Real Estate News: એક વર્ષમાં બાંધકામ ખર્ચ 15% વધી ગયોઃ રિયલ એસ્ટેટ ઉદ્યોગ પર પ્રેશર

 

રિયલ એસ્ટેટ ઉદ્યોગમાં ડિમાન્ડ (Real Estate Demand)માં વધારો થયો છે જેથી મોટી સંખ્યામાં નવા પ્રોજેક્ટ લોન્ચ થઈ રહ્યા છે. પરંતુ તેની સાથે સાથે ઈનપુટ કોસ્ટ (input cost in real estate) પણ વધી ગયો છે જે રિયલ્ટી ઇન્ડસ્ટ્રી માટે ચિંતાનું કારણ છે. છેલ્લા એક વર્ષની અંદર બાંધકામના એવરેજ કોસ્ટ (Construction Cost)માં 12થી 15 ટકાનો વધારો થયો છે. સ્ટીલ, સિમેન્ટ, ટાઈલ્સ, પાઈપ્સ સહિતની તમામ કન્સ્ટ્રક્શન સામગ્રી હવે ઘણી મોંઘી પડે છે.

ગુજરાતમાં રેસિડેન્શિયલ અને કોમર્શિયલ પ્રોપર્ટીની માંગમાં વધારો થયો હોવાથી 2021-22માં 1613 નવા પ્રોજેક્ટ રજિસ્ટર (New project registration) થયા હતા. નવા પ્રોજેક્ટની દૃષ્ટિએ જોવામાં આવે તો કોવિડ અગાઉનો સમય ફરીથી આવી ગયો છે તેમ કહી શકાય. 2019-20માં નવા પ્રોજેક્ટ રજિસ્ટ્રેશનની સંખ્યા 1732 હતી. પરંતુ બાંધકામના ખર્ચમાં વધારો થયો છે તેના કારણે ડેવલપર્સ (Realty Developers in Gujarat)ને આ તેજીનો સંપૂર્ણ લાભ નથી મળી રહ્યો.

છેલ્લા ત્રણથી ચાર મહિનાની અંદર સ્ટીલ અને સિમેન્ટ જેવા મહત્ત્વના મટિરિયલના ભાવમાં 40 ટકા સુધી વધારો થયો છે. Credai, ગુજરાતના ચેરમેન અજય પટેલે જણાવ્યું કે સ્ટીલ અને સિમેન્ટ જેવી સામગ્રીનો ભાવ વધ્યો હોવાથી રિયલ એસ્ટેટ સેક્ટરમાં રિકવરીને અસર થઈ છે. તેના કારણે ડેવલપર્સ પાસે કોમર્શિયલ અને રેસિડેન્શિયલ પ્રોપર્ટીમાં ભાવ વધારવા સિવાય બીજો કોઈ વિકલ્પ ન હતો.

Credai, અમદાવાદના પ્રેસિડન્ટ તેજસ જોશીએ જણાવ્યું કે, “ઇનપુટ કોસ્ટમાં થયેલો વધારે ડેવલપર્સને પરેશાન કરી રહ્યો છે, કારણ કે તેઓ ડિમાન્ડનો પૂરતો લાભ લઈ શકતા નથી. માર્કેટનું સેન્ટીમેન્ટ ચોક્કસ સુધર્યું છે અને દરેક પ્રકારની પ્રોપર્ટીની ડિમાન્ડ (Property Demand in Gujarat) છે. નવી જમીનોના સોદા અને નવા પ્રોજેક્ટની જાહેરાતો પરથી આ વાત સાબિત થાય છે. આ ઉપરાંત સરકારે તાજેતરમાં આકર્ષક આઈટી પોલિસી જાહેર કરી છે જેનાથી રિયલ એસ્ટેટની ડિમાન્ડને વેગ મળશે.
એક રિયલ એસ્ટેટ કંપનીના મેનેજિંગ ડિરેક્ટર તરલ શાહે પણ આવો જ મત વ્યક્ત કરતા કહ્યું કે રો મટિરિયલના ભાવ વધી જવાના કારણે છેલ્લા એક વર્ષમાં બાંધકામનો એવરેજ ખર્ચ 12થી 15 ટકા વધી ગયો છે. ફુગાવાના કારણે લેબર કોસ્ટમાં પણ વધારો થયો છે અને બીજા ઈનડાયરેક્ટ ખર્ચ વધી ગયા છે. આ બધાથી હાલના પ્રોજેક્ટ પર અસર પડશે.
ગુજરાત કોન્ટ્રાક્ટર્સ એસોસિયેશન (GCA)ના જણાવ્યા પ્રમાણે બાંધકામના ખર્ચમાં થતા વધારા પાછળ 65 ટકા હિસ્સો રો મટિરિયલનો હોય છે જેમાં સ્ટીલ, સિમેન્ટ, બિટુમેન સામેલ છે. GCAના પ્રમુખ અરવિંદ પટેલે જણાવ્યું કે “રો મટિરિયલ ખરીદવા માટે કોન્ટ્રાક્ટરે વધારે ફંડની જરૂર પડે છે તેથી તેની કેશ ફ્લો સાઈકલને અસર થાય છે. કોન્ટ્રાક્ટર્સને કોમોડિટીના હોલસેલ પ્રાઈસ ઇન્ડેક્સ પ્રમાણે ચુકવણી થાય છે પરંતુ બજારના રેટ પ્રમાણે આ કોમોડિટીના પ્રાઈસ ઈન્ડેક્સમાં વધારો થયો ન હોવાથી કોન્ટ્રાક્ટર્સને સહન કરવાનું આવે છે.”

Source link