Exercises For Hair Growth : ખરતા વાળને અટકાવવા અને જલ્દી લાંબા કરવા માટે રોજ કરો આ 4 કસરત

 

શું તમે વાળ સંબંધિત સમસ્યાઓમાંથી રાહત મેળવવા માંગો છો? જો હા, તો કેટલીક કસરતો તમને આમાં મદદ કરી શકે છે. ચાલો જાણીએ એવી કસરતો વિશે જે વાળને વધારવા અને તેને ખરતા અટકાવવામાં અસરકારક સાબિત થઈ શકે છે. કસરત પણ તેમાની જ એક બાબત છે, જે વાળને હેલ્દી રાખવામાં ખૂબ મદદ કરે છે. ઘણી કસરતોને તો વાળ માટે શ્રેષ્ઠ માનવામાં આવે છે. આ કસરત રોજ કરવાથી માથાના વાળના મૂળમાં લોહીનું પરિભ્રમણ થવા લાગે છે. જે મૂળ સુધી પોષક તત્વો અને ઓક્સિજન પહોંચાડવામાં પણ ખૂબ મદદ કરે છે, તેની સાથે સાથે જ વાળના વિકાસમાં પણ મહત્વપૂર્ણ રોલ ભજવે છે. માત્ર એટલું જ નહીં, કસરત દરમિયાન થતો પરસેવો તમારા માથાના તાળવામાં કુદરતી તેલ બનાવે છે. જેને કારણે ભીનાશ યથાવત રહે છે.

આ પ્રકારની ઘણી કસરતો છે. જે વાળને સ્વસ્થ રાખવામાં ખૂબ મદદરૂપ સાબિત થઈ શકે છે. દરરોજ થોડી મિનિટો સુધી આ કસરતો કરવાથી તમને ઘણો ફાયદો થઈ શકે છે. તો ચાલો જાણીએ આ કસરતો અંગે…

​કાર્ડિયો એક્સરસાઇઝ (Cardio Exercises)

-Cardio-Exercises

ઘણીવાર એંગ્ઝાઇટી તમારા શરીરમાં હોર્મોન કોર્ટિસોલનું સ્તર વધારે છે. જેને કારણે ટાલિયાપણાની સમસ્યા શરૂ થવાની સંભાવના રહે છે. એવામાં કાર્ડિયો એક્સરસાઈઝ ન માત્ર હોર્મોન કોર્ટિસોલના સ્તરને નિયંત્રિત કરે છે, તેની સાથે સાથે વાળને હેલ્દી રાખવામાં પણ મદદ કરે છે. કાર્ડિયોમાં અલગ અલગ પ્રકારની ઘણી એક્સરસાઇઝ છે. જેને રોજ થોડી મિનિટ કરવાથી તમને ફાયદો થઈ શકે છે. જો કે તેના માટે જિમ જવાની પણ જરૂર રહેતી નથી. આ કાર્ડિયોમાં તમારે સાઇક્લિંગ, વોકિંગ અને રનિંગ સરળતાથી કરી શકાય છે.

​સ્ટ્રેસ દૂર કરે છે આ એક્સરસાઇઝ (Exercise For Reduce Stress)

-Exercise-For-Reduce-Stress

એક્સપર્ટ મુજબ, વાળ ખરવા પાછળ ઘણાં મુખ્ય કારણ હોય છે. જેમાં તણાવ મુખ્ય કારણ છે. સ્ટ્રેસને કારણે 25ની ઉંમર બાદથી હેરફોલ કે, પછી અન્ય સમસ્યાઓની શરૂઆત થઈ જાય છે. સ્ટ્રેસ દૂર કરવા માટે હેડ મસાજ અને સ્કલ્પ મસાજ શ્રેષ્ઠ વિકલ્પ છે. ઉલ્લેખનીય છે કે, વાળને હેલ્દી રાખવા માટે સ્કલ્પનું સ્વસ્થ હોવું ખૂબ જરૂરી છે. રોજ માત્ર થોડી મિનિટ સ્કલ્પ મસાજ કરો તો તેનાથી માત્ર સારી ઉંઘ જ નહીં, પણ વાળની સમસ્યા પણ દૂર થશે. તમે તેલ વિના પણ મસાજ કરી શકો છો. માથાનો મસાજ પણ ખૂબ જ ફાયદાકારક છે.

​નેક એક્સરસાઇઝ (Neck Exercises)

-Neck-Exercises

વાળ વધારવા અને તેને હેલ્દી રાખવા માટે તમારી ડોકની માંશપેશિઓની કસરત પણ ફાયદાકારક સાબિત થઈ શકે છે. આ કસરત વાળને હેલ્દી રાખવા માટેની એક શાનદાર રીત છે. તેના માટે તમારે વધુ મહેનત કરવાની પણ કોઈ જરૂર નથી, પરંતુ તમારી ડોક આગળ-પાછળ અને ઉપર-નીચે ફેરવતી રહેવી જોઇએ. આ ટ્રિક રોજ અજમાવવાથી ઘણી રાહતનો અહેસાસ થશે.

​સ્ટેન્ડિંગ ફોલ્ડ પોઝ (Standing Fold Pose)

-Standing-Fold-Pose

હેર સ્કલ્પને હેર ગ્રોથ માટે શ્રેષ્ઠ માનવામાં આવે છે. આ કસરત બોલિવૂડ સુપરસ્ટાર સલમાન ખાનની પૂર્વ પ્રેમિકા અને એક સમયની જાણીતી બોલિવૂડ એક્ટ્રેસ સંગીતા બિજલાની પણ કરે છે.તમને જણાવી દોઈએ કે, આ પોઝ એંગ્ઝાઈટી અને સ્ટ્રેસ દૂર કરવામાં પણ મદદ કરે છે. આ સ્કલ્પના બ્લડ સર્ક્યુલેશન સુધારવામાં પણ મદદરૂપ છે. રોજ અમુક મિનિટ સુધી આ કસરત કરવાથી ઘણો ફાયદો થશે.

​આ બાબતોનું રાખો ખાસ ધ્યાન

વાળ ખરવા, ટાલીયાપણું કે અટકી પડેલા ગ્રોથની પાછળ કોઈને કોઈ કારણ હોય છે. જેમાં પુરતા પ્રમાણમાં પોષક તત્વોની ઉણપ, ઉંઘ પુરી ન થવી, શારીરિક પરેશાનીઓ અને તણાવ મુખ્ય છે.આ તમામ બાબતોને ઠીક કરવા અથવા તો તેનાથી છૂટકારો મેળવવામાં કસરત મહત્વપૂર્ણ ભૂમિકા ભજવે છે. જો કે કસરત અમુક મિનિટ સુધી કરવી યોગ્ય છે. વધારે પડતી કસરત કરવાથી હેર પ્રોબ્લેમ શરૂ થઈ જાય છે. આ ઉપરાંત કસરત કરતી વખતે વાળનું ખાસ ધ્યાન રાખો. ગંદકી, પરસેવો અને અન્ય વસ્તુઓને કારણે પણ આ પરેશાની ઉભી થઈ શકે છે.

Source link