Expert Advice: ઝીણા તાવનું કારણ માત્ર કોરોના નથી, આ જીવલેણ બીમારીઓ પણ હોઇ શકે છે જવાબદાર

 

શરૂઆતમાં સતત ખાંસી અને ગળુ સૂકાઇ જવા ઉપરાંત કોવિડનું વધુ એક લક્ષણ છે ઝીણો તાવ, જે યોગ્ય સારવારના અભાવે કે તેના ઉપર ધ્યાન નહીં આપવાના કારણે વધતો રહે છે. જો કે, ઝીણો તાવ આવવો તેનું કારણ માત્રને માત્ર કોવિડ જ હોય તેવું જરૂરી નથી. આ તમામ શરીરમાં બીજી ખામીઓ તરફ પણ ઇશારો કરે છે, શક્ય છે કે શરીરમાં કોઇ ઇન્ફેક્શન અથવા બીમારીના કારણે પણ શરીરમાં સતત તાવ રહેતો હોય. અહીં, ઝીણો તાવ એટલે કે, લૉ-ગ્રેડ ફિવરના કારણો શું હોઇ શકે તેના પર એક નજર કરીએ.

લૉ-ગ્રેડ ફિવર શું છે?

એક સામાન્ય માણસના શરીરનું તાપમાન અંદાજિત 98.6 ડિગ્રી હોય છે, જ્યારે ઝીણો તાવ આવવાથી શરીરનું તાપમાન 100.4થી 100.2 ડિગ્રી ફેરનહિટ પર રહે છે. સામાન્ય તાપમાનને દરેક સમયે ગંભીરતાથી લેવું જરૂરી નથી, કારણ કે ઘણીવાર તડકામાં રહેવાથી પણ તાપમાન વધી જાય છે. તાવના અન્ય લક્ષણો પર નજર કરીએ તો ઠંડી લાગવી, માથાનો દુઃખાવો, કંપારી, સાંધાનો દુઃખાવો, ડિહાઇડ્રેશન અથવા હવામાનના ફેરફારના કારણે પણ શરીરનું તાપમાન વધી શકે છે.

​ઓટોઇમ્યૂન ડિસ્ઓર્ડર

કેટલાંક ઓટોઇમ્યૂન (સ્વયંપ્રતિરક્ષા) ડિસ્ઓર્ડર જેમ કે, સંધિવા અને લ્યુપસ (ત્વચામાં બળતરાં)ના કારણે પણ ઝીણો તાવ આવી શકે છે. એક્સપર્ટ રિપોર્ટ્સ અનુસાર, અંદાજિત 86 ટકા લોકોને લ્યુપસના કારણે ઝીણો તાવ રહે છે. સેન્ટર ફોર ડિસિઝ કંટ્રોલ એન્ડ પ્રિવેન્શન (Centers for Diseases Control and Prevention-CDC) અનુસાર, ઝીણા તાવ ઉપરાંત લ્યુપસમાં મસલ્સ, જોઇન્ટ પેઇન, રૅશિસ અને છાતીમાં દુઃખાવો પણ રહે છે.

​લૉ-ગ્રેડ ફિવરથી શ્વાસને લગતી તકલીફો

કોવિડ-19 ઉપરાંત શ્વસનને લગતા વાઇરસના કારણે પણ લૉ-ગ્રેડ ફિવર થઇ શકે છે. કેટલાંક વાઇરલ અને બેક્ટેરિયા ઇન્ફેક્શન જેમ કે, ફ્લૂ, ઓરી, કોમન કોલ્ડ (Rhinoviruses), ગાલપચોળિયા, અછબડાં (Chickenpox), કાનનું ઇન્ફેક્શન, સાઇનસ, ન્યૂમોનિયા, સ્કિન ઇન્ફેક્શન, મૂત્ર માત્ર (Urinary tract) ઇન્ફેક્શન વગેરેના કારણે પણ ઝીણો તાવ આવી શકે છે.

​કેન્સર

લિમ્ફોમા અને લ્યૂકેમિયા કેન્સરના કારણે પણ શરીરમાં ઝીણો તાવ રહે છે. કેન્સરના કારણે શરીરમાં થતી અસાધ્ય ગાંઠ હેલ્ધી બોડી સેલ્સને નુકસાન પહોંચાડે છે અને શરીરનું તાપમાન સતત હાઇ રહે છે. આ સિવાય કિમોથેરાપી લેતા દર્દીઓનું તાપમાન પણ ઊંચુ રહે છે કારણ કે, કિમોથેરાપીથી વ્હાઇટ બોડી સેલ્સ જે ઇન્ફેક્શન સામે લડવા માટે જરૂરી છે તે નાશ પામે છે પરિણામે દર્દીને સતત તાવની ફરિયાદ રહે છે.

​દવાઓ અને વેક્સિન રિએક્શન

ડ્રગ્સ એન્ડ થેરાપી બૂલેટિનમાં પ્રકાશિત એક રિપોર્ટ ‘ધ ટ્રૂથ અબાઉટ ડ્રગ ફિવર’ (The truth about drug fever) અનુસાર, ઝીણા તાવના 7 ટકા કારણોમાં અમુક પ્રકારની દવાઓ અને ઇન્જેક્શન પણ જવાબદાર છે. ડ્રગ ફિવર તરીકે ઓળખાતા આ તાવમાં કોઇ પણ નવી દવા શરૂ કર્યાના 7થી 10 દિવસ સુધી દર્દીને ઝીણા તાવની ફરિયાદ રહે છે.

આ ઉપરાંત લૉ-ગ્રેડ ફિવર વેક્સિનેશનના કારણે પણ આવે છે. તમે ફ્લૂ શોટ્સ લીધા હોય કે, કોવિડ વેક્સિન આ વેક્સિનેશન બાદ પણ તાવના એવા જ લક્ષણો જોવા મળે છે જે ઇન્ફેક્શન સમયે આવતા તાવમાં હોય છે.

​લૂને લગતી બીમારીઓ

લૂ લાગવાથી અથવા વધારે સમય સુધી તાપમાં રહેવાના કારણે પણ ટેમ્પરેચર વધી શકે છે. લૂના કારણે જો ઝીણો તાવ આવે તો તેની સાથે સાથે રૅશિસ, ત્વચામાં લાલ ચકામા થવા, માથાનો દુઃખાવો, ડિહાઇડ્રેશન, ઉબકાં અને અન્ય લક્ષણો પણ નોતરે છે. હીટને લગતી બીમારીઓમાં હિટ રૅશ, સ્નાયુઓમાં ખેંચાણ, થાક લાગવો અને સ્ટ્રેક સામેલ છે.

​SIT ઇન્ફેક્શન

SIT-

એક્સપર્ટ્સના જણાવ્યા અનુસાર, ઘણીવાર સેક્સ્યુઅલ ટ્રાન્સમિશન ઇન્ફેક્શન જેમ કે, સિફ્લિસ, ગોનોરિયા, ક્લેમીડિયા અને ટ્રાઇકોમોનિઆસિસના કારણે પણ ઝીણો તાવ રહે છે. વર્લ્ડ હેલ્થ ઓર્ગેનાઇઝેશન (WHO)ના રિપોર્ટ અનુસાર, એસઆઇટી સેક્સ્યુઅલ કોન્ટેક્ટના કારણે થતી બીમારી છે. ઘણીવાર એસઆઇટી માતા દ્વારા બાળકને પણ થવાની સંભાવનાઓ હોય છે. જે પ્રેગ્નન્સી દરમિયાન, બાળકને જન્મ આપતા સમયે અથવા બ્રેસ્ટ ફિડિંગ દરમિયાન ટ્રાન્સમ્યૂટ થાય છે.

​લૉ-ગ્રેડ ફિવરની સારવાર

જો ઝીણા તાવના લક્ષણો કે કારણો બહુ મોટાં ના હોય તો તમે જાતે જ ઇલાજ કરી શકે છો. પણ જો તમને સતત અને ઘણાં દિવસો સુધી તાવ રહે તો ડોક્ટરની સલાહ અને સુચનો દ્વારા તેનો ઇલાજ કરાવવો જોઇએ. જો લક્ષણો અતિ સામાન્ય હોય તો જ તેનો ઇલાજ જાતે કરવાનો આગ્રહ રાખો.

ઘણીવાર દવાઓના કારણે પણ તાવ આવતો હોય છે, આ અંગે તમારાં ડોક્ટરની સાથે વાતચીત કરી તેનો ઇલાજ શોધો અથવા દવાઓમાં ફેરફાર કરો. આ ઉપરાંત જો તાવ આવે તે દરમિયાન આરામ કરો અને પુષ્કળ પાણી પીવાનો આગ્રહ રાખો. તમારાં લક્ષણો પર નજર રાખીને યોગ્ય આહાર લેવાથી તેનો ઇલાજ થઇ શકે છે.

Source link