Suratના કતારગામાં ઈમારતનો સ્લેબ ધરાશાયી થતાં બેના મોત બીજા કાટમાળ હેઠળ દટાયાની આશંકા

 

Surat Katargam parapet of a building collapsed: સુરતના કતારગામ વિસ્તારમાં બિલ્ડિંગનો સ્લેબ ધરાશાયી થતાં કેટલાક લોકો કાટમાળ નીચે દટાયા હોવાની આશંકા વચ્ચે ફાયર વિભાગ રેસ્ક્યુ ઓપરેશન શરું કર્યું હતું. જેમાં અત્યાર સુધીમાં 2 લોકોના મૃતદેહ મળી આવ્યા છે. જ્યારે હજુ પણ કેટલાક કાટમાળ હેઠળ દટાયાની આશંકા વચ્ચે બચાવ કામગીરી ચાલું છે.

 

સુરતના કતાર ગામમાં બિલ્ડિંગનો સ્લેબ તૂટી પડતાં 2ના મોત અનેક દટાયા હોવાની આશંકા (તસવીર સૌજન્યઃ Gaurang Joshi, Surat)
સુરતના કતારગામ વિસ્તારમાં કિરણ હોસ્પિટલ પાછળ જરીવાલા કમ્પાઉન્ડ પાસે સ્લેબ ધરાશાયી થતાં કેટાલક લોકો કાટમાળ નીચે દબાયા હોવાના અહેવલા બાદ ફાયર વિભાગે રેસ્ક્યૂ ઓપરેશ કરીને બહાર કાઢ્યા છે. તો 3 લોકો હજી પણ કાટમાળ નીચે ફસાયેલા હોવાની આશંકા છે. સ્લેબ ધરાશાયી થવાની ઘટના બાદ તંત્રમાં દોડધામ મચી ગઈ છે. જોકે, આ ઘટનામાં બે લોકોના મોત નિપજ્યા છે.

બિલ્ડીંગની ઉપર સ્લેબ લેવાની કામગીરી ચાલુ હતી, તે સમયે સ્લેબ ધારાશયી થયો હતો. ઘટનાની જાણ થતા જ ફાયર વિભાગ ઘટનાસ્થળે દોડી ગયું હતું. તાત્કાલિક સ્લેબને હટાવીને ફસાયેલા લોકોને બહાર કાઢવાની રેસ્ક્યૂ કામગીરી શરૂ કરાઈ હતી. જોકે, કાટમાળમાં હજી કેટલા લોકો ફસાયા છે તેની હજી જાણ નથી. સ્લેબ તૂટી પડતા નીચે પાર્ક કરાયેલી ગાડીઓનો કચ્ચરધાણ નીકળી ગયો હતો. લગભગ 40 થી વધુ બાઈક બિલ્ડીંગ નીચે પાર્ક કરાઈ હતી. જે કાટમાળ નીચે આખેઆખી દબાઈ ગઈ છે. આ ઘટનામાં બે લોકોના મોત થયા છે, તો કાટમાળ નીચે દબાયેલા લોકોને કાઢવાની કામગીરી ચાલી રહી છે

Surat building collapse

કતારગામમાં બિલ્ડિંગનો સ્લેબ તૂટી પડ્યા બાદ બચાવ કામગીરી કરી રહેલા રેસ્ક્યુ વિભાગના જવાનો.

સ્થાનિક આગેવાને આ ઘટના વિશે માહિતી આપતા કહ્યુ કે, આ ઈમારત જર્જરિત હતી. બિલ્ડીંગ જૂની હોવાથી તેના રિનોવેશનનું કામ ચાલતુ હતું. બીજા માળની દિવાલ પાડવાનું કામ ચાલતુ હતું. આ બિલ્ડીંગની નીચે અનેક દુકાનો આવેલી છે. ચાની કીટલી હતી, તથા અન્ય દુકાનો પણ હતી. જેમના પર સ્લેબ તૂટી પડ્યો હતો. કાટમાળ નીચે પાંચથી છ જણા દટાયા હતા. જેમને ફાયર વિભાગ દ્વારા બહાર કાઢવાની કામગીરી ચાલી રહી છે. હાલ સ્લેબને હટાવવા જેસીબી મશીનની મદદ લેવાઈ છે. મશીથી દિવાલનો કાટમાળ હટાવીને દબાયેલા માણસોને શોધવામાં આવી રહ્યાં છે.

બીજી તરફ પાલિકાના અધિકારીઓએ કહ્યું હતું કે, કતારગામના જરીવાલા કમ્પાઉન્ડમાં આ ઈમારત આવેલી છે. જ્યાં તેનું સમારકામ ચાલતું હતું. એ દરમિયાન દિવાલ અને સ્લેબનો ભાગ તૂટી પડ્યો હતો. જોકે, રિનોવેશન સહિતની કામગીરી અંગે પાલિકામાંથી કોઈ જ મંજૂરી લેવામાં આવી નહોતી. તેમજ બિલ્ડીંગ કેટલું જૂનુ હતું. તે અંગે પાલિકાના અધિકારીઓએ તપાસ હાથ ધરી છે. સાથે જ યોગ્ય પગલા પણ નિયમો પ્રમાણે લેવામાં આવશે તેમ વધુમાં ઉમેર્યું હતું.

Source link