Trusha Solanki Murder : વડોદરા તૃષાની હત્યા બાદ હાથ કાપવાની ઘટનામાં પોલીસે ચોંકાવનારા ખુલાસા કર્યા

 

વડોદરાઃ મકરપુરા પોલીસ સ્ટેશનની હદમાં ધન્યાવી ગામની સીમમાંથી 19 વર્ષની છોકરીના હત્યા કેસમાં ગણતરીના કલાકોમાં જ પોલીસે આરોપી કમલેશ ઠાકોરની ધરપકડ કરી લીધી છે. આરોપીએ યુવતીની હત્યા કરવાની સાથે તેનો હાથ પણ કાપી નાખ્યો હતો. કમકમાટી ભરી ઘટના અંગે ત્યારે જાણ થઈ જ્યારે એક રાહદારીએ યુવતીનો મૃતદેહ શંકાસ્દ હાલતમાં પડેલો જોઈને આ અંગે પોલીસને જાણ કરી હતી. પોલીસે ઘટના સ્થળ પર પહોંચીને તપાસ શરુ કર્યા બાદ આરોપી શખ્સને ઝડપી પાડીને જરુરી કાર્યવાહી હાથ ધરી છે. પ્રાથમિક તપાસમાં આ હત્યા પાછળનું કારણ પ્રેમ પ્રકરણ હોવાનું બહાર આવ્યું છે. ઘટના અંગે વડોદરાના એડિશનલ પોલીસ કમિશનર ચિરાગ કોરડિયાએ પ્રેસ કોન્ફરન્સ કરીને મહત્વની વિગતો આપી છે. આ સિવાય આરોપીએ યુવતીનો હાથ કઈ રીતે કાપ્યો તે અંગે પણ વિગતો આપી છે.

યુવતીની ધન્યાવી સીમમાં લાશ પડી હોવાનો પોલીસ કંટ્રોલરૂમને મેસેજ મળતા સ્થાનિક પોલીસ અને ક્રાઈમ બ્રાન્ચની ટીમ ઘટના સ્થળ પર પહોંચી ગઈ હતી. આરોપીએ યુવતીની ગરદન પર તીક્ષ્ણ હથિયારથી વાર કર્યો હોવાનું નિશાન હતું, જ્યારે તેનો એક હાથ કાપી નાખવામાં આવ્યો હતો. વડોદરાના ACP ચિરાગ કોરડિયાએ વધુમાં જણાવ્યું કે, “પોલીસની ટીમે ઘટના સ્થળ પર પહોંચીને તાત્કાલિક યુવતીની ઓળખ કરી લીધી હતી, જેમાં તેનું નામ તૃષા સોલંકી હોવાનું માલુમ પડ્યું હતું. જેના આધારે ક્રાઈમ બ્રાન્ચની ટીમે ગણતરીના કલાકોમાં આરોપીની ધરપકડ કરી લીધી છે. આરોપી કમલેશ ઠાકોર છે.”

હત્યા અને પ્રેમ પ્રકરણ અંગે પોલીસે શું કહ્યું?

આરોપી યુવકે પ્રેમ પ્રકરણમાં તૃષાની હત્યા કરવાની શંકા હતી, જે અંગે કોરડિયાએ જણાવ્યું કે, “આરોપી છેલ્લા ચાર જેટલા વર્ષથી યુવતીના સંપર્કમાં હતો અને તેને પરેશાન કરતો હતો. તેણે જ યુવતીને મળવા માટે બોલાવી હતી.” અહીં આરોપીએ તૃષા પર પાછળથી ગરદન પર હુમલો કરીને હત્યા કરી હતી અને તે પછી નિર્દયી આરોપી અલ્પેશે પીડિતાના એક હાથને કાપી નાખ્યો હતો. પોલીસે કહ્યું કે આરોપી અલ્પેશ તૃષાના એક તરફી પ્રેમમાં હતો ત્યારે અહીં સવાલ એ થઈ રહ્યો છે કે આમ હતું તો પછી યુવતી તેને મળવા માટે શું કામ ગઈ હતી. જોકે, પોલીસે આ અંગે વધુ તપાસ કરવામાં આવશે તેમ જણાવ્યું છે.

કઈ રીતે કમલેશ ઠાકોરે તૃષાની હત્યા બાદ હાથ કાપ્યો?

આરોપી અલ્પેશે તૃષાને બુધવારે લગભગ સાત વાગ્યે મળવા બોલાવી હતી અને અને પછી તેના પર હુમલો કરીને હત્યા કરી હતી. કોરડિયાએ એમ પણ ઉમેર્યું કે તેની સાથે કોઈ શારીરિક છેડતી કે જબરજસ્તી થઈ હોવાનું હજુ સુધી સામે આવ્યું નથી, આ અંગે પોલીસ દ્વારા તપાસ કરવામાં આવી રહી છે. આરોપીએ તૃષાનો હાથ દાતરડા જેવા ધારદાર હથિયારથી કાપ્યો હતો.

Source link