PM મોદીના રોડ-શોમાં આકર્ષણનું કેન્દ્ર બની ‘ભગવા ટોપી’, કમળની સાથે તિરંગો

 

અમદાવાદ: વડાપ્રધાન નરેન્દ્ર મોદી બે દિવસની ગુજરાત મુલાકાતે આવ્યા છે. આજે સવારે એરપોર્ટ પર તેમના આગમન બાદ ખુલ્લી જીપમાં કમલમ સુધી રોડ શોનું આયોજન કરવામાં આવ્યું, જેમાં તેમણે તથા તમામ નેતાઓ અને કાર્યકરોએ પહેલી કેસરી ટોપી આકર્ષણનું કેન્દ્ર બની છે. આ ટોપીની ખાસ વાત એ છે કે, તેના પર કમળની સાથે તિરંગો પણ જોવા મળી રહ્યો છે. એવું કહી શકાય છે કે, ભાજપમાં પહેલી વખત આ પ્રકારની કેપ પહેરવામાં આવી છે. રોડ-શો દરમિયાન નેતાઓ અને કાર્યકરો પણ આ પ્રકારની કેપ સાથે જોવા મળ્યા છે.

આ અંગે રોડ-શોમાં સામેલ ભાજપ કાર્યકરોનું કહેવું છે કે, અમારો અને સનાતર ઘર્મનો એક જ કલર છે ભગવો. અમારી વિચારધારા ભગવા રંગની છે અને અમે એને જ અવિરતપણે વળગી રહ્યા છીએ. આ ટોપીમાં જોઈ શકો છો કે તેમાં લીલો, સફેદ અને કેસરી કલર છે એટલે ભારતનો તિરંગો પણ આમાં જ છે. કાર્યકરોને એક સુત્રમાં બાંધવા માટે અમારું પ્રતિક કમળ તો છે અને ભગવો રંગ પણ છે અને કાર્યકર્તાઓ કેસરીઓ ખેસ પણ પહેરતા હોય છે.

કાર્યકરોના જણાવ્યા અનુસાર આ એક નવુ સૂત્ર છે. રોડ શોમાં નાનામાં નાના બૂથના કાર્યકરથી લઈ ધારાસભ્યો, મંત્રીઓ અને મુખ્યમંત્રી પીએમ મોદી સુધી બધાએ એક સરખી ટોપી પહેરીને એક જ સૂત્રમાં બંધાયા છે. નવી ટોપી પહેર્યા બાદ કાર્યકરોમાં પણ અનેરો ઉત્સાહ જોવા મળી રહ્યો છે.

ઉલ્લેખનીય છે કે, એરપોર્ટથી શરૂ થયેલો વડાપ્રધાન નરેન્દ્ર મોદીનો રોડ-શો પૂર્ણ ગાંધીનગર ભાજપ કમલમ ખાતે પૂર્ણ થયો છે. આ દરમિયાન રોડની બંને બાજુ પર કાર્યકર્તાઓ અને નાગરિકો માનવસાંકળ બનાવીને તેમનું અભિવાદન કર્યું. હવે પીએમ મોદી કમલમ ખાતે પહોંચી ગયા છે અને અહીં નેતાઓ અને ધારાસભ્યો સાથે બેઠક પણ કરવાના છે. ત્યારબાદ તેઓ રાજભવન જશે જ્યાં સોમનાથ ટ્રસ્ટની બેઠક પણ યોજાશે અને સાંજે પીએમ મોદી જીએમડીસી ગ્રાઉન્ડ ખાતે પંચાયત મહાસંમેલનને સંબોધશે!

Source link

તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.

Join WhatsApp

LEAVE A REPLY

Please enter your comment!
Please enter your name here