મૂવી રિવ્યૂ: The Matrix Resurrections – the matrix resurrections movie review in gujarati

મૂવી રિવ્યૂ: The Matrix Resurrections – the matrix resurrections movie review in gujarati

એક્ટર– કિયાનૂ રીવ્સ, કૈરી-એની મૉસ, જૈડા પિન્કેટ, પ્રિયંકા ચોપરા, જોનાથન ગ્રોફ
ડિરેક્ટર– લાના વાચોવસ્કી
શ્રેણી– અંગ્રેજી, સાયન્સ ફિક્શન, એક્શન
સમય– 2 કલાક 28 મિનિટ
ક્રિટિક રેટિંગ– 3/5

વાર્તા

મેટ્રિક્સ ફ્રેન્ચાઈઝીની આ ચોથી ફિલ્મ લગભગ બે દશક પછી રીલિઝ થઈ છે. ફિલ્મની વાર્તા તો દમદાર છે જ, પરંતુ આજના સમયને લાગતી વળગતી પણ છે.

રિવ્યૂ

સિનેમા લવર્સ માટે આ અઠવાડિયુ જબરદસ્ત છે. અને તેમાં પણ હોલિવૂડ ફિલ્મોના ફેન્સને તો જાણે મજા પડી ગઈ છે. સ્પાઈડર-મેન- નો વે હોમ ફિલ્મમાં આપણને ત્રણેય સ્પાઈડર-મેનનું રિયૂનિયન જોવા મળ્યું, ત્યારે મેટ્રિક્સને ફરી એકવાર પડદા પર જોવાનો અનુભવ રોમાંચક છે. લેધરના જેકેટ્સ, કાળા ચશ્મા, મોટરસાઈકલ બૂટ્સ, બાઈક્સ….આ બધું જ ફરી એકવાર પડદા પર પાછુ આવ્યું છે. બે વર્ષ પહેલા ટર્મિનેટર સીરિઝમાં લિંડા હેમિલ્ટને કમબેક કર્યુ હતું ત્યારે આ પ્રકારનો અનુભવ દર્શકોને થયો હતો.

ઉલ્લેખનીય છે કે સ્કિવડ ગેમની રેડ લાઈટ, ગ્રીન લાઈટ પહેલા પડદા પર બે કેપ્સ્યુલે ધમાલ મચાવી હતી. વાદળી રંગની અને લાલ રંગની. આપણા જીવનનો આધાર આપણા નિર્ણયો પર હોય છે. ફિલ્મમાં આ જ બાબત દર્શાવવામાં આવી છે. 20 વર્ષથી વધારે સમય પસાર થઈ ગયો છે. ડિરેક્ટર લાના વાચોવ્સકીએ માણસ અને આર્ટિફિશિયલ ઈન્ટેલિજન્સ વચ્ચેની લડાઈ દર્શાવી છે. વાસ્તવિક અને કૃત્રિમ દુનિયાની મૂંઝવણને રજૂ કરી છે. નિયો(કિયાનૂ રીવ્સ)ના માધ્યમથી જે વાર્તા પડદા પર દર્શાવવામાં આવી છે, તેનાથી દર્શકો પોતાના અસ્તિત્વ પર પ્રશ્ન કરવા માટે મજબૂર થઈ જશે.

આ યુગ બદલાઈ ગયો છે. આપણે સુપર ઈન્ટેલિજન્ટ મશીનોના યુગમાં છીએ. આર્ટિફિશિયલ ઈન્ટેલિજન્સ હવે ઘરઘરમાં છે. માટે મેટ્રિક્સ 4ની વાર્તા વધારે લાગતી વળગતી લાગે છે. દર્શકો તેની સાથે કનેક્ટ કરી શકશે. લાના વાચોવ્સ્કીએ થોમસ અથવા નિયોને ફરી એકવાર એક રોમાંચક પ્રવાસ પર મોકલ્યો છે. એક એવી દુનિયા જ્યાં પોતાને પ્રાપ્ત કરવા માટે વાસ્તવિકતાથી દૂર જવું પડે છે. લાનાનું ડિરેક્શન ઘણું જ સારું છે. એક્શન કોરિયોગ્રાફીથી લઈને વિઝ્યુઅલ ઈફેક્ટ્સ સુધી, મેટ્રિક્સ સીરિઝમાં જે ભવ્યતા જોવા મળે છે તે આ ફિલ્મમાં જળવાઈ રહી છે.

ગુજરાતમાં વાઈનશોપ શરૂ કરવાની તૈયારી, દારૂની પરમીટ ધારકો અને હોટેલોએ સરકારને રજૂઆત કરી

ડિરેક્ટર લાનાએ નિયો અને ટ્રેનિટી(કૈરી-એની મૉસ)ના રોમાન્સ પર વધારે ધ્યાન કેન્દ્રિત નથી કર્યું. પરંતુ તેને ફિલોસોફિકલ અંદાજમાં આગળ વધાર્યો છે. ફિલ્મમાં વધારે એક્શન સિક્વન્સ નથી. જો તમે એક્શન સિક્વન્સની આશા રાખીને ફિલ્મ જોશો તો નિરાશ થશો. અમુક વાર તમને લાગશે કે ફિલ્મ થોડી ખેંચાઈ રહી છે. અનેક સીન્સમાં તમને પાછલી ફિલ્મોની યાદ આવશે. તમે પાછલી ફિલ્મો સાથે કનેક્ટ થઈ શકશો. જો કે પાછલી ફિલ્મોની સરખામણીમાં એન્ટરટેઈનમેન્ટ બાબતે થોડી નબળી છે, પરંતુ એક સારી સિક્વલ ફિલ્મ તરીકે તેની ગણતરી થઈ શકે છે.

કિયાનૂ રીવ્સને જોઈને લાગે છે કે કદાચ તે પોતે હજી અવઢવમાં છે કે નિયોના પાત્ર સાથે પડદા પર પાછા આવવાનો નિર્ણય યોગ્ય છે કે નહીં. ટ્રિનિટીના રોલને કૈરીએ સારી રીતે ભજવ્યો છે. તેને જોઈને કહી ના શકાય કે તે બે દશક પછી આ રોલ કરી રહી છે. એજન્ટ સ્મિથના રોલમાં જોનાથન ગ્રોફે સારું કારમ કર્યું છે. પ્રિયંકા ચોપરાનો રોલ નાનો છે, પરંતુ તે મહત્વપૂર્ણ પાત્રમાં જોવા મળશે. પ્રિયંકાએ પોતાનું કામ સારી રીતે કર્યું છે.

મેટ્રિક્સ 4 એક એવી સિક્વલ ફિલ્મ છે, જે તમારા ભૂતકાળમાં લઈ જશે. ફિલ્મ જોવા માટે તમારી પાસે પાછલી ફિલ્મોના બેકગ્રાઉન્ડની જાણકારી હોવી જરુરી છે. જો તમે પહેલી ત્રણ ફિલ્મો નથી જોઈ તો તમને સલાહ છે કે પહેલા તે જોઈ લેવામાં આવે.

Source link