Good luck Jerry Movie Review: પંજાબ-બિહારનું રસપ્રદ કોકટેલ અને Janhvi Kapoorનો દમદાર અભિનય, OTT પર રીલિઝ થઈ ફિલ્મ


એક્ટર્સ– જાહ્નવી કપૂર, દીપક ડોબરિયાલ, મીતા વશિષ્ઠ, સુશાંત સિંહ, મોહન કંબોજ
ડિરેક્ટર– સિદ્ધાર્થ સેનગુપ્તા
શ્રેણી– હિન્દી, ડ્રામા, કોમેડી, ક્રાઈમ
સમયગાળો– 2 કલાક 28 મિનિટ

OTT પ્લેટફોર્મ Disney+ Hotstar પર જાહ્નવી કપૂરની નવી ફિલ્મ ગુડ લક જેરી રીલિઝ થઈ ગઈ છે. આ ફિલ્મ તમિલ સિનેમાના લોકપ્રિય ડિરેક્ટર નેલ્સન દિલીપ કુમારની Kolamaavu Kokilaથી પ્રેરિત છે. સાઉથની આ ફિલ્મમાં ડિરેક્ટર સિદ્ધાર્થ સેનગુપ્તા અને લેખક પંકજ મટ્ટાએ પંજાબ અને બિહારના ફ્લેવરને ઉમેરીને ફિલ્મને અલગ જ અંદાજ આપ્યો છે. શું બાલિકા વધૂ ફેમ ડાઈરેક્ટરની આ બ્લેક કોમેડી ફિલ્મ દર્શકોને પસંદ આવશે કે નહીં?

વાર્તા

મોમોઝ દાર્જીલિંગના છે, બિહારી લોકો બનાવી રહ્યા છે અને પંજાબી લોકો ખાઈ રહ્યા છે….આ જ ડાયલોગ સાથે જાહ્નવી કપૂરની ફિલ્મ ગુડ લક જેરીની શરુઆત થાય છે. એક ગરમી પરિવારની ભાગદોડ દર્શાવવામાં આવી છે જે જોઈને ઘણાં બધા લોકો પોતાને કનેક્ટ કરી શકશે. વાર્તાની શરુઆત મોમોઝ બનાવનાર બિહારના આન્ટી(મીતા વશિષ્ઠ) સાથે થાય છે, જે બે દીકરીઓ સાથે પંજાબમાં રહે છે. પતિનું નિધન થઈ ગયું છે અને તે મોમોઝ વેચીને બન્ને દીકરીઓનો ઉછેર કરી રહ્યા છે. ભાડાના ઘરમાં તેઓ રહે છે. નાણાંકીય સ્થિતિને ધ્યાનમાં રાખીને મોટી દીકરી જયા કુમારી જેને જેરી નામથી બોલાવવામાં આવે છે, તે મસાજ પાર્લરમાં નોકરી શરુ કરે છે. આ નોકરી માતાને બિલકુલ પસંદ નથી અને નાની બહેન ચેરીને પણ લાગે છે કે આવી નોકરી વિશે સાંભળીને લોકો શું કહેશે? મસાજ પાર્લરમાં કામ કરનાર છોકરીઓ સાથે કોણ લગ્ન કરશે? જેરીની ગલીમાં રહેતો શેખર(દીપક ડોબરિયાલ) તેના એકતરફા પ્રેમમાં છે. જ્યારે જેરીના માતાની બીમારીની જાણકારી સામે આવે છે ત્યારે પરિવાર પર આભ ફાટી પડે છે. જેરીમાં દીકરો બનવાની પણ એક જીદ છે.

આવી ગયું વેબ સિરીઝ ‘રંગબાઝ 3’ અને ‘મહારાણી 2’નું ટ્રેલર-ટીઝર, બંનેમાં જોવા મળશે સત્તાની લડાઈ
માતાનો જીવ બચાવવા માટે જેરી જીવ રેડી દે છે. આ મુશ્કેલ સમયમાં તે એવા રસ્તા પર નીકળી પડે છે જ્યાંથી પાછા આવવું મુશ્કેલ છે. તેનો સામનો ડ્રગ માફિયાથી થાય છે. તે ડ્રગ માફિયાઓની જાળમાં ફસાઈ જાય છે. પરંતુ અસલ ટ્વિસ્ટ ત્યારે આવે છે જ્યારે જેરી હીરોની જેમ મારપીટ કરીને નહીં પણ સાદગીથી વિલન્સને હંફાવે છે.શું જેરી માતાનો જીવ બચાવી શકશે, શું તે ડ્રગ્સની જાળમાંથી બહાર નીકળી શકશે, આ તમામ પ્રશ્નોના ઉત્તર ફિલ્મમાં મળશે.

અભિનય

જેરીના અમુક ડાયલોગ એવા છે જે સાંભળીને તમારી આંખો ભીંજાઈ શકે છે. માતા-દીકરી વચ્ચેના દ્રશ્યો ઘણાં ભાવુક કરનારા છે. જેરીના પાત્રમાં જાહ્વની કપૂરે માપસરની એક્ટિંગ કરી છે, સરળ ભાષામાં કહીએ તો જેટલી જરૂર હતી તેટલો જ અભિનય જેરીએ કર્યો છે. તે આ અંદાજમાં ફિટ જણાય છે. તે પોતાના ડાયલોગ્સમાં બિહારી ટચને પણ સારી રીતે લાવી શકી છે અને ફિલ્મના સંદર્ભમાં તે એક મોટી સફળતા છે. તમિલ ફિલ્મમાં જાહ્નવીનું પાત્ર લોકપ્રિય અભિનેત્રી નયનતારાએ ભજવ્યુ હતું. જાહ્નવી દિગ્ગજ નયનતારાની સરખામણીમાં પોતાને સંભાળી લે છે, કારણકે તેણે નયનતારાને કોપી કરવાનો પ્રયત્ન નથી કર્યો. જાહ્નવી કપૂરને સોશિયલ મીડિયા પર તમે ગ્લેમરસ અંદાજમાં જોતા હશો, પણ અહીં તે પોતાના પાત્રમાં ઢળી ગઈ છે. જેરીની માતાનું પાત્ર મીતા વશિષ્ઠે સુંદરતાથી ભજવ્યું છે. દીપક ડોબરિયાલ, સુશાંત સિંહ અને મોહન કંબોજે પણ ઘણો સારો અભિનય કર્યો છે.

ડાઈરેક્શન અને લેખન

ચિડી બલ્લા, લાલ રંગ અને બારાત કંપની જેવી અનેક ફિલ્મો લખી ચૂકેલા પંકજ મટ્ટાએ જાહ્નવી કપૂરની આ ફિલ્મ પણ લખી છે. પંકજ માટે આ એક મોટો પ્રોજેક્ટ હતો અને તેણે તકનો લાભ લીધો છે. હળવા પંચ મૂકીને દર્શકોને તેમણે હસાવ્યા પણ છે. પંજાબ-બિહારનું કોકટેલ પણ જામે છે. ડિરેક્ટર તરીકે સિદ્ધાર્થ સેનગુપ્તાની આ પ્રથમ ફિલ્મ છે. તે આ સ્ટોરીને વધારે દમદાર બનાવી શકતા હતા. ફિલ્મનો ક્લાઈમેક્સ નબળો છે. જે સવાલો સાથે વાર્તાની શરુઆત થાય છે, તેનો જવાબ અહીં નથી મળતો.

Source link