J&Kમાં રજા ગાળવા ઘરે ગયેલા CRPFના જવાનની આતંકીઓએ ગોળી મારી કરી હત્યા!

 

શોપિયાંઃ જમ્મુ-કાશ્મીરના શોપિયાંમાં આતંકીઓએ CRPFના જવાનની ગોળી મારીને હત્યા કરી નાખી છે. કહેવામાં આવી રહ્યું છે કે, CRPFનો જવાન ઘરે રજા ગાળવા માટે આવ્યો હતો. એ સમયે હુમલાખોર આતંકીઓએ તેમના પર ફાયરિંગ કરીને હત્યા કરી નાખી હતી. હત્યાની ઘટના બાદ સુરક્ષાબળના જવાનોએ છોટેપુરા ગામને ઘેરી લીધુ હતુ. બાદમાં સમગ્ર વિસ્તારમાં સર્ચ ઓપરેશન હાથ ધરવામાં આવ્યું હતું. જમ્મુ-કાશ્મીર પોલીસના જણાવ્યા મુજબ, આતંકવાદીઓએ શોપિયાંમાં રહેતા CRPF જવાન મુખ્તાર અહમદ દોહીની પર ગોળીઓ વરસાવીને તેમની હત્યા કરી નાખી હતી. ઘટનાની જાણ થતા આસપાસના લોકો દોડી આવ્યા હતા. બાદમાં ઈજાગ્રસ્ત મુખ્તાર અહમદ દોહીને સારવાર માટે હોસ્પિટલ લઈ જવામાં આવ્યા હતા. જ્યાં રસ્તામાં તેઓ શહીદ થયા હતા.

જવાનને નિશાન બનાવીને કર્યુ ફાયરિંગ
શોપિયાંના છોટેપુરા ગામમાં રહેતો જવાન રજા ગાળવા માટે ઘરે આવ્યો હતો. CRPFનો જવાન મુખ્તાર અહમદ ઘરે આવ્યો ત્યારે આતંકવાદીઓએ તેને નિશાન બનાવ્યો હતો. બાદમાં જવાનપર ફાયરિંગ કરીને તેની હત્યા કરી નાખી હતી. આ ઘટના બાદ ઈજાગ્રસ્ત જવાનને સારવાર માટે હોસ્પિટલ ખસેડવામાં આવ્યો હતો. જવાન હોસ્પિટલમાં પહોંચે એ પહેલાં જ તેઓએ પોતાનો દમ તોડ્યો હતો અને શહીદ થયા હતા. આ પહેલાં આતંકવાદીઓએ પુલવામામાં સરપંચને ગોળી મારવાનો પ્રયાસ કર્યો હતો. જો કે, આ હુમલામાં સરપંચ માંડ માંડ બચી ગયા હતા.

બડગામમાં સરપંચની હત્યા
ફાયરિંગનો અવાજ સાંભળીને આસપાસના લોકો ઘટના સ્થળે દોડી આવ્યા હતા. ત્યારબાદ આતંકવાદીઓ ઘટના સ્થળેથી ફરાર થઈ ગયા હતા. તો બડગામ જિલ્લાના અડૂરા ગામમમાં શુક્રવારી સાંજે આતંકીઓએ સરપંચના ઘરમાં ઘુસીને હત્યા કરી હતી. આતંકીઓએ નજીકથી સરપંચને ગોળી મારી હતી. જે બાદ સરપંચ ગંભીર રીતે ઈજાગ્રસ્ત થઈ ગયા હતા. જેઓને સારવાર માટે તાત્કાલિક હોસ્પિટલ ખસેડવમાં આવ્યા હતા. પરંતુ તેઓએ રસ્તામાં જ પોતાનો જીવ ગુમાવ્યો હતો. મહત્વનું છે કે, છેલ્લાં કેટલાંક સમયથી આતંકીઓ ફરીથી સક્રિય થયા છે. આ પહેલાં અમીર કદલ વિસ્તારમાં પણ આતંકીઓએ ગ્રેનેડ હુમલો કર્યો હતો.

Source link