Weight Loss Dal: પેટ માટે ફાયદાકારક છે પીળી દાળ, તરત જ ઘટે છે વજન!

 

ન્યુટ્રિશનિસ્ટ્સે પણ સરળ રીતે બનતી વાનગીને એકદમ હેલ્ધી અને વજન ઘટાડવામાં મદદરુપ ગણાવી છે. જે લોકો પોતાનું વજન ઘટાડવા ઈચ્છે છે તેમના માટે આ વાનગી ખૂબ જ ફાયદાકારક સાબિત થઈ શકે છે. જોકે, વજન ઘટાડવા ઈચ્છતા લોકોને મૂંઝવણ એ થાય છે કે અનેક રીતની દાળના વિકલ્પોમાંથી કઈ દાળ પસંદ કરવી જોઈએ. આમ જોવા જોઈએ તો દરેક દાળનું પોષક મૂલ્ય અલગ અલગ હોય છે. પરંતુ દાળના પ્રકારને આધારે અલગ અલગ હોઈ શકે છે.

નોંધનીય છે કે કે દાળના 10 થી વધુ પ્રકાર છે. દરેકનો સ્વાદ અલગ-અલગ હોય છે અને તેમના સ્વાસ્થ્ય લાભો પણ અલગ-અલગ હોય છે. મસૂરમાં રહેલું અદ્રાવ્ય ફાઇબર કોલેસ્ટ્રોલ અને બ્લડ પ્રેશરને નિયંત્રિત કરવામાં મદદ કરે છે. આટલું જ નહીં વજન ઘટાડવા માટે મસૂરની દાળ પણ શ્રેષ્ઠ વિકલ્પ માનવામાં આવે છે. પરંતુ જો તમને પણ મનમાં એવી શંકા હોય કે તમારે કઈ દાળ પસંદ કરવી જોઈએ? ખાસ કરીને વજન ઘટાડવા માટે તો અમે તમારી મદદ કરવા માટે અહીં કેટલીક વાતો જણાવી રહ્યાં છીએ જે તમને દાળની પસંદગીમાં મદદરુપ થશે.

​વજન ઘટાડવા માટે દાળ

દાળ પ્રોટીનનો ઉત્તમ સ્ત્રોત છે. આ સિવાય તે સ્વાસ્થ્યવર્ધક વિટામિન્સ અને મિનરલ્સથી પણ ભરપૂર છે. નિષ્ણાતો કહે છે કે સામાન્ય રીતે બધાએ સમયાંતરે આહારમાં દરેક પ્રકારની દાળનો સમાવેશ કરવો જોઈએ. પરંતુ જ્યારે વજન ઘટાડવાની વાત આવે છે તો પીળી મગની દાળ શ્રેષ્ઠ વિકલ્પ છે. કારણકે, આ દાળમાં કેલરી ખૂબ જ ઓછી હોય છે. હળવી હોવાને કારણે તમારા પેટને પચવામાં સરળતા રહે છે. આ સિવાય આ દાળનું સેવન કરવાથી કબજિયાતનો ભય પણ ઘણો ઓછો રહે છે.

​મગની દાળમાં રહેલા પોષક તત્વ

એક કપ પીળી મગની દાળમાં 212 કેલૌરી, 0.8 ગ્રામ ફૈટ, 14.2 ગ્રામ પ્રોટીન, 3817 ગ્રામ કાર્બ્સ, 15.4 ગ્રામ ફાઈબર હોય છે. મગની દાળની આ જાત ફોલેટ, મેંગેનીઝ, વિટામીન બી1, ફોસ્ફરસ, આયર્ન, કોપર, પોટેશિયમ અને ઝિંકથી ભરપૂર હોય છે. આ દરેક ટ્રેસ મિનરલ તમારી ઈમ્યુનિટી હેલ્થ બનાવવા તેમજ અંગની કાર્યક્ષમતા વધારવામાં મદદ કરે છે.

​વજન ઘટાડવા માટે મગની પીળી દાળ જ કેમ?

આમ તો પીળી મગની દાળ પ્રોટીનનો અપૂર્ણ સ્ત્રોત છે, પરંતુ જ્યારે આ દાળને ચોખા સાથે ભેળવવામાં આવે છે. ત્યારે તે પ્રોટીનનો સંપૂર્ણ સ્ત્રોત બની જાય છે. તેથી મગની દાળ હંમેશા ભાત સાથે ખાવી જોઈએ. જો તમે વજન ઘટાડવાનો પ્રયાસ કરો છો તો પ્રોટીનનો વપરાશ વધારવાથી સ્નાયુઓના નિર્માણ તેમજ તેને સુધારવામાં મદદ મળી શકે છે.

ફાઈબરથી ભરપૂર હોવાના કારણે આ દાળ તમને લાંબા સમય સુધી પેટ ભરેલું હોય તેવો અનુભવ કરાવે છે. એટલું જ નહીં, આ દાળ કબજિયાતને અટકાવે છે અને શરીરની પાચનશક્તિને સારી રીતે કામ કરવા માટે પ્રોત્સાહિત કરે છે. સૌથી સારી વાત એ છે કે આ પ્રકારની દાળ બનાવવામાં ખૂબ જ સરળ છે અને તે ચણાની દાળ, મસૂર જેવી અન્ય કઠોળ કરતાં હળવી છે.

​પીળી દાળ ખાવાના અન્ય ફાયદા

માત્ર વજન ઘટાડવા માટે જ નહીં પરંતુ પીળી મગની દાળ તમને ઘણી રીતે સ્વસ્થ રાખવામાં મદદ કરી શકે છે. આ દાળમાં હાજર ફાઇબર ખરાબ કોલેસ્ટ્રોલને જમા થતા અટકાવે છે અને હૃદયને સારૂ રાખે છે. જેમાં જોવા મળતા ટ્રેસ મિનરલ ત્વચાની સ્થિતિસ્થાપકતા જાળવવા માટે ખૂબ જ ફાયદાકારક છે. આ ઉપરાંત, આયર્નનો સારો સ્ત્રોત હોવાથી આ દાળ લાલ રક્ત કોશિકાઓની સંખ્યા વધારવામાં પણ મદદ કરી શકે છે. આ બધા ગુણોને કારણે ડાયાબિટિસ અને હાઈ બ્લડપ્રેશરના દર્દીઓને પીળી મગની દાળ ખાવાની સલાહ આપવામાં આવે છે.

​કેવી રીતે ખાવી જોઈએ મગની દાળ?

તમે તમારા આહારમાં પીળી દાળનો ઘણી રીતે સમાવેશ કરી શકો છો. સામાન્ય રીતે લોકો રોટલી સાથે પીળા મગની દાળનું સેવન કરે છે. જ્યારે કેટલાક લોકો તેને ભાત સાથે મિક્સ કરીને ખીચડી તરીકે ખાવાનું પસંદ કરે છે. જો તમે ઈચ્છો તો તેને ચોખા સાથે દાળ બનાવીને અથવા તેને ફણગાવીને સલાડમાં મિક્સ કરીને ખાઈ શકો છો. મગ દાળ ચિલ્લા અને મૂંગ દાળ ટિક્કી પણ સારા વિકલ્પો છે.

તુવેર, ચણા અને મસૂર દાળની સરખામણીમાં મગની પીળી દાળ ખૂબ જ હળવી હોય છે. તેને ખાધા પછી કબજિયાતની સમસ્યા થતી નથી. જો તમે તમારા આહારમાં રેચક અને પાચક દાળને સામેલ કરવા માંગો છો તો પીળી મગની દાળ પસંદ કરો.

ચેતવણીઃ આ લેખ માત્ર સામાન્ય જાણકારી માટે છે. આ કોઈ રીતની દવા અથવા તો સારવારનો વિકલ્પ નથી. વધુ જાણકારી માટે હંમેશા પોતાના ડોક્ટરનો સંપર્ક કરો.

Source link