MS Dhoni Video Viral: ધોની Live મેચમાં ફૂટબોલ રમવા લાગ્યો, વીડિયો થયો વાયરલ

 

મુંબઈઃ કેપ્ટન કૂલથી જાણીતા બનેલા ધોનીએ તાજેતરમાં ચેન્નાઈ સુપર કિંગ્સની કેપ્ટનશીપ છોડ્યા બાદ હાલ ચર્ચામાં છે. IPL 2022ની સૌથી પહેલી મેચ ચેમ્પિયન CSK અને રનરઅપ કોલકાતા વચ્ચે રમાઈ હતી. જેમાં ચેન્નાઈએ હારનો સામનો કરવો પડ્યો છે. ધોનીના ફૂટબોલ પ્રેમ અંગે સૌ કોઈ જાણે છે. ધોની ક્રિકેટ પ્રક્ટિસ દરમિયાન પોતાની ફૂટબોલ સ્કિલ બતાવી છે. કંઈક આવું જ ચેન્નાઈ સુપર કિંગ્સ અને કોલકાતા નાઈટ રાઈડર્સ (CSK Vs KKR) વચ્ચેની મેચમાં પણ જોવા મળ્યુંહતું. ધોની આ મેચ દરમિયાન ચાલુ મેચમાં ફૂટબોલ રમતો દેખાયો હતો. આ ઘટનાનો વીડિયો સોશિયલ મીડિયામાં વાયરલ થઈ રહ્યો છે.

કેકેઆરની ઈનિંગ્સની ચોથી ઓવર એડમ મિલ્ને કરી રહ્યો હતો. મલ્ને ત્રીજા બોલ પર રહાણેએ ડિફેન્સ શોટ રમ્યો અને બોલ ધોનીની પાસે ગયો હતો. ધોનીએ બોલને હાથથી ઉઠાવવાના બદલે તેને ફૂટબોલ રમવાના અંદાજમાં પગથી ટ્રિબલ કરવા લાગ્યો હતો. જણાવી દઈએ કે ધોની જ્યારે બેટિંગ કરવા માટે ઉતર્યો ત્યારે તેને સ્ટેડિયમમાં સેટેન્ડિંગ ઓવેશન આપ્યું હતું. ધોનીએ નોટ આઉટ રહીને પોતાના અંદાજમાં હાફ સેન્ચ્યુરી લગાવી હતી.

વાનખેડે સ્ટેડિયમમાં ઈન્ડિયન પ્રીમિયર લીગ 2022ની શરુઆતની મેચમાં કોલકાતા નાઈટ રાઈડર્સે ચેમ્પિયન ચેનાઈ સુપરકિંગ્સને છ વિકેટથી હરાવી હતી.

મેચના મુશ્કેલ સમયમાં પૂર્વ કેપ્ટન મહેન્દ્રસિંહ ધોનીએ (50*) અને જાડેજાએ (26*)ની સાહસિક ઈનિંગ્સ રમીને ટીમનો સ્કોર 5 વિકેટ ગુમાવીને 131 પર પહોંચાડ્યો હતો. જવાબમાં કોલકાતાએ અજિંક્ય રહાણે (44)ની સારી શરુઆત સાથે 18.3 ઓવરમાં ચાર વિકેટમાં લક્ષ્ય હાંસલ કરી લીધું હતું.

આઈપીએલ શરુ થાય તેના બે દિવસ પહેલા જ ધોનીએ ચેન્નાઈ સુપર કિંગ્સની કેપ્ટનશિપ છોડવાનો નિર્ણય લીધો હતો. ધોનીએ પોતાની જવાબદારી ટીમના ઓલરાઉન્ડર ખેલાડી રવિન્દ્ર જાડેજાના હાથમાં આપી હતી. પાછલા વર્ષે ચેમ્પિયન રહેલી ચેન્નાઈની ટીમ રનરઅપ ટીમ કોલકાતા સામે હારનો સામનો કરવો પડ્યો હતો. જોકે, આ વર્ષે ટીમોમાં ઘણાં મોટા ફેરફાર થયા છે.

Source link