Couples Take: સંબંધોમાં કપલ્સ લાગુ કરી રહ્યા છે કેટરિનાની આ આદત, જાણો એક્સપર્ટ્સ શું કહે છે!

 

Celebrity Relationship Advice: વિક્કી કૌશલ અને કેટરિના કૈફના લગ્નની જાહેરાત બાદ એવી ઘણી ચર્ચાઓ જોવા મળી હતી કે, લોકોને તેઓ એકબીજાંના પ્રેમમાં છે કે તેઓ લગ્ન કરવાના છે તેના વિશે જાણ જ નહતી. આ બંનેએ પોતાના સંબંધોને એક્સક્લૂઝિવ રાખ્યા હતા. તેઓએ છેક સુધી પોતાના પ્રેમ સંબંધોને મીડિયા અને ઇન્ડસ્ટ્રીના લોકોથી છૂપાવીને રાખ્યા અને સીધા જ લગ્નની જાહેરાત કરી દીધી. તે બંનેમાંથી કોઇ સોશિયલ મીડિયા પર કપલ ગોલ્સ ટાઇટલ હેઠળ ફોટોગ્રાફ્સ પોસ્ટ નહોતા કરતાં, કે ના તો જાહેર સ્થળોએ એકબીજાં સાથે જોવા મળતા હતા. આ રિલેશનશિપથી લોકો પ્રભાવિત થઇ ગયા છે કે, હવે તેઓ પોતાના સંબંધોમાં પણ Katrina-Kaifing નિયમો લાગુ કરી રહ્યા છે. આ અંગે મેન્ટલ વેલનેસ એન્ડ રિલેશનશિપ એક્સપર્ટ (Mental wellness and relationship expert) ડૉ. રચના ખન્ના સિંઘ શું કહે છે તે જાણો.

(તમામ તસવીરોઃ પિક્સાબે.કોમ) (સૌજન્યઃ ટાઇમ્સ ઓફ ઇન્ડિયા)

​શું છે Katrina-Kaifing?

-Katrina-Kaifing

આ શબ્દ આવ્યો છે કેટરિનાના નામ પરથી જેણે પોતાના સંબંધો અને લગ્નની માહિતી બધાથી છૂપાવીને રાખી. એટલું જ નહીં, તેણે લગ્ન કરી લીધા છે તેવી જાહેરાત પણ તેણે વિક્કી સાથે ફેરા ફર્યા બાદ જ કરી. તેણે પોતાના સંબંધોને એટલી હદે છૂપાવીને રાખ્યા કે કોઇ પણ જગ્યાએ આ કપલની વાતો નહોતી થઇ.

​રિલેશનશિપને પ્રાઇવેટ રાખો

ઘણાં કપલ્સ હવે પોતાના સંબંધો છૂપાવીને રાખે છે, ખાસ કરીને સેલિબ્રિટી. કારણ કે, એકવાર કપલ્સનું ટેગ લાગ્યા બાદ તેમના પર મીડિયા, કેમેરા અને ત્યાં સુધી કે તેમના ફેન્સની પણ નજર ટકેલી રહે છે. ઘણીવાર કપલ્સના સંબંધો ઉપર પણ આટલી બધી વૉચના કરણે અસર પડે છે. ઘણાં સેલિબ્રિટીઝ તેઓની પર્સનલ લાઇફને મીડિયાથી દૂર રાખતા હોવાનો સ્વીકાર કરે છે. તેઓ એ પણ સ્વીકારે છે કે, સંબંધોને લાઇમલાઇટથી દૂર રાખવાથી તેઓના સંબંધોને બ્રેક પણ મળે છે અને એકબીજાંને સમજવામાં પણ મદદ મળે છે.

​સોશિયલ મીડિયામાં સંબંધો વિશે જાહેરાત

તમારાં સંબંધોની લગતી એકાદ પોસ્ટ જેમાં તમારાં પાર્ટનર સાથે તમારી તસવીર હોય તે સામાન્ય છે. જો કે, કેટલાંક કપલ્સ પોતાના સંબંધોને કંઇક વધારે પડતાં જ જાહેરમાં લાવીને મુકી દે છે. પોતાના પરફેક્ટ રિલેશનશિપ વિશે પોસ્ટ કરવાની એક તક તેઓ ચૂકતા નથી. ઘણાં લોકો પોતે પરફેક્ટ રિલેશનશિપમાં છે તે દર્શાવવાના ચક્કરમાં રિયલ લાઇફમાં ઇન્ટિમસી મેનેજ કરવાનું ભૂલી જાય છે. કારણ કે, ફોટોગ્રાફ્સ પુરતી દેખાતી ઇન્ટિમસી બાદમાં મેઇન્ટેઇન કરવી તેઓને અઘરી પડે છે.

​શું કહે છે એક્સપર્ટ્સ

મેન્ટલ વેલનેસ અને રિલેશનશિપ એક્સપર્ટ (Mental wellness and relationship expert) ડૉ. રચના ખન્ના સિંઘ (Dr Rachna Khanna Singh) આ અંગે જણાવે છે કે, જ્યારે આપણે સોશિયલ મીડિયા પર રિલેશનશિપને ઓવરશૅર (overshare our life on social media) કરીએ છીએ ત્યારે આપણાં જીવનને બધાની સામે ખુલ્લુ મુકી દેતા હોઇએ છીએ. હવે લોકો તમારાં ફોટોગ્રાફ્સને કેવી રીતે જોશે, કેવી રીતે લેશે તે તમે નથી જાણતા અને લોકો કોમેન્ટ્સ પણ કરશે, કારણ કે તમે જાતે જ તમારી જાતને લોકો સામે લાવી રહ્યા છો. સેલિબ્રિટી હવે પોતાના સંબંધોને સોશિયલ મીડિયા પર શૅર નથી કરતા (celebs don’t share their relationships on social media) કારણ કે તેઓ પોતાના સંબંધોને લોકો દ્વારા વેલિડેટ કરવા નથી ઇચ્છતા. જ્યારે તમારાં સંબંધો સ્ટ્રોંગ હોય ત્યારે તમારે બીજાંની માન્યતા કે મંજૂરીની જરૂર નથી પડતી.

​પ્રાઇવેટ સ્પેસમાં લોકોની એન્ટ્રી

જ્યારે પ્રાઇવસીની વાત આવે ત્યારે તમે લોકોને સોશિયલ મીડિયા દ્વારા તમારાં પ્રાઇવેટ સ્પેસમાં એન્ટ્રી આપો છો. લોકો તમારી સોશિયલ મીડિયા પોસ્ટ પર કોમેન્ટ દ્વારા દખલઅંદાજી કરશે, કેટલાંક નેગેટિવ કોમેન્ટ્સ પણ કરશે, તો કોઇ તમારી સરખામણી બીજાં લોકો સાથે કરશે. ઘણીવાર યુવતીઓ સોશિયલ મીડિયા પર ઓવર શેરિંગ કરતી હોય છે અને તેમના પાર્ટનરને આ પસંદ નથી હોતું. તમારી હેપ્પી મોમેન્ટ્સમાંથી એકાદ ફોટોગ્રાફ શૅર કરવો સારું છે, પણ ઓવર શેરિંગથી હંમેશા દૂર રહો.

Source link