IPL 2022 Final: ગુજરાત ટાઈટન્સ પહેલી જ વારમાં બની ચેમ્પિયન, રાજસ્થાન રોયલ્સનું સપનું તૂટ્યું

 

IPL 2022 Fianl GT vs RR: અમદાવાદના નરેન્દ્ર મોદી સ્ટેડિયમમાં (Narendra Modi Stadium) રમાયેલી IPL 2022 ફાઈનલની (IPL 2022 Final) મેચમાં ગુજરાત ટાઈટન્સે (Gujarat Titans) રાજસ્થાન રોયલ્સને (Rajasthan Royals) 7 વિકેટથી કચડીને ચેમ્પિયન ટ્રોફી પર કબજો જમાવ્યો હતો. પહેલી જ વખતમાં IPLમાં ઉતરેલી ગુજરાત ટાઈટન્સની ટીમે બોલિંગ અને બેટિંગ બંનેમાં શાનદાર પ્રદર્શ દેખાડ્યું હતું. રાજસ્થાન રોયલ્સે ટોસ જીતીને પ્રથમ બેટિંગનો નિર્ણય કર્યો હતો. પણ કેપ્ટન હાર્દિક પંડ્યાએ (Hardik Pandya) રાજસ્થાનની 3 વિકેટ ઝડપી રાજસ્થાનની ટીમને ઘૂંટણિયે પાડી દીધી હતી. રાજસ્થાનની ટીમ 20 ઓવરના અંતે 9 વિકેટ ગુમાવીને 130 રન બનાવી શકી હતી. જો કે, 131 રનોના સ્કોરનો પીછો કરવા ઉતરેલી ગુજરાત ટાઈટન્સની ટીમની ખરાબ શરૂઆત થઈ હતી. પણ બોલિંગ બાદ બેટિંગમાં પણ હાર્દિક પંડ્યા ગુજરાત માટે સંકટમોચકની ભૂમિકામાં જોવા મળ્યો હતો. જો કે, હાર્દિક 34 રન બનાવીને આઉટ થતાં મેચ રોમાંચક બની ગઈ હતી. પણ ત્યારબાદ આવેલાં ડેવિડ મિલરે કિલર વિસ્ફોટક બેટિંગ કરતાં ગુજરાતની ટીમને સિક્સ ફટકારી ચેમ્પિયન બનાવી દીધી હતી. ડેવિડ મિલરે 19 બોલમાં 32 રન બનાવ્યા હતા. જો કે, ગુજરાતની ટીમના ઓપનર શુભમન ગિલે પણ ક્રીઝ પર ઉભો રહીને શાનદાર ઈનિંગ્સ રમી હતી. ગિલે ટીમ માટે 45 રન બનાવ્યા હતા. આમ રાજસ્થાનનું ફરીથી ચેમ્પિયન બનવાનું સ્વપ્ન રોળાયું હતું, જ્યારે ગુજરાત ટાઈટન્સ પહેલીવારમાં જ ચેમ્પિયન બની ગયું હતું.

ગુજરાતની ઈનિંગ્સઃ 130 રનોનો સ્કોરનો પીછો કરવા ઉતરેલી ગુજરાતની ટીમની પણ ખરાબ શરૂઆત થઈ હતી. ગુજરાતના ઓપનર રિદ્ધિમાન સહા 5 રન બનાવીને આઉટ થઈ ગયો હતો, જ્યારે મેથ્યુ વેડ પણ 8 રન બનાવીને આઉટ થયો હતો. ગુજરાતની બે વિકેટ પડી ગયા બાદ કેપ્ટન હાર્દિક પંડ્યા બેટિંગ માટે ઉતર્યો હતો. અને સંકટમાં મુકાયેલી ગુજરાતની ટીમ માટે હાર્દિક પંડ્યાએ સંકટમોચકની ભૂમિકા ભજવી હતી. અને ટીમને સંભાળતાં 34 રન બનાવ્યા હતા. જો કે, 34 રન બાદ યુઝવેન્દ્ર ચહલે તેની વિકેટ ઝડપી હતી. જે બાદ મેચ ભારે રોમાંચક બની ગઈ હતી. જો કે, ડેવિડ મિલરે વિસ્ફોટક ઈનિંગ્સ રમતાં ગુજરાતની ટીમને શાનદાર વિજય અપાવ્યો હતો. ડેવિડ મિલરે સિક્સ ફટકારીને ગુજરાતની ટીમને વિજય અપાવ્યો હતો. કિલર મિલરે માત્ર 19 બોલમાં 32 રનોની વિસ્ફોટક ઈનિંગ્સ રમી હતી. આ ઉપરાંત એક બાજુ ગુજરાતની ટીમની વિકેટો પડતી હતી ત્યારે ઓપનર શુભમન ગિલ છેક છેલ્લે સુધી ક્રીઝ પર ઉભો રહ્યો હતો, તેણે 43 બોલમાં 45 રનોની શાનદાર ઈનિંગ્સ રમી હતી. 18.1 ઓવરના અંતે 3 વિકેટ ગુમાવીને ગુજરાતની ટીમે 133 રન બનાવ્યા હતા.

રાજસ્થાનની ઈનિંગ્સઃ ટોસ હાર્યા બાદ પ્રથમ બેટિંગ માટે ઉતરેલી રાજસ્થાનની ટીમને ઓપનર યશસ્વી જયસ્વાલ અને જોસ બટલરે સારી શરૂઆત અપાવી હતી. પ્રથમ ત્રણ ઓવર્સ સુધી બંને બેટર્સ ગુજરાતના બોલર્સ પર ભારે પડતા હતા. પણ ચોથી ઓવરમાં ગુજરાતને પ્રથમ ઝટકો લાગ્યો હતો. યશસ્વી જયસ્વાલ 16 બોલમાં 22 રન બનાવી યશ દયાલની ઓવરમાં કેચ આઉટ થઈ ગયો હતો. 5 ઓવરના અંતે ગુજરાતનો સ્કોર 1 વિકેટે 37 રન હતા. જો કે, હજુ સુધી આ ઝટકામાંથી બહાર આવે તે પહેલાં જ ગુજરાતના કેપ્ટન હાર્દિક પંડ્યાએ રાજસ્થાનના કેપ્ટન સંજુ સેમસનને પેવેલિયન પરત મોકલ્યો હતો. સંજુ સેમસન 14 રન બનાવી આઉટ થયો હતો. જો કે, સંજુ સેમસન આઉટ થયા બાદ રાજસ્થાનના તમામ બેટ્સમેન નિષ્ફળ રહ્યા હતા. દેવદત્ત પડિક્કલ 2 રન બનાવીને આઉટ થયો હતો, જ્યારે શિમરોન હેટમાયર 11 રન બનાવી પેવેલિયન પરત ફર્યો હતો. આર. અશ્વિન પણ 6 રન બનાવી આઉટ થયો હતો. રિયાન પરાગ 15 રન પર, ટ્રેન્ટ બોલ્ટ 11 રન પર આઉટ થયો હતો. ઓબેડ મેક્કોય 8 રન, જ્યારે પ્રસિદ્ધ ક્રિષ્ના 0 રન પર અણનમ રહ્યો હતો.

ગુજરાતની ટીમઃ રિદ્ધિમાન સહા (વિકેટકીપર), શુભમન ગિલ, મેથ્યુ વેડ, હાર્દિક પંડ્યા (કેપ્ટન), ડેવિડ મિલર, રાહુલ તિવેટિયા, રશિદ ખાન, રવીશ્રીનિવાસન સાઈ કિશોર, લોકી ફર્ગ્યુસન, યશ દયાલ, મોહમ્મદ શમી.

રાજસ્થાનની ટીમઃ યશસ્વી જયસ્વાલ, જોસ બટલર, સંજુ સેમસન (કેપ્ટન અને વિકેટકીપર), દેવદત્ત પડિક્કલ, શિમરોન હેટમાયર, રિયાન પરાગ, આર. અશ્વિન, ટ્રેન્ટ બોલ્ટ, પ્રસિદ્ધ ક્રિષ્ના, ઓબેડ મેક્કોય, યુઝવેન્દ્ર ચહલ.

Source link