LRD ભરતી: 10 એપ્રિલે લેવાશે લેખિત પરીક્ષા, કોલ લેટર આજથી ડાઉનલોડ કરી શકાશે

 

ગાંધીનગર: લોકરક્ષક દળની પરીક્ષાની તૈયારી કરી રહેલા ઉમેદવારો માટે કોલ લેટર ડાઉનલોડ કરવાનો સમય આવી ગયો છે. આજે સોમવારે બપોરે 1.30 વાગ્યાથી ઓજસ વેબસાઈટ પર એલઆરડીની પરીક્ષાના કોલ લેટર ઈશ્યૂ કરવામાં આવ્યા છે. ઉમેદવારો આ લિંક આ લિંક પર ક્લિક કરીને કોલ લેટર ડાઉનલોડ કરી શકે છે. ઉલ્લેખનીય છે કે, LRDના કોલ લેટર અગાઉ 3 એપ્રિલથી ઓનલાઇન થવાના હતા. જોકે, આ તારીખે રવિવાર હોવાથી વધુ એક દિવસ તારીખ લંબાવવામાં આવી હતી.

ભરતીબોર્ડના પ્રમુખ હસમુખ પટેલે આપી માહિતી
આ અંગે લોકરક્ષક દળની ભરતી બોર્ડના પ્રમુખ હસમુખ પટેલે પણ ટ્વિટ કરીને માહિતી આપી છે. જેમાં તેમણે જણાવ્યું છે કે, લોકરક્ષક ભરતીની તારીખ 10 એપ્રિલના રોજ યોજાનાર લેખિત પરીક્ષાના કોલ લેટર https://ojas.gujarat.gov.in પરથી ડાઉનલોડ કરી શકાશે. અગાઉ આ પરીક્ષાના કોલ લેટર જાહેર થવાની તારીખ 3 એપ્રિલ કરવામાં આવી હતી પરંતુ સોમવારથી જાહેર કરવામાં આવ્યા છે.

OJAS

રવિવારે જાહેર થવાના હતા કોલ લેટર પરંતુ…
પહેલી એપ્રિલે હસમુખ પટેલે ટ્વિટ કરીને જણાવ્યું હતું કે, તારીખ 3ના રવિવાર હોય ઉમેદવારોને કોઈ ટેક્નિકલ કારણોસર કોલ લેટર ડાઉનલોડ કરવામાં મુશ્કેલી ન પડે તે માટે હવે કોલ લેટર તારીખ 4 એપ્રિલના રોજ બહાર પાડવામાં આવશે. વન રક્ષકની પરીક્ષામાં ગેરરીતિના બે બનાવોને ધ્યાનમાં લઇને પણ કોલલેટર મોડા બહાર પાડવાનો નિર્ણય કરવામાં આવેલ છે.

ઉલ્લેખનીય છે કે, લોક રક્ષકની ભરતીમાં શારીરિક કસોટીમાં 6.56 લાખ પરીક્ષાર્થીએ પરીક્ષા આપી હતી. જેમાંથી આ પરીક્ષામાં 2.94 લાખ ઉમેદવારો પાસ થયા છે, જેમની માટે 10 એપ્રિલના રોજ લેખિત પરીક્ષા યોજવામાં આવી છે.

Source link