Suratમાં E-Bike ચાર્જિંગ કરતી વખતે આગ લગ્યા પછી ધડાકો થયો Video વાયરલ

 

સુરતઃ પેટ્રોલ-ડીઝલના કમર તોડી નાખે એવા ભાવ બાદ ગુજરાતમાં ઈલેક્ટ્રિક વાહનોની માંગમાં વધારો થયો છે. વળી એવું પણ નથી કે, માત્ર પેટ્રોલ-ડિઝલ કે પછી સીએનજી વાહનોમાં જ આગ લાગી શકે છે. ઈલેક્ટ્રિક વાહનો (E-Bike)માં પણ આગ લાગવાની એટલી જ શક્યતાઓ છે. આવી કેટલીક ઘટનાઓ પણ ગુજરાતમાંથી સામે આવી ચૂકી છે. ત્યારે વધુ એક આવો જ એક કિસ્સો સામે આવ્યો છે. સુરતમાં એક ઈલેક્ટ્રિક બાઈક (Surat E-Bike Fire)ને ચાર્જિંગ કરતી વખતે તેણે આગ પકડી લીધી હતી. થોડી વારમાં ટુ વ્હીલર ભડભડ સળગવા લાગ્યું હતું. અચાનક જ આગ લાગવાથી લોકોમાં થોડીવાર ચિંતા વધી હતી. આગ લાગ્યાની થોડીવાર પછી નાનકડો બ્લાસ્ટ પણ થયો હતો. સ્થાનિકોએ આ આગની ઘટના કેમેરામાં કેદ કરીને સોશિયલ મીડિયામાં વાયરલ કરી હતી. Suratમાં E-Bike ચાર્જિંગ કરતી વખતે આગ લગ્યા પછી ધડાકો થયો Video વાયરલ.

પછી એક ધડાકો થયો

ઈલેક્ટ્રિક બાઈકમાં આગ લાગવાની આ ઘટના સુરત વિસ્તારની છે. જો કે, આ ઘટનામાં કોઈ પણ પ્રકારની જાનહાનિ થઈ નથી. આ ઈલેક્ટ્રિકલ વ્હીકલ ચાર્જિંગ માટે તેના માલિકે મૂક્યું હતું. એના થોડા સમય પછી અચાનક તેમાં (Surat E-Bike Fire) આગ લાગી હતી. જોતજોતામાં આગે વાહનની લપેટમાં લઈ લીધું હતું. આગ લાગવાની થોડી વાર પછી એક નાનકડો ધડાકો પણ થયો હતો. સદનસીબે આ દુર્ઘટનામાં કોઈ મોટુ નુકસાન થયુ નથી. તો સ્થાનિકોએ ડોલમાં પાણી ભરીને તેનો મારો ચલાવ્યો હતો. બાદમાં આગ પર કાબૂ મેળવી લેવાયો હતો. આ ઘટના સ્થાનિકોએ પોતાના મોબાઈલમાં કેદ કરી હતી. પછી વિડીયો સોશિયલ મીડિયામાં વાયરલ કર્યો હતો.

 

ઈન્સ્યોરન્સ છે કે નહીં?

બ્લાસ્ટ એટલા માટે થયો હતો કે, તેમાં બેટરી હતી અને તેણે આગ પકડતા બ્લાસ્ટ થયો હતો. જેના કારણે લોકો થોડી વાર માટે તો ડરી જ ગયા હતા. સ્થાનિકોનું કહેવું છે કે, આ ઈલેક્ટ્રિક વ્હીકલ ચાઈનીઝ કંપનીનું હતું. મહત્વનું છે કે, અગાઉ પણ ગુજરાતમાંથી આવા કિસ્સા સામે આવી ચૂક્યા છે. ત્યારે આ ઘટના બાદ સુરક્ષાને લઈને સવાલો થઈ રહ્યા છે. જે લોકો નવું ખરીદવાનું વિચારી રહ્યા છે કે પછી જેમની પાસે છે. એવા લોકોમાં પણ આ વાતને લઈને ચિંતાઓ સામે આવી છે. વળી કેટલીક ઈલેક્ટ્રિક ટુવ્હીલર કંપની પાસેથી જ્યારે ઈ બાઈક ખરીદવામાં આવે તો તેમાં ઈન્સ્યોરન્સ આપવામાં આવતો નથી. જેથી આ રીતે વાહન સળગે તો નુકસાન વેઠવાનો જ વારો આવી શકે છે.

Source link