કરી છે.

તે લખે છે કે તેને જ્યારે કોઇ રૂટીન બોરિંગ લાગવા લાગે, તેને તે કરવામાં બહુ મજા નથી આવતી અને નીરસતા આવી જાય છે. આથી તમે પણ જ્યારે તમારા વર્કઆઉટથી બોર થઇ જાવ તો તેને મૂકવાને બદલે તેમાં કંઇક નવીન કરવાનો પ્રયાસ કરો. એવું કરવાથી તમારા શરીરને તે વ્યાયામ કરવાની ટેવ નહીં પડે. આ રીતે કરવાથી જ હું યોગ પ્રત્યે સમર્પિત રહું છું.

​એક્ટ્રેસે બતાવી એક ગજબ ટ્રીક

એક્ટ્રેસે પોતાના ફોલોઅર્સને એક એવી ટ્રીક વિશે જણાવ્યું કે જે તેમને બોરિંગ એક્સરસાઇન રૂટીનથી બચાવશે અને ડેઇલી વર્કઆઉટ પ્રોગામ પર પાછા ફરવામાં મદદ કરશે. તેણે કેપ્શનમાં લખ્યું કે, જ્યારે તે એક સરખી ટ્રેનિંગથી ડિમોટિવેટ થઇ જાય છે ત્યારે તે નવી ટેક્નિક અપનાવીને ફરી ટ્રેનિંગ શરૃ કરી દે છે. આ વીડિયોમાં શિલ્પા ડાયનેમિક અંજનેયાસન અને બંધ ત્રિકોણાસન અથવા બાઉન્ડ ટ્રાયએન્ગલ પોઝ એમ બે આસન કરતી જોવા મળે છે.

તેણે આમ કરવાના ફાયદા પણ જણાવ્યા હતા. તે લેખે છે કે મને મન, શરીર અને આત્મા પર ધ્યાન કેન્દ્રિત કરવાના આસનોમાં અલગ અલગ કોમ્બિનેશનની પ્રેક્ટિસ કરવી પસંદ છે.

​ડાયનેમિક અંજનેયાસન અને બંધ ત્રિકોણાસનના લાભ

એક્ટ્રેસના કહેવા અનુસાર ડાયનેમિક અંજનેયાસન અને બંધ ત્રિકોણાસન સાથે કરવાથી ક્વાડ્રિસેપ્સ, ગ્લુટ્સ અને હેમસ્ટ્રિંગ્સને મજબૂત કરવામાં મદદ મળે છે. તેના સિવાય આસનથી હિપ ફ્લેક્સ ખોલે છે. આ આસન શરીરને સંતુલિત અને ફેક્સીબલ બનાવે છે અને પાચન સુધારે છે. આ સિવાય પણ પગની ઘૂંટી, જાંઘ, ધડ અને ઘૂંટણને મજબૂત બનાવવાનું કામ કરે છે.

જો તમે પણ શિલ્પા શેટ્ટીની જેમ પરફેક્ટ ફિગર અને બોડી શેપ બનાવવા ઇચ્છો છો તો તેણે બતાવેલી ટ્રિક્સ જરૃર આજમાવજો અને પોતાના વર્કઆઉટ રૂટીનને મજેદાર બનાવજો.

Source link