Ukraineથી જીવ બચાવીને Poland પહોંચેલા ભારતીયોની મદદે આણંદનો યુવક, રહેવાની વ્યવસ્થા કરી આપી

વડોદરા: રશિયા અને યુક્રેન (Russia-Ukraine Crisis) વચ્ચે હાલ યુદ્ધ ચાલી રહ્યું છે. એવામાં યુક્રેનથી જીવ બચાવીને પોલેન્ડ (Poland) પહોંચેલા ભારતીયોને ત્યાં રહેતા ગૃહાંગ પટેલ (Gruhang Patel) નામના યુવક મદદ પૂરી પાડી રહ્યા છે. પારકા દેશમાં મૂળ આણંદના ઓડ ગામના ગૃહાંગે ભારતીયોને આશરો આપવાનું શરૂ કર્યું છે. ગૃહાંગે એક વિડીયો મેસેજ રેકોર્ડ કરીને સોશિયલ મીડિયા પર ફરતો કર્યો છે. જેમાં તેમણે પોતાનો ફોન નંબર આપીને જણાવ્યું છે કે, રહેવા-જમવાની વ્યવસ્થા માટે ભારતીયો તેમનો સંપર્ક કરી શકે છે.

Ukraine: વડોદરાના મનિષ દવેએ 2000 લોકોની મદદ કરી, કીવ છોડવાનો વારો આવ્યો તો પોતાની રેસ્ટોરન્ટ યુક્રેનના લોકોને સોંપી દીધી

28 વર્ષીય ગૃહાંગ પોલેન્ડની રાજધાની વૉરસો (Warsaw)માં સ્થાયી થયેલા છે અને ત્યાં ફૂડ ડિલિવરી બિઝનેસ ચલાવે છે. ગત મહિના સુધી ગૃહાંગ પોતાના ગામ ઓડમાં જ હતા. તેઓ લગ્ન કરવા આવ્યા હતા અને તાજેતરમાં જ પોલેન્ડ પરત ફર્યા છે. તેમનું પોલેન્ડ પરત ફરવું ઘણાં લોકો માટે આશીર્વાદ રૂપ સાબિત થયું છે.

અત્યાર સુધીમાં તેમણે 30-40 લોકોને પોલેન્ડમાં રહેતા અન્ય ભારતીયોની મદદથી લોકોના ઘર અને હોસ્ટેલમાં રહેવાની વ્યવસ્થા કરી આપી છે. તેમણે કહ્યું, “ઘણાં લોકો વૉરસોમાં આવેલા હિન્દુ ભવન અને ગુરુદ્વારામાં રોકાયા છે. ઉપરાંત બોર્ડર પાસે ઈન્ડિયન એમ્બસીએ પણ રહેવાની વ્યવસ્થા કરી છે અને તેમાં પણ કેટલાય લોકોએ આશરો લીધો છે. અન્ય લોકો પબ્લિક ટ્રાન્સપોર્ટ દ્વારા વૉરસો આવી રહ્યા છે.”

ગૃહાંગ પટેલના કહેવા અનુસાર, હાલ પોલેન્ડ આવનારા ભારતીયોની સંખ્યા અગાઉ કરતાં ઘણી વધી છે. “બોર્ડર પરની સમસ્યા ઉકેલાઈ જતાં હવે વધુ લોકો પોલેન્ડ આવી રહ્યા છે”, તેમ ઉમેર્યું. ગૃહાંગ પટેલ વધુ 200થી 250 લોકોને રહેવાની વ્યવસ્થા બે વેરહાઉસમાં કરી રહ્યા છે. ગૃહાંગ પટેલે આગળ કહ્યું, જે લોકો પોતાની જાતે વૉરસો આવ્યા છે અને ભારતીય સરકારના સહકારથી બોર્ડર પર થયેલા કેમ્પમાં રહેવાનો ઈનકાર કર્યો છે તેમણે ભારત પરત ફરવા અથવા બીજે ક્યાંય જવા જાતે વ્યવસ્થા કરવી પડશે.

Russia-Ukraine Crisis: યુક્રેનમાં હજી પણ ફસાયેલા છે ગુજરાતના 1300 વિદ્યાર્થી, અત્યાર સુધીમાં 123 જ પરત ફર્યા

ગૃહાંગ પટેલના કહેવા અનુસાર આ લોકોને ભારત મોકલવામાં મદદ કરવા તેમણે ભારત સરકાર અને પોલેન્ડ સ્થિત ઈન્ડિયન એમ્બસીનો સંપર્ક કર્યો છે. ઉલ્લેખનીય છે કે, પોલેન્ડમાં ફૂડ ડિલિવરીનો બિઝનેસ ચલાવતાં ગૃહાંગ 2016માં અહીં આવ્યા હતા અને સ્થાયી થયા હતા.

આણંદના ઓડ ગામના ગૃહાંગ પટેલ પોલેન્ડમાં ભારતીયોની મદદ કરી રહ્યા છે. (ગૃહાંગ પટેલની તસવીર- ફેસબુક પરથી સાભાર)

Source link