Fake Osrgasm : ફેક ઓર્ગેઝમને કેવી રીતે ઓળખશો? ધ્યાનમાં રાખો આ વાત

 

સેક્સ બાદ જ્યારે પણ સંતૃપ્તિનો ઓડકાર આવે છે, ત્યારે જ પૃથ્વી પર સ્વર્ગની અનુભૂતિ થાય છે જોકે, જ્યારે પણ તમારા વચ્ચે પ્રણયફાગ ખેલાતો હોય છે અને અચાનક જ પાર્ટનર સંતૃપ્તિનો ઓડકાર ખાઈ લે છે, તો હકીકતમાં તેને સંતૃપ્તિ થઈ છે કે પછી ફેક ઓર્ગેઝમ હોવાનો ઢોંગ કરે છે તે કેવી રીતે ખબર પડી શકે? જો તમારા મહિલા પાર્ટનરને ઓર્ગેઝમની અનુભૂતિ નથી થઈ રહી તો તમારે ચિંતા કરવાની જરુર નથી. બની શકે કે એ ફેક ઓર્ગેઝમનું નાટક પણ કરી રહી હોય. અહીં કેટલાક સંકેતો આપવામાં આવ્યા છે જેથી તમે જાણી શકો કે પાર્ટનર ફેક ઓર્ગેઝમનું નાટક કરી રહી હોય.

​વિચિત્ર વર્તન કરવું

જ્યારે પણ પાર્ટનર સંભોગસુખની ચરમસીમા સુધી પહોંચે છે તો તેનો ચહેરો એક વિચિત્ર ભાવ સાથે જોવાલાયક હોય છે. કેટલાક હાંફવા લાગે છે તો કેટલાકનું મોઢું પણ ખુલ્લું રહી જાય છે. અલબત્ત આ બધું ખુશીના કારણે જ થતું હોય છે.. જોકે, તમારી પાર્ટનર જો વિચિત્ર રીતે અને ઝડપી ઉંહકારા ભરે છે તો દોસ્ત એ શક્યતા છે કે ફેક ઓર્ગેઝમનું નાટક કરી રહી હોય અને તમને સંકેત આપી રહી હોય કે આ બધું જલદીથી પૂરું થાય.

​સેક્સ બાદ એક વિચિત્ર સ્માઈલ

ચલો દોસ્ત, આપણને બધાને ખબર છે કે, એક વિચિત્ર અને ક્રૂરતાભરી સ્માઈલ કેવી હોય છે. જ્યારે પણ કંટાળો આવે અને કોઈ વસ્તુ બળજબરીપૂર્વક થોપવામાં આવી હોય, ત્યારે જ આવી સ્માઈલ નીકળે છે. જો તમારી પાર્ટનર પણ સેક્સ પછી સંતુષ્ટિ સાથે આ રીતે સ્માઈલ આપતી હોય તો એ શક્ય બને કે ફેક ઓર્ગેઝમનું નાટક કરતી હોય.

​અહીં તહીં જોવું

જ્યારે પણ તમારી મહિલા પાર્ટનર ઓર્ગેઝમનો ઢોંગ કરશે ત્યારે તે તમારી આંખમાં આંખ મિલાવીને નહીં જોઈ શકે. કોઈ પાસે ખોટું બોલવું અને વિશેષ રીતે આંખોમાં આંખો નાખીને ખોટું બોલવું એ મોટાભાગના લોકો માટે શક્ય નથી હોતું. આ કારણે જ જો તમારી મહિલા પાર્ટનર સંભોગ વખતે ઓર્ગેઝમ સમયે તમારી આંખમાં આંખ નાખીને વાતો નથી કરી શકતી તો દોસ્ત માની લેવું કે કુછ તો ગડબડ હૈ…

​વધારે પડતો ઉત્સાહ બતાવવો

સંસ્કૃતમાં એક કહેવત છે કે, અતિ સર્વત્ર વર્જ્યતે. ઉપરાંત ગુજરાતીમાં એવું કહેવાય છે કે, અતિની ગતિ ન્યારી હોય છે. કોઈપણ વસ્તુનો અતિરેક સારો નથી હોતો એ જ ન્યાયે આ મામલે જો તમારી મહિલા પાર્ટનર સેક્સ માણતા સમયે ખૂબ જ ઉત્સાહ બતાવતી હોય તો સમજી લેવું કે એ તેને નકલી બનાવી રહી છે. કારણ કે, બે પાર્ટનરનું શારીરિક મિલન એકદમ કુદરતી રીતે જ આવે છે. જેમાં બન્નેનો પ્રેમ છલકાઈ ઉઠે છે.

​બિનજરુરી સૂચનો આપવા

માની લો કે, બેડરુમ વચ્ચે બે શરીરનું મિલન સારી રીતે ચાલી રહ્યું છે એવું તમે માની રહ્યાં છુઓ અને અચાનક જ તમારી મહિલા સાથી તમને કેટલાક સૂચનો આપવાનું શરુ કરી દે છે કે, તેને વધારે કેવી રીતે તમે ખુશ કરી શકો છો? તો સમજી લેવું કે તમે જે કંઈ પણ કરી રહ્યાં છો તેનાથી તે ખુશ નથી. તમારે સમજી લેવું જોઈએ કે કંઈક તો કાચુ કપાઈ રહ્યું છે અને તમારી રણનીતિ યોગ્ય નથી. તે એવી આશા રાખી રહી છે કે, તમે જે પણ કંઈ કરી રહ્યાં છો તેમાં ઉત્તમ બનો અને યોગ્ય રીતે તેને ઓર્ગેઝમ સુધી પહોંચાડો.

Source link