IPL 2022 GT vs LSG: ગુજરાતની ટીમના શુભમન ગિલે હવામાં ઉછળી પકડ્યો જબરદસ્ત કેચ

 

IPL 2022 GT vs LSG: IPL 2022માં આજે બે નવી ટીમો ગુજરાત ટાઈટન્સ (Gujarat Titans) અને લખનઉ સુપર જાયન્ટ્સ (Lucknow Super Giants) વચ્ચે ધમાકેદાર ટક્કર જોવા મળી હતી. ગુજરાતની ટીમે ટોસ જીતીને પ્રથમ બોલિંગનો નિર્ણય કર્યો હતો. પ્રથમ બેટિંગ કરવા ઉતરેલી લખનઉની ટીમની ખરાબ શરૂઆત થઈ હતી. 20 રનના સ્કોર પર જ લખનઉએ ત્રણ વિકેટ ગુમાવી દીધી હતી. આ વચ્ચે શુભમન ગિલનો એક કેચે ક્રિકેટના એક્સપર્ટથી લઈ ફેન્સને સૌથી વધારે ચોંકાવી દીધા હતા. હવામાં ઉછળીને શુભમન ગિલે (Shubhman Gill) લુઈસનો શાનદાર કેચ લપક્યો હતો. જેના ફોટો અને વિડીયો સોશિયલ મીડિયામાં વાયરલ થઈ ગયા હતા. લોકોએ આ કેચને કેચ ઓફ ધ ટુર્નામેન્ટ ગણાવ્યો હતો.

2 ઓવર પુરી થયા બાદ લખનઉ સુપર જાયન્ટ્સનો સ્કોર 2 વિકેટના નુકસાન પર 14 રન હતો. ત્રીજી ઓવર માટે વરુણ એરોન એટેક માટે આવ્યો હતો. ત્રીજી ઓવરના ત્રીજા બોલ પર એરોને શોર્ટ આઉટસાઈડ ઓફમાં બોલ નાત્યો હતો. આ બોલ માટે બેટ્સમેન એવિન લૂઈસ થોડો પાછળ ખસ્યો હતો અને શોટ મારવાનો પ્રયાસ કર્યો હતો. જેમ 1983ના વર્લ્ડ કપમાં કપિલ દેવે જે રીતે મિડ-વિકેટ પર ક્યારેય ભૂલી ન શકાય તેવો કેચ કર્યો હતો, તે જ રીતે શુભમન ગિલે પણ મિડ વિકેટ પર આ જ પ્રકારનો કેચ કર્યો હતો. તેણે પોતાની આંખો બોલ પર સ્થિર કરી હતી, અને બાદમાં જમ્પ લગાવી હવામાં ઉછળી શાનદાર કેચ કર્યો હતો. લૂઈસ 9 બોલ પર 10 રન બનાવીને પેવેલિયન પરત ફર્યો હતો.

જો કે, શુભમન ગિલનો આ શાનદાર કેચ તરત જ સોશિયલ મીડિયામાં વાયરલ થઈ ગયો છે. ગુજરાત ટાઈટન્સે પણ ગિલનો ફોટો શેર કરીને લખ્યું હતું કે, શું આ પતંગ છે કે પ્લેન? ના, આ શુભમન ગિલ છે. તો અન્ય એક યુઝરે ગિલના આ કેચને ‘કેચ ઓફ ધ સિઝન’ ગણાવ્યો હતો. જ્યારે અન્ય એક યુઝરે લખ્યું હતું કે, શુભમન ગિલે આઈપીએલના ઈતિહાસના સર્વશ્રેષ્ઠ કેચમાંથી એક કેચ ઝડપ્યો હતો. તો અન્ય એક યુઝરે તો તેને ‘ઉડતા ગિલ’નું બિરુદ આપી દીધું હતું.

Source link