PM Modiએ ‘Muscular Dystrophy’ નામની લાઇલાજ બીમારીને ગણાવી ચેલેન્જ, જાણો લક્ષણો

PM Narendra Modi on Muscle Dystrophy: મન કી બાતની 95મી આવૃત્તિમાં ભારતના વડાપ્રધાન નરેન્દ્ર મોદી (PM Narendra Modi)એ મસ્ક્યૂલર ડિસ્ટ્રોફી (Muscle Dystrophy) નામની એક પ્રકારની વારસાગત બીમારી વિશે વાત કરી હતી. આ દરમિયાન તેઓએ હિમાચલ પ્રદેશના સોલનમાં માનવ મંદિર (Manav Mandir) સ્વાસ્થ્ય ક્લિનિકના પ્રયાસોની પ્રશંસા પણ કરી.

પીએમ મોદીએ કહ્યું કે, મેડિકલ સાયન્સે દુનિયામાં રિસર્ચ અને ઇનોવેશનની સાથે સાથે અત્યાધુનિક ટેક્નિક અને ઉપકરણોની મદદથી ઘણી પ્રગતિ કરી છે, પરંતુ કેટલીક બીમારીઓ આજે પણ આપણાં માટે એક મોટો પડકાર બની રહી છે. આવી જ એક બીમારી છે – મસ્ક્યૂલર ડિસ્ટ્રોફી. જે મુખ્યત્વે એક વારસાગત બીમારી છે અને તે કોઇ પણ ઉંમરે થઇ શકે છે, જેમાં શરીરની માસપેશીઓ કમજોર થઇ જાય છે. દર્દી માટે પોતાના રોજિંદા અને સામાન્ય લાગતા કામકાજ કરવાનું પણ મુશ્કેલ બની જાય છે. આવા દર્દીની સેવા માટે માનવ મંદિર જેવા પ્રયાસોની આવશ્યકતા છે.

જ્યારે વડાપ્રધાને આ બીમારીનો ઉલ્લેખ કર્યો ત્યારે તે અંગે વિસ્તારથી વાત કરી હતી. જો કે, ઘણાં લોકોને મસ્ક્યૂલર ડિસ્ટ્રોફી વિશે જાણકારી નથી. એવામાં અહીં તમને દુર્લભ આનુવંશિક સ્વાસ્થ્ય વિકાર વિશે જણાવી રહ્યા છીએ.

(તસવીરોઃ પિક્સાબે.કોમ, ફ્રિપિક.કોમ) (Cover Image: Instagram/ @narendramodi)

​શું છે માનવ મંદિર?

પીએમ મોદીએ માનવ મંદિર વિશે વાત કરતાં જણાવ્યું કે, માનવ મંદિર ઇન્ડિયન એસોસિએશન ઓફ મસ્ક્યૂલર ડિસ્ટ્રોફી (Indian Association of Muscular Dystrophy) દ્વારા સંચાલિત એક હોસ્પિટલ છે, જેમાં દર્દી માટે ઓપીડી અને પ્રવેશ સેવાઓ ઉપલબ્ધ છે. તેને ત્રણ ચાર વર્ષ પહેલાં શરૂ કરવામાં આવી હતી. માનવ મંદિરમાં અંદાજિત 50 દર્દીઓ માટે બેડની સુવિધા છે. યોગ- પ્રાણાયામની મદદથી અહીં ફિઝિયોથેરાપીની સાથે સાથે ઇલેક્ટ્રોથેરાપી અને હાઇડ્રોથેરાપીથી પણ ઇલાજ કરવામાં આવે છે.

​શું છે મસ્ક્યૂલર ડિસ્ટ્રોફી ડિઝિઝ?

માયો ક્લિનિક (Mayoclinic.org) અનુસાર, મસ્ક્યૂલર ડિસ્ટ્રોફી માસપેશીઓમાં થતી એક દુર્લભ બીમારી છે. જેના લક્ષણો સમયની સાથે ગંભીર થતા જાય છે. આ બીમારી 30 જીનેટિક બીમારીઓનું એક ગ્રુપ છે જે માસપેશીઓને કમજોર કરી દે છે. મસ્ક્યૂલર ડિસ્ટ્રોફીમાં અસામાન્ય જીન સ્વસ્થ માસપેશીઓના નિર્માણ માટે આવશ્યક પ્રોટીનના ઉત્પાદનમાં અવરોધ ઉભો કરે છે. આ બીમારીનું સૌથી સામાન્ય લક્ષણ બાળપણથી જ દેખાય છે અને મોટાંભાગે પુરૂષોને જ પ્રભાવિત કરે છે.

​કોને હોય છે જોખમ?

ક્લિવલેન્ડ ક્લિનિક (Cleveland Clinic) અનુસાર, મસ્ક્યૂલર ડિસ્ટ્રોફી એક જીનેટિક બીમારી હોય છે. આ બીમારીનું જોખમ એવા લોકોને વધારે થાય છે જેઓના માતા-પિતાને આ બીમારી થઇ હોય. આ સિવાય મ્યૂટેટેડ જીન્સવાળા લોકોમાં પણ તેનું જોખમ વધારે હોય છે.

મસ્ક્યૂલર ડિસ્ટ્રોફીના લક્ષણો

  • માસપેશીઓમાં કમજોરી
  • પગની પીંડીમાં વધતી માસપેશીઓ
  • ચાલવા અને દોડવામાં મુશ્કેલી
  • એડી ઉઠાવીને ચાલવું
  • ગળવામાં પરેશાની
  • હૃદયની સમસ્યાઓ જેમ કે, હાર્ટ ફેલ (Cardiomyopathy)
  • શીખવામાં પરેશાની
  • કઠોર અથવા ઢીલા સાંઘા
  • માસપેશીઓમાં દર્દ
  • વાંકીચૂકી કરોડરજ્જુ (scoliosis)
  • શ્વાસ લેવામાં મુશ્કેલી

​કોને સૌથી વધુ જોખમ?

જીનેટિક મ્યૂટેશન અથવા તેમાં બદલાવ મસ્ક્યૂલર ડિસ્ટ્રોફીના વધારે પ્રકારનું કારણ બને છે. આ જીન્સ માતા-પિતા દ્વારા કોઇ એક બાળકમાં પહોંચી શકે છે જે બીમારીના જોખમને વધારવાનું કામ કરે છે. આ સિવાય કદાચ જ કોઇ વ્યક્તિ આ કન્ડિશનથી અન્ય કારણોથી ગ્રસિત થઇ શકે છે.

મસ્ક્યૂલર ડિસ્ટ્રોફી એક લાઇલાજ બીમારી છે, જેથી અમુક દવાઓ અને ઉપચારથી તેના લક્ષણોને નિયંત્રિત કરી શકાય છે. જેમાં ફિઝિયોથેરાપી, સ્પીચ થેરાપી જેવા ઉપચારને વિકલ્પો છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે હંમેશા તમારાં ડોક્ટરનો સંપર્ક કરો.

Source link