Holi Special Recipe: બહાર જેવો જ ઠંડાઈ મસાલો હવે ઘરે બનાવો, સરળતાથી મળી રહેતી સામગ્રીમાંથી બની જશે!

 

હોળી માત્ર રંગોનો જ નહીં પરંતુ સ્વાદિષ્ટ ભોજન અને પીણાનો પણ તહેવાર છે. એક એવી વસ્તુ જે હોળી પર વધારે પીવાતી હોય છે તે છે ઠંડાઈ. હોળી પર ઘરમાંથી સરળતાથી રહેતી સામગ્રીમાંથી તમે ઠંડાઈ મસાલો બનાવી શકો છો. ઠંડાઈ મસાલાને જ્યારે દૂધમાં મિક્સ કરીને પીવામાં આવે ત્યારે તે શરીરને ઠંડક આપે છે. જો તમે આ હોળીએ પરિવાર સાથે મળીને સંબંધીઓ તેમજ મિત્રો માટે હોળી પાર્ટીનું પ્લાનિંગ કરી રહ્યા હો તો ઠંડાઈ મસાલો ઘરે બનાવતા શીખી લો. તેનો ઉપયોગ કરીને તમે ઠંડાઈ પણ ફટાફટ બનાવી શકશો. ઠંડાઈ મસાલો બનાવવા માટે કઈ કઈ સામગ્રી જોઈશે તેના પર એકવાર નજર કરી લો.

ઘરે જ બનાવો મુંબઈના ફેમસ અને જોતા જ મોંમાં પાણી આવી જાય તેવા મસાલા પાઉં, એકદમ સરળ છે રેસિપી
ઠંડાઈ મસાલો બનાવવા માટે જોઈતી સામગ્રી
1/4 કપ બદામ
1/4 કપ પિસ્તા
1 ટી સ્પૂન મરી
1/2 ટી સ્પૂન ઈલાયચી પાઉડર
2 ચપટી કેસર
1/4 કપ કાજુ
2 ટે. સ્પૂન વરીયાળી
2 ટી સ્પૂન મગજતરી
2 ટે. સ્પૂન સૂકા ગુલાબની પાંદડી

સ્ટેપ 1
એક પેન લો અને તેને ધીમી ફ્લેમ પર ગરમ થવા દો. તેમાં બદામ, કાજુ, પિસ્તા, વરીયાળી, મરી, મગજતરીના બીજ, ઈલાયચી પાઉડર. સૂકા ગુલાબની પાંદડી અને કેસર લઈ લો. થોડી મિનિટ માટે તેને શેકી લો. કોઈ પણ વસ્તુ બળી ન જાય તેનું ખાસ ધ્યાન રાખવું.

ઈંડા અને ઓવનનો ઉપયોગ કર્યા વગર બનાવો વેનિલા કપકેક, બાળકો ખુશ થઈ જશે
સ્ટેપ 2
બધી સામગ્રી શેકાઈ જાય એટલે ગેસ બંધ કરી દો. તમામ વસ્તુને પેનમાંથી ચમચથી કાઢીને પ્લેટમાં લઈ લો. તેને ઠંડી થવા દો. સામગ્રી ઠંડી થાય એટલે મિક્સર જારમાં લો અને બારીક પાઉડર થાય તેવુ ક્રશ કરી લો.

સ્ટેપ 3

તો તમારો ઠંડાઈ મસાલો તૈયાર છે. એક ગ્લાસ દૂધમાં 1 ચમચી મસાલો, થોડી ખાંડ ઉમેરીને મિકસ કરી લો, તો આમ તમારી ઠંડાઈ પણ બની જશે

Source link