RCBના સ્ટાર ક્રિકેટર ગ્લેન મેક્સવેલે ભારતીય મૂળની ગર્લફ્રેન્ડ વિની સાથે લગ્ન કર્યા, સામે આવી સુંદર તસવીરો

 

મેલબર્ન- ઓસ્ટ્રેલિયાના ઓલરાઉન્ડર ક્રિકેટર ગ્લેન મેક્સવેલે પોતાની ગર્લફ્રેન્ડ વિની રમણ સાથે લગ્ન કરી લીધા છે. વિની ભારતીય મૂળની છે. 18મી માર્ચના રોજ આ લોકો લગ્નના બંધનમાં બંધાયા હતા. રિપોર્ટ્સ અનુસાર, પહેલા આ લગ્ન 27મી માર્ચના રોજ થવાના હતા. મેક્સવેલની પત્ની વિનીએ લગ્નના સમાચારની પૃષ્ટિ કરી છે. તેણે પોતાના ઈન્સ્ટાગ્રામ અકાઉન્ટ પર લગ્નની તસવીરો શેર કરી છે. ઉલ્લેખનીય છે કે તાજેતરમાં જ મેક્સવેલ અને વિનીના લગ્નનું તમિલ ભાષામાં છપાયેલું કાર્ડ વાયરલ થયુ હતું.

મેક્સવેલ પાકિસ્તાન વિરુદ્ધ રમાનારી સીરિઝનો ભાગ નથી. પોતાના લગ્નના કાર્યક્રમને કારણે મેક્સવેલ આ પ્રવાસમાં સામેલ નથી થયો. આ સાથે જ માનવામાં આવી રહ્યું છે કે મેક્સવેલ આઈપીએલ 2022ની શરુઆતની મેચો પણ મિસ કરી શકે છે. ઓસ્ટ્રેલિયાના આ સ્ટાર બેટ્સમેનને રોયલ ચેલેન્જર્સ બેંગ્લોરે આ વર્ષે હરાજી પહેલા જ રીટેન કરી લીધો હતો. બેંગ્લોરની ટીમે મેક્સવેલની સાથે વિરાટ કોહલી અને મોહમ્મદ સિરાજને પણ રીટેન કર્યા હતા.

ગ્લેન મેક્સવેલ અને વિની રમણ પાછલા ચાર વર્ષથી એકબીજાને ઓળખે છે. તેમણે વર્ષ 2020માં ફેબ્રુઆરી મહિનામાં સગાઈ કરી હતી. વિની ઓસ્ટ્રેલિયાના મેલબર્ન શહેરમાં રહે છે અને ફાર્મસિસ્ટ છે. બન્ને આ પહેલા લગ્ન કરવા માંગતા હતા પરંતુ કોરોના મહામારીને કારણે તેમણે અનેકવાર પોતાનો કાર્યક્રમ બદલવો પડ્યો હતો. અને આખરે આ પ્રેમીપંખીડાએ 18મી માર્ચ 2022ના રોજ લગ્ન કર્યા.

IPL 2020ની વાત કરીએ તો માનવામાં આવી રહ્યુ હતું કે વિરાટ કોહલી પછી મેક્સવેલને રોયલ ચેલેન્જર્સ બેંગ્લોરનો આગામી સુકાની બનાવી શકાય છે પરંતુ ટીમે સાઉથ આફ્રિકાના પ્લેસિસને આ કમાન સોંપી છે. મેક્સવેલ ગત સીઝનમાં બેંગ્લોરની ટીમ સાથે જોડાયો હતો. તેણે 15 મેચોમાં 513 રન કર્યા હતા. તેણે બેંગ્લોરને પ્લેઓફમાં પહોંચાડવામાં મહત્વની ભૂમિકા ભજવી હતી. જો કે, એલિમિનેટર મેચમાં કલકત્તા નાઈટ રાઈડર્સ સામે હારનો સામનો કરવો પડ્યો હતો.

Source link