Gujarat Assembly Budget Session : આજથી બજેટ સત્રનો પ્રારંભ, ગુરુવારે ભૂપેન્દ્ર પટેલની સરકાર રજૂ કરશે બજેટ

Gujarat Assembly Budget Session

ગાંધીનગરઃ મુખ્યમંત્રી ભૂપેન્દ્ર પટેલના (Bhupendra Patel) નેતૃત્વ હેઠળની રાજ્ય સરકારનું પ્રથમ વિધાનસભાનું બજેટ સત્ર આજથી (2 માર્ચ) શરૂ થવા જઈ રહ્યું છે. 3 માર્ચ, 2022ના રોજ એટલે કે ગુરુવારે આશરે 1.30 કલાકે રાજ્યના નવા નાણામંત્રી કનુભાઈ દેસાઈ વર્તમાન રાજ્ય સરકારનું પ્રથમ અને અંતિમ બજેટ વિધાનસભા ગૃહમાં રજૂ કરશે. સત્રના પ્રથમ દિવસની શરૂઆત બપોરના 12 કલાકે રાજ્યપાલ ડો. દેવવ્રત આચાર્યના સંબોધન સાથે થશે. ડિસેમ્બર, 2022માં ગુજરાત વિધાનસભાની ચૂંટણી યોજાવાની હોવાથી હાલની રાજ્ય સરકાર પાસે માત્ર નવ મહિના જેટલો જ સમય બચ્યો છે. ત્યારે વિરોધ પક્ષ પણ વિવિધ મુદ્દા ઉઠાવશે. રાજ્યમાં વિવિધ સ્પર્ધાત્મક પરીક્ષાઓ સહિતના પેપર લીકનો મામલો, કથિત ભ્રષ્ટાચારની બાબતો, બેરોજગારી, મોંઘવારી સહિતના અનેક મુદ્દા વિધાનસભાના બજેટ સત્રમાં ઉઠશે.

રોમાનિયા બોર્ડર પર અંધાધૂંધી: વિદ્યાર્થીઓની ધક્કામુક્કીમાં સુરતની પાટીદાર યુવતી ઘાયલ
સત્રના પહેલા દિવસે, ભાજપના ઉંઝાના ધારાસભ્ય ડો. આશાબેન પટેલ અને ભારત રત્ન સ્વર સામ્રાજ્ઞી લતા મંગેશકરના નિધન પ્રત્યે પણ સત્ર દરમિયાન શોક વ્યક્ત કરવામાં આવશે. તેમના પરિવારજનોને શોકાંજલિ અર્પતો પ્રસ્તાવ પસાર કરવામાં આવશે. મુખ્યમંત્રી ભૂપેન્દ્ર પટેલ દ્વારા રજૂ થનારા આ શોકાંજલિ પ્રસ્તાવને વિપક્ષ નેતા સુખરામ રાઠવા સમર્થન આપશે અન્ય ધારાસભ્યો પણ શોકાંજલિમાં સામેલ થશે. ત્યારબાદ ગૃહની બેઠક મુલતવી રાખવાનો પ્રસ્તાવ થશે, જેનો સ્વીકાર થયા બાદ ગૃહની બેઠક પૂરી થવાની જાહેરાત કરાશે.

યુક્રેનમાં જ્યાં રશિયન સેના વેક્યુમ બોમ્બ ફેંકી રહી છે ત્યાં ફસાયા છે 3000 ભારતીય વિદ્યાર્થીઓ
2 માર્ચ, 2022થી શરૂ થનારું ગુજરાત વિધાનસભાનું સત્ર 31 માર્ચ, 2022એ સમાપ્ત થશે. 30 દિવસના સત્રમાં શનિવાર-રવિવારની આઠ રજાઓ ઉપરાંત 18મીએ ધૂળેટીની રજા મળીને કુલ નવ રજાઓ આવશે. તેથી સત્ર કુલ 21 દિવસ માટેનું હશે. બજેટ સત્રના દિવસો ખૂબ ઓછા હોવાથી 8, 10, 15, 22 અને 24મી તારીખ એમ પાંચ દિવસ મળીને ગૃહની ડબલ બેઠક થશે. એટલે કે સવારા 10 વાગ્યાથી 3 વાગ્યા સુધી પહેલી બેઠક અને બપોરના 3.30થી મોડી સાંજ સુધી બીજી બેઠક થશે. સત્રના કુલ કામકાજના 21 દિવસોમાં ડબલ બેઠકના પાંચ દિવસ ઉમેરીને કુલ 26 દિવસ કામ થયેલું ગણાશે. સત્ર દરમિયાન રાજ્ય સરકાર તરફથી 3 જેટલા નવા કાયદા અને બાકીના 7 જેટલા કાયદામાં સુધારા કરતા બિલ રજૂ કરાય તેવી શક્યતા છે.

વર્ષ 2022-23 માટેના ગુજરાત સરકારના બજેટનું કુલ કદ આશરે 2.40 કરોડ હોઈ શકે છે. 2021-22ના વર્ષનું બજેટ કુલ 2.28 કરોડ હતું અને તેમા સરકારને 2.18 લાખની આવક અને 2.23 લાખનો ખર્ચ હતો. કોરોના મહામારીના કારણે આવેલી મંદીથી રાજ્ય સરકારને ધાર્યા મુજબની આવક થઈ નથી.

Source link