World Tuberculosis Day 2022: માત્ર ફેફસા જ નહીં, નખ અને વાળ સિવાય શરીરના કોઈ પણ અંગમાં થઈ શકે છે TB

 

નવી દિલ્હી- World Tuberculosis Day 2022- આપણે જાણીએ છીએ કે ફેફસામાં ટીબી(Tuberculosis) થાય છે, પરંતુ ઘણાં ઓછા લોકો જાણતા હોય છે કે શરીરના અન્ય અંગોમાં પણ ટીબી થઈ શકે છે. ફેફસા સિવાય શરીરના અન્ય અંગોમાં થનારા ટીબીની તપાસ અને સારવાર માટે AIIMS દિલ્હી દ્વારા એક મોડ્યુલ તૈયાર કરવામાં આવ્યું છે. આ મોડ્યુલની મદદથી આખા દેશમાં દરેક પ્રકારના ટીબીની તપાસ અને સારવાર માટે ગાઈડલાઈન્સ તૈયાર કરવામાં આવશે. એઈમ્સના મેડિસિન ડિપાર્ટમેન્ટ દ્વારા વિશ્વ સ્વાસ્થ્ય સંગઠન(World Health Organisation) સાથે મળીને આ મોડ્યુલ તૈયાર કરવામાં આવ્યું છે. આ મોડ્યુલ અંતર્ગત તબીબોને તાલીમ આપવામાં આવશે અને મોડ્યુલને આખા દેશમાં લોન્ચ કરવામાં આવશે.

એઈમ્સના મેડિસિન વિભાગના ડોક્ટર નીરજ નિશ્ચલે જણાવ્યું કે ફેફસા સિવાય અન્ય અંગોમાં પણ ટીબી થઈ શકે છે જેને એક્સ્ટ્રા પલ્મોનરી ટીબી કહેવામાં આવે છે. નખ અને વાળ સિવાય શરીરના કોઈ પણ અંગમાં ટીબી થઈ શકે છે. પરંતુ આ વિશે લોકોમાં જાગૃતિ ઓછી છે અને ગંભીરતા પણ નથી. આ સ્થિતિમાં દર્દીઓની સમયસર તપાસ નથી થઈ શકતી. બીમારીની સમયસર સારવાર ન થાય તો સ્થિતિ એટલી ગંભીર થઈ જાય છે કે પછી માત્ર દવા નહી, અન્ય સારવારની પણ જરૂર પડે છે.

નસોમાં ગંદકી ભરીને બ્લોક કરે છે આ 5 વસ્તુઓ, જીવલેણ સમસ્યાઓનું જોખમ વધી શકે છે
ડોક્ટર નીરજે કહ્યું કે, લંગ્સમાં ડીબી સિવાય લંગ્સમાં પાણી, લિમ્ફનોડમાં ટીબી, આંતરડામાં ટીબી, બોન ટીબી, લિવર, બ્રેઈનમાં ટીબી પણ થઈ શકે છે. ડોક્ટર નીરજ જણાવે છે કે અમારો હેતુ વર્ષ 2025 સુધીમાં ટીબી વિરુદ્ધ જીત મેળવવાનો છે. એક સર્વે અનુસાર, દિલ્હી શહેરમાં વર્ષ 2019માં 79828 દર્દીઓની પબ્લિક સેક્ટરમાં અને 28088 દર્દીઓની પ્રાઈવેટ સેક્ટરમાં સારવાર ચાલી રહી હતી, તેમાંથી 58 ટકા પલ્મોનરી ટીબીના દર્દી હતા, 42 ટકા એક્સ્ટ્રા પલ્મોનરીના દર્દી હતા. આટલુ જ નહીં, અમુક દર્દી એવા પણ હોય છે, જેમને એકસાથે ઘણાં અંગોમાં ટીબી હોય છે.

World TB Day 2022: ટીબી આ 5 પ્રકારના લોકોને વહેલા શિકાર બનાવે છે, જો ધ્યાન નહીં આપો તો તમે પણ બનશો શિકાર
એલએનજેપીના મેડિકલ ડિરેક્ટર ડોક્ટર સુરેશ કુમાર જણાવે છે કે, કોરોનાકાળમાં ટીબી એક પડકાર છે. અમારી હોસ્પિટલમાં 190 દર્દી એવા હતા, જેમને કોરોનાની સાથે સાથે ટીબી પણ હતું. તેમની સારવાર કરવામાં આવી. દિલ્હીમાં જ આવેલી ફોર્ટિસ હોસ્પિટલના પલ્મોનોલોજી વિભાગના એચઓડી ડોક્ટર વિકાસ મૌર્યા જણાવે છે કે, ટીબીના દર્દીઓમાં લગભગ 25-30 ટકા વધારો નોંધાયો છે. કોરોનાને કારણે દર્દીઓની રોગપ્રતિકારક શક્તિ ઘટી રહી છે. સારવાર માટે ઉપયોગમાં લેવામાં આવતી એન્ટી-ઈન્ફ્લેમેટ્રી દવાઓના ઉપયોગને કારણે ટીબીના કેસ ફરીથી સક્રિય થયા છે.

Source link