Pak vs Aus: ઓસ્ટ્રેલિયા સામે હાર મળતાં પાકિસ્તાનમાં લોકોએ ટીવીના બદલે તોડ્યા બેટ

 

Pak vs Aus: 24 વર્ષ બાદ પણ પાકિસ્તાનમાં ઈતિહાસ બદલાયો નથી. ઓસ્ટ્રેલિયાએ પાકિસ્તાનને તેના ઘરઆંગણે રમાયેલી ત્રણ મેચોની ટેસ્ટ સીરિઝ 1-0થી જીતી લીધી છે. પ્રથમ બે મેચો ડ્રો થયા બાદ ત્રીજી અને અંતિમ નિર્ણાયક મેચમાં ઓસ્ટ્રેલિયાએ પાકિસ્તાનને 115 રનોથી હરાવી મેચ અને સીરિઝ પોતાના નામે કરી હતી. ઉલ્લેખનીય છે કે, 24 વર્ષ અગાઉ પણ જ્યારે ઓસ્ટ્રેલિયા પાકિસ્તાન પ્રવાસ પર આવ્યુ હતું ત્યારે પણ ટેસ્ટ સીરિઝ પર 1-0થી કબ્જો જમાવ્યો હતો. પાકિસ્તાનની હાર બાદ સામાન્ય રીતે જોવા મળે છે તેમ આ વખતે ટીવી તૂટ્યા ન હતા. પણ લોકોએ હાર બાદ બેટ તોડતા જોવા મળ્યા હતા. પાકિસ્તાનની હાર બાદ સોશિયલ મીડિયામાં મીમ્સનું ઘોડાપૂર આવ્યું હતું.

ઓસ્ટ્રેલિયા સામે પાકિસ્તાનની હાર થતાં સોશિયલ મીડિયામાં લોકો પાકિસ્તાન ટીમની ભારે મજા લેતાં જોવા મળ્યા હતા. 24 વર્ષ બાદ એ જ સ્થિતિ મળતાં એક યુઝરે લખ્યું કે, આજે પણ કાંઈ બદલાયું નથી, આજે પણ બધું એવું ને એવું જ છે. જ્યારે એક યુઝરે પાકિસ્તાનના એક ફેનનો વિડીયો શેર કર્યો છે, કે જે રસ્તા પર બેટ તોડતો જોવા મળે છે. અને વિડીયો પર લખ્યું છે કે, 24 વર્ષ સુધી ઓસ્ટ્રેલિયા સામે હાર મળે તે માટે સિરીઝની રાહ જોઈ. આ સાથે હાર્ટ બ્રોકન ઈમોજી પણ મુક્યું હતું.

તો અન્ય એક યુઝરે લખ્યું હતું કે, ઓસ્ટ્રેલિયાની ટીમ દ્વારા પાકિસ્તાન ક્રિકેટ ટીમને જે નુકસાન પહોંચાડવામાં આવ્યું છે, તેની ખોટ ક્યારેય પૂરી શકાય તેમ નથી. તો અન્ય એક યુઝકે 2019 વર્લ્ડ કપ અને 2021 ટી20 વર્લ્ડ કપમાં ઓસ્ટ્રેલિયાએ હાર આપતાં લખ્યું હતું કે, ઓસ્ટ્રેલિયા દર વખતે પાકિસ્તાનના સપનાઓ ચકનાચૂર કરી દે છે.

પાકિસ્તાન સામેની ત્રીજી અને અંતિમ ટેસ્ટ મેચમાં ઓસ્ટ્રેલિયાએ પાકિસ્તાનને 115 રનોથી હરાવી ત્રીજી મેચમાં જીત હાંસલ કરી હતી. ઓસ્ટ્રેલિયાની ક્રિકેટ ટીમ 24 વર્ષ બાદ પાકિસ્તાનમાં ટેસ્ટ સીરિઝ રમવા માટે પહોંચી હતી. ત્રણ મેચોની ટેસ્ટ સીરિઝ ઓસ્ટ્રેલિયાએ 1-0થી પોતાના નામે કરી દીધી છે. સીરિઝની અગાઉની બંને મેચ ડ્રો રહી હતી. ત્રીજી અને નિર્ણાયક અંતિમ મેચમાં ઓફ સ્પિનર નાથન લિયોને 5 વિકેટ ઝડપીને ઓસ્ટ્રેલિયાને શાનદાર જીત અપાવી હતી.

Source link