Russia Ukraine War: ‘અમે તેને ગાઈતોંડે કહેતા હતા’, યુક્રેનમાં મૃત્યુ પામેલા નવીનના ભાવનગરના મિત્રએ યાદો વાગોળી

 

અમદાવાદ- ભાવનગરના બુધેલ ગામમાં રહેતા શિવેને(નામ બદલવામાં આવ્યું છે) એવી ઘટનાનો અનુભવ કર્યો છે જે તે કદાચ ક્યારેય નહીં ભૂલી શકે. શિવેન માટે હજી પણ વિશ્વાસ કરવો મુશ્કેલ છે કે તેનો મિત્ર અને ક્લાસમેટ નવીન શેખરપ્પા હવે આ દુનિયામાં નથી રહ્યો. ઉલ્લેખનીય છે કે નવીન યૂક્રેનના ખારકીવમાં નેશનલ મેડિકલ યુનિવર્સિટીનો વિદ્યાર્થી હતો. મંગળવારના રોજ રશિયા દ્વારા કરવામાં આવેલા હુમલામાં નવીનનું નિધન થયું છે.

શિવેન જણાવે છે કે, અમે તેને ગાઈતોંડે કહીને બોલાવતા હતા. ગાઈતોંડે વેબ સીરિઝ સેક્રેડ ગેમ્સનું મુખ્ય પાત્ર છે. અમે નવીનની અટકનો ઉચ્ચાર નહોતા કરી શકતા, માટે અમે તેને ગાઈતોંડે કહેતા હતા. તે ઘણો સારો અને લોકોની મદદ કરનારો માણસ હતો. અમે તેના પરિવારના પણ સંપર્કમાં હતા. તેના પરિવારના લોકો અમને સલાહ આપતા કે અમારે એકબીજાનું ધ્યાન રાખવું જોઈએ.

શનિવારના રોજ ગાંધીનગરમાં યુદ્ધગ્રસ્ત યુક્રેનથી 50 વિદ્યાર્થીઓ પાછા ફર્યા છે, શિવેન પણ તેમાંથી એક છે. શિવેન તે દિવસ યાદ કરતાં કહે છે કે, જ્યારે નવીન અમારા બધા માટે જમવાનું લેવા માટે બંકરમાંથી બહાર નીકળ્યો ત્યારે બધા સૂતા હતા. પછી અમને તેના મૃત્યુના સમાચાર મળ્યા. અમે વિશ્વાસ નહોતા કરી શકતા કે અમારો મિત્ર હવે દુનિયામાં નથી રહ્યો. પાછલા થોડા અઠવાડિયા અમારા માટે ઘણાં ડરામણા હતા. આ વિદ્યાર્થીઓને ભારત આવ્યાને 24 કલાક થઈ ગયા, પરંતુ હજી તેઓ ગભરાયેલા છે.

દીકરાના નિધન પછી નવીનના પિતાએ શિક્ષણ વ્યવસ્થા પર ગંભીર આરોપ મૂક્યા હતા. તેમણે દાવો કર્યો હતો કે, મેડિકલની સીટ મેળવવા માટે કરોડો રુપિયા આપવા પડે છે. નવીનના પિતાએ કહ્યું કે, પીયૂસીમાં 97 ટકા સ્કોર મેળવ્યો હોવા છતાં મારા દીકરાને રાજ્યમાં મેડિકલ સીટ નહોતી મળી શકી. મેડિકલ સીટ મેળવવા માટે અહીં કરોડો રુપિયા આપવા પડે છે. આવી સ્થિતિમાં વિદ્યાર્થી ઓછા પૈસા ખર્ચ કરીને વિદેશમાં શિક્ષણ મેળવી શકે છે. મારો દીકરો મજબૂરીમાં વિદેશ ગયો હતો. ઉલ્લેખનીય છે કે નવીનની ઉંમર 21 વર્ષ હતી.

ખંભાતના ભુવેલ ગામના 22 વર્ષીય વિરલ લિંબાચિયા અને તેનો મિત્ર જીલ કુમાર જણાવે છે કે, 24મી ફેબ્રુઆરીના રોજ કીવ એરપોર્ટ પર અમારી ફ્લાઈટ બોર્ડ થવાની હતી અને અમે ઉભા હતા તેનાથી 300 જ મીટર દૂર રનવે પર બોમ્બ ફેંકવામાં આવ્યો. તે અવાજ આજે પણ કાનમાં ગૂંજી રહ્યો છે. અમે નજીકની મેટ્રોમાં છુપાઈ ગયા અને છ કલાક સુધી ત્યાં જ રહ્યા. ત્યારપછી અમને હોસ્ટેલ લઈ જવામાં આવ્યા.

Source link