Vadodaraના આ રોડ તમને ક્યાંય પહોંચડાતા નથી, તો પછી કોના લાભ માટે બન્યા?

 

Vadodara: વડોદરા મ્યુનિસિપલ કોર્પોરેશન (VMC) પોતે બનાવેલા રસ્તાઓનો ચક્રવ્યૂહમાં ફસાઈ ગયું છે. કોર્પોરેશન દ્વારા બિનઆયોજિત રીતે બનાવાયેલા આ રસ્તાઓ એક મોટી ગડબડ કે કૌભાંડ તરફ દોરી જાય છે. થોડા દિવસો પહેલા શહેરના છાણી વિસ્તારમાં ‘રોડ ટુ નો વ્હેર’ એટલે કે ક્યાંય ન જતો હોય તેવો રોડ મળી આવ્યા બાદ થયા બાદ હવે જુદી જુદી અનેક જગ્યાએથી ક્યાંય ન જતાઓ હોય તેવા રસ્તાઓની હારમાળા શહેર ફરતે સામે આવી રહી છે. તેમજ સ્થિતિ એટલી હદે ખરાબ છે કે ખુદ શાસક પક્ષ ભાજપના એક ધારાસભ્યએ પણ હવે આ મામલે મુખ્યમંત્રીને પત્ર લખીને તપાસની માંગ કરી છે.

વડોદરા કોર્પોરેશનના વિરોધ પક્ષના નેતાઓ દ્વારા સૌ પહેલા છાણીમાં આ પ્રકારનો રોડ શોધીને સામે લાવવામાં આવ્યો હતો, કે જે રોડ ક્યાંય જતો ન હોવાથી તેનો ઉપયોગ પણ નથી તેમ છતાં આ વિસ્તારમાં ચકાચક રોડ બનાવવામાં આવ્યો હતો. જોકે આ સાથે આ વિસ્તારમાં ભાજપના અગ્રણી નેતાની જમીન હોવાનું બહાર આવ્યું હતું. તો બીજી તરફ આવો રોડ એકલદોકલ નથી પરંતુ વડોદરા ફરતે આવા ઘણા રોડ પ્રજાના પૈસે બનાવવામાં આવ્યા છે જેનો કોઈ ઉપયોગ જ નથી.આવા વધુ ત્રણ રસ્તાઓ એક્ટિવિસ્ટ સ્વેજલ વ્યાસ અને VMCમાં વિરોધ પક્ષ કોંગ્રેસના નેતા અમી રાવત દ્વારા શોધવામાં આવ્યા છે.

તાજેતરમાં વ્યાસને લક્ષ્મીપુરામાં પણ આવો જ એક રસ્તો મળી આવ્યો હતો. વ્યાસે કહ્યું કે “આ રસ્તો એક કે બે વર્ષ પહેલાં બન્યો હોય એવું લાગે છે. ત્યાં માત્ર એક જ બિલ્ડિંગ છે જે રસ્તાના અંતિમ છેડે આવેલ છે. જ્યારે અમે આ અંગે ઓથોરિટી પાસે તપાસ કરી ત્યારે ન તો VMC કે ન વડોદરા અર્બન ડેવલપમેન્ટ ઓથોરિટી (VUDA)એ પોતે આ રોડ બનાવ્યો હતું કે નહીં તેની પુષ્ટિ કરી. તેવામાં આ ફક્ત ક્યાંય ન જતા રોડ પૂરતી જ વાત નથી પરંતુ કોઈ તેની જવાબદારી પણ કોઈ સ્વીકારતું નથી.”

આ ઉપરતાં રાવતને વાઘોડિયા ચોકડી પાસે ભાયલી અને અણખોલમાં આવા રસ્તા મળ્યા છે. જે અંગે જણાવતાં તેમણે કહ્યું કે “મેં બંને સ્થળોની મુલાકાત લીધી છે તેમ છતાં અન્ય વિસ્તારોના લોકો પણ અમને આવા રસ્તાઓ વિશે કહે છે. મારી પાસે કલાલી, માંજલપુર અને વેમાલી વિસ્તારોમાં આવા રસ્તાઓ વિશે માહિતી છે.” તેમ તેમણે ઉમેર્યું હતું.

રાવતની જેમ શિવસેનાના નેતા તેજસ બ્રહ્મભટ્ટને પણ આવો રસ્તો વાઘોડિયા ચોકડી પાસે મળી આવ્યો હતો. સત્તાધારી ભાજપના ડભોઈના ધારાસભ્ય શૈલેષ મહેતા ઉર્ફે સોટ્ટાએ દાવો કર્યો છે કે આવા 17 રસ્તાઓ છે અને આ અંગે તેમણે મુખ્યમંત્રીને પત્ર પણ લખ્યો છે. તેમણે આને જાણી જોઈને કોઈ વિશેષ હીતોને ધ્યાનમાં રાખીને કરવામાં આવેલ ષડયંત્ર ગણાવ્યું છે.

મહેતાએ લખ્યું હતું કે “કેટલીક વ્યક્તિઓ ટાઉન પ્લાનિંગ (TP) સ્કીમની જાહેરાત થતાંની સાથે જ જમીન ખરીદે છે. એકવાર ડ્રાફ્ટ ટીપી સ્કીમ લાગુ થઈ જાય પછી, અધિકારીઓની મદદથી ત્યાં રોડ બનાવવામાં આવે છે જેના કારણે રાતોરાત પ્લોટની કિંમતો વધી જાય છે.” તેમણે ધ્યાન દોર્યું હતું કે ડ્રાફ્ટ ટીપીમાં રોડ ડેવલપ કરી શકાય છે, પરંતુ તે પહેલાં ભૂગર્ભ ગટર અને અન્ય સુવિધાઓ પણ થવી જોઈએ.

મહેતાએ જણાવ્યું હતું કે તેમના મતવિસ્તારમાં બિલ, ભાયલી અને સેવાસી જેવા ઘણા વિસ્તારો હતા જ્યાં લોકો રહેવા લાગ્યા હતા, પરંતુ માળખાકીય સુવિધાઓનો અભાવ હતો. તેમણે કહ્યું કે “જ્યારે અમે સુવિધાઓની માંગ કરીએ છીએ, ત્યારે અમને કહેવામાં આવે છે કે ફંડ નથી, પરંતુ રસ્તાઓ જંગલોમાં બને છે.” રાવતે પણ કહ્યું હતું કે આવા રસ્તાઓથી કોઈ હેતુ સરતો નથી ફક્ત જમીનના ભાવમાં વધારો કરવામાં મદદ મળે છે.

VUDA ના ચીફ એક્ઝિક્યુટિવ અશોક પટેલે જણાવ્યું હતું કે જ્યાં ડ્રાફ્ટ ટીપી સ્કીમ્સ ક્લિયર થઈ છે ત્યાં ઈન્ફ્રાસ્ટ્રક્ચર પૂરું પાડવાનું VUDAનું કામ છે. “આ વિસ્તારોમાં વિકાસ લાવવાનો વિચાર છે. ઈન્ફ્રાસ્ટ્રક્ચર પૂરું પાડવું એ એક સ્ટેપ બાય સ્ટેપની પ્રક્રિયા છે. અમે ગટરની લાઈનો માટે ટેન્ડર પણ બહાર પાડ્યા છે.” પટેલે આગળ જણાવ્યું હતું કે VUDA ફક્ત ઇન્ફ્રાસ્ટ્રક્ચર પૂરું પાડે છે, તેવામાં આ વિસ્તારોનો વિકાસ જલ્દીથી થઈ જાય તે જરુરી નથી. “આ વિસ્તારોના વિકાસમાં સમય લાગી શકે છે અને આને ફરજિયાત બનાવી શકાય નહીં.” તેમણે ઉમેર્યું.

Source link