Ankita Lokhande Outfits : બ્લેક કલરની બનારસી સાડીમાં અંકિતા લોખંડેનો જલવા લુક, પતિ વિક્કીએ પણ કર્યું મેચિંગ

 

ટીવીની પોપ્યુલર અભિનેત્રી અંકિતા લોખંડેના જ્યારથી મેરેજ થયા છે, તે મોટાંભાગે ઈન્ડીયન વેરમાં જ નજર આવે છે. તેનો સ્ટાઈલિશ અંદાજ અને સાદગી વાળો લૂક કોઈનું પણ દિલ જીતી લે તેવો હોય છે. એવું નથી કે આ અભિનેત્રી બોલ્ડ કપડાં નથી પહેરતી પરંતુ ઇન્ડીયન વેરમાં તેનો અલગ જ જલવા હોય છે. સિંદૂર અને બિંદી લગાવી તેની અદાથી લોકોને પાગલ બનાવી દે છે. હાલમાં જ હસીના પતિ વિક્કી જૈન સાથે બાબા સિદ્દીકીની પાર્ટીમાં પહોંચી હતી જ્યાં તેનો ટ્રેડીશનલ લૂક જોવા લાયક હતો. તેણે તેના સોશિયલ મીડિયા પર આ લૂકની કેટલીક તસવીરો શેર કરી છે જેમાં વિક્કી સાથે તેની કેમેસ્ટ્રી અને સ્ટાઈલીશ લૂક બંને લોકોનું ધ્યાન ખેંચી રહ્યા હતા. (image credit: instagram@ankitalokhande)

​બ્લેક બનારસી સાડીમાં અંકિતા

અંકિતા આ તસવીરોમાં બ્લેક બનારસી સાડી પહેરેલી જોવા મળે છે. તેમજ પતિ વિક્કી બ્લેક કુર્તો પાયજામો પહેરી તેની સાથે ટ્યુનિંગ કરતો જોવા મળ્યો હતો. ફોટોઝમાં બંનેની બોન્ડીંગ જોવાલાયક છે અને તેમની આ કેમેસ્ટ્રી ચાહકોનું દિલ જીતી રહી છે. અંકિતાએ જે બનારસી સાડી પહેરી હતી તેને તમારા મિત્રોના મેરેજમાં પણ પહેરી શકો છો. તે ન તમને એલિન્ગેન્ટ લૂકતો આપશે જ પરંતુ રોયલ લૂક પણ આપશે.

​ઝરી વર્કથી શણગારી હતી સાડી

અંકિતાએ જે સાડી પહેરી હતી તેના પર ગોલ્ડન ગોલ્ડન મોટિફ્સ જોવા મળ્યા હતા. સાડીને ખુબસુરત બનાવવા માટે ઝીણા સોનેરી દોરા વડે ઝરી વર્ક કરવામાં આવ્યું હતું. આ થ્રેડ વર્ક આખી સાડીમાં કરવામાં આવ્યું હતું તેમજ બોર્ડર પર ઝરી-જરદોસી વર્ક વાળી મોટી પટ્ટી જોડવામાં આવી હતી. આ હેવી સાડીને અંકિતાએ મોર્ડન ટચ આપવા પલ્લુ ખુલ્લો રાખ્યો હતો જે તેના લુકને ચાર ચાંદ લગાવી રહ્યો હતો.

​બ્લાઉઝમાં આ રીતે બેક ફ્લોન્ટ કર્યું

હસીનાએ આ સાડી સાથે બ્લેક કલરનું બ્લાઉઝ પહેર્યું હતું જેની સ્લીવ્ઝ આખી બનારસી કપડાથી બનેલી દેખાઈ રહી હતી. સાથે જ તેની બેક ડીટેઈલિંગ તેના લુકમાં ગ્લેમ ફેક્ટર ઉમેરવાનું કામ કરી રહી હતી. પાછળની તરફ બ્લાઉઝમાં ડીપ સ્કૂપ ડીઝાઈન હતી જેમાં અભિનેત્રી તેની બેક ફ્લોન્ટ કરતી જોવા મળી હતી. અંકિતાએ આ લુકને કમ્પલિટ કરવા ક્રીમ અને સિલ્વર કલરની જ્વેલરી પહેરી હતી.

​સ્ટેટમેન્ટ નેકલેસ અને ઈયરરિંગ્સ

આ હસીનાએ ગાળામાં ડાયમંડ અને મોતીઓનો લેયર્ડ નેકલેસ પહેર્યો હતો. સાથે જ કાનમાં મેચિંગ ઈયરરિંગ્સ કેરી કરી હતી. અંકિતાએ તેની સાડી સાથે મેકઅપનું પણ ખાસ ધ્યાન રાખ્યું હતું અને હેવી મેકઅપને એવોઇડ કર્યું હતું. નેચરલ ટોન મેકઅપ સાથે તેણે વિન્ગ્ડ આઈલાઈનર, બિંદી અને સિંદૂર સાથે વાળને લો-બન માં સ્ટાઈલ કર્યા હતા. વિક્કીના લુકની વાત કરીએ તો તેણે પોતાના માટે બ્લેક કલરનો પઠાણી સૂટ પસંદ કર્યો હતો જેની સાથે ટ્રાન્સપરન્ટ શેડ્સ અને વોચ કેરી કર્યું હતું.

Source link