THOR ફેમ ક્રિસ હેમ્સવર્થને વારસામાં મળી ગંભીર બીમારી, શૂટિંગ દરમિયાન જીનેટિક ટેસ્ટમાં થઇ જાણ!

 

Hollywood Actor Chris Hemsworth’s illness: હોલિવૂડ સુપરસ્ટાર ક્રિસ હેમ્સવર્થ (Hollywood Actor Chris Hemsworth)એ થોર (Thor movie)થી ઘણી સફળતા અને લોકપ્રિયતા મેળવી છે. આ પાત્ર એટલું દમદાર હતું જે કોઇ પણ જોખમથી ડરતું નથી. પરંતુ એક નવી સીરિઝમાં શૂટિંગ દરમિયાન એક્ટર ક્રિસ હેમ્સવર્થને ગંભીર બીમારી વિશે જાણકારી મળી છે, જે તેઓને વારસામાં મળી છે. તેઓએ હવે એક્ટિંગમાંથી બ્રેક લઇને બીમારીનો ઇલાજ કરાવવાનો નિર્ણય લીધો છે.

ક્રિસ હેમ્સવર્થ ઓટીટી માટે એક ડોક્યુ-સીરિઝ (Chris Hemsworth’s new series)નું શૂટિંગ કરી રહ્યા હતા. જેમાં લાંબી ઉંમર મેળવવાની રીત અને સંભાવનાઓની શોધ કરવામાં આવે છે. તેના એક એપિસોડ માટે ક્રિસને કેટલાંક જીનેટિક્સ ટેસ્ટમાંથી પસાર થવાનું હતું અને રિઝલ્ટને એપિસોડ દરમિયાન જણાવવાનું હતું. પરંતુ ટેસ્ટના રિઝલ્ટે ક્રિસના હોશ ઉડાવી દીધા છે, જ્યારે તેઓને ખ્યાલ આવ્યો કે, તેઓને વારસાગત એક ગંભીર બીમારી છે.

(Cover Images: Instagram/ @chrishemsworth) (તસવીરોઃ પિક્સાબે.કોમ, ફ્રિપિક.કોમ)

​હેમ્સવર્થને બીમારીથી 10 ગણું જોખમ

-10-

જીનેટિક્સ ટેસ્ટમાં ક્રિસ હેમ્સવર્થને જાણ થઇ કે તેઓને અલ્ઝાઇમરથી 10 ગણું જોખમ છે. તેઓના ટેસ્ટમાં બે OPAE4 જીન્સ મળ્યા હતા, જેની જાણકારી તેઓને સીરિઝના Dr. Peter Attiaએ આપી હતી. હેમ્સવર્થે આ ખુલાસો વેનિટી ફેરને આપેલા એક ઇન્ટરવ્યુમાં કર્યો છે.

(Images: Instagram/ @chrishemsworth)

શૂટિંગ અને કામ પરથી હેમ્સવર્થ લેશે બ્રેક

​2થી 3 ટકા લોકોમાં હોય છે આ જીન્સ

2-3-

વર્ષ 2021માં નેશનલ ઇન્સ્ટિટ્યૂટ ઓફ હેલ્થ (National Institutes of Health)માં પ્રકાશિત એક રિસર્ચ અનુસાર, દર ચારમાંથી એક વ્યક્તિમાં OPAE4 જીનની એક કોપી હોય છે. પરંતુ માત્ર 2થી 3 ટકા વસતીમાં જ આ જીન્સની બે કોપી જોવા મળે છે. જેનો અર્થ એ છે કે, તે વ્યક્તિને ભવિષ્યમાં અલ્ઝાઇમરનું જોખમ 8થી 10 ગણું વધારે હોય છે.

​વારસામાં કેવી રીતે મળે છે આ બીમારી?

બાળકને માતા-પિતાથી ડીએનએ (DNA) મળે છે, પરંતુ કેટલીક બીમારીઓ દર્દીના ડીએનએમાં એક અથવા તેનાથી વધારે ફેરફાર કરી દે છે, જેને જીન્સ મ્યૂટેશન (gene mutation) કહેવામાં આવે છે. આ મ્યૂટેશન માતા-પિતા દ્વારા ડીએનએની મદદથી બાળકમાં પહોંચે છે. આ લોકોને અન્ય કોઇ પણ વ્યક્તિની સરખામણીએ બીમારીનું જોખમ સૌથી વધારે હોય છે. હોલિવૂડ એક્ટર ક્રિસ હેમ્વર્થના દાદાને પણ અલ્ઝાઇમરની બીમારી હતી.

​યાદશક્તિ થઇ જાય છે ગાયબ

NIH અનુસાર, અલ્ઝાઇમર એક બ્રેઇન ડિસ્ઓર્ડર છે, જે ધીમે-ધીમે વ્યક્તિની યાદશક્તિ, વિચારવા, નવું શીખવાની ક્ષમતાને નષ્ટ કરી દે છે. સામાન્ય રીતે વૃદ્ધાવસ્થામાં આ બીમારીના લક્ષણો જોવા મળે છે. આ બીમારીનું સૌથી ગંભીર લક્ષણ છે કે, વ્યક્તિ પોતાનું નામ કે ઘરનો રસ્તો પણ ભૂલી શકે છે.

​અલ્ઝાઇમરના લક્ષણો

નેશનલ હેલ્થ સર્વિસ (NHS.UK) અનુસાર, અલ્ઝાઇમરના લક્ષણો સ્ટેજની સાથે ગંભીર બનતા જાય છે. જે નીચે મુજબ છે –

  • વાતોને ભૂલી જવી
  • સામાન ક્યાંક મુકીને ભૂલાઇ જવો
  • બોલવા અથવા સમજવામાં પરેશાની થવી
  • નવી ચીજો શીખવામાં મુશ્કેલીઓ
  • ચિંતા અને ચિત્તભ્રમ
  • મૂડમાં અચાનક બદલાવ
  • લોકોને ભૂલી જવા
  • ખાવા અથવા કોળિયા ગળવામાં પરેશાની
  • વારંવાર યૂરિનની મુશ્કેલી

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

 

Source link