Actress Beauty Secrets: અડધી ઉંમરની લાગે છે આ અભિનેત્રીઓ, નવી એક્ટ્રેસને પણ આપે છે ટક્કર!

 

બોલિવૂડમાં સુંદરતાના મામલે અભિનેત્રીઓ ઘણીવાર એકબીજા સાથે સ્પર્ધા કરતી હોય છે. પોતાની જાતને જાળવી રાખવી અને દરેક સમયે આકર્ષક લાગવું એ દરેક એક્ટ્રેસિસ તેમજ એક્ટિંગના વ્યવસાય માટે એક જરુરી કાર્ય છે.અભિનેત્રીઓ માટે દરેક સમયે સુંદર લાગવું તે ખૂબ જ જરુરી હોય છે. આટલું જ નહીં, ઓન-સ્ક્રીન હોય કે, ઑફ-સ્ક્રીન આ સુંદરીઓ ખૂબ જ સુંદર અને ગ્લેમરસ લાગે છે.

અનેક સ્ટાર્સે તેમના ઇન્ટરવ્યુમાં ઘણી વાર કહ્યું છે કે, દરેક સમયે સુંદર દેખાવું એ ભયંકર પ્રેશર જેવું હોય છે. આવી સ્થિતિમાં તે વિવિધ બાબતોનું પાલન કરતા રહેવું પડે છે. 40ની ઉંમર વટાવ્યા પછી પણ તેમની ત્વચા પર કરચલીઓ કે વૃદ્ધત્વના કોઈપણ પ્રકારના નિશાન જોવા મળતા નથી. આ અભિનેત્રીઓ માટે ‘ઉંમર એ માત્ર એક નંબરનો જ આંકડો’ છે એવું લાગી રહ્યું છે. આ એક્ટ્રેસની યુવાન ત્વચા જોઈને તમે તેની ચોક્કસ ઉંમરનો અંદાજ પણ લગાવી શકશો નહીં. તો ચાલો જાણીએ આવી જ એક્ટ્રેસિસ વિશે…..

​માધુરી દીક્ષિત

આ યાદીમાં માધુરી દીક્ષિતનું નામ સૌથી પહેલા આવે છે. તેમની સ્કિન જોઈને લાગે છે કે અભિનેત્રીની ઉંમર માત્ર 35 કે 36 વર્ષની જ હશે. પરંતુ હકીકતમાં જોવા જઈએ તો તે 56 વર્ષની છે. દર્શકો તેના અભિનયના દિવાના છે, એટલું જ નહીં પરંતુ તેમની સુંદરતા પર પણ ખૂબ જ ફિદા પણ છે. આ ઉંમરે પણ માધુરીની સ્કિન એકદમ યંગ અને ગ્લોઈંગ લાગે છે. તેમના ચહેરા પર વૃદ્ધત્વના નિશાન બિલકુલ દેખાતા નથી.

​મલાઈકા અરોરા

મલાઈકા અરોરા આખું વર્ષ ફિટનેસ અને સુંદરતાના મામલે ચર્ચામાં રહે છે. અભિનેત્રીની ત્વચા જોઈને તમે એમ ન કહી શકો કે, તે 48 વર્ષની છે. અભિનેત્રી હંમેશા યુવાન અને ચમકદાર દેખાય છે. તમને જણાવી દઈએ કે, અભિનેત્રી પોતાની ફિટનેસ અને સ્કિનને લઈને ખૂબ જ સંભાળ રાખે છે. યોગ, આહાર અને કુદરતી તત્વોની મદદથી તે હંમેશા યુવાન દેખાય છે.

​રવિના ટંડન

રવિના ટંડન 90ના દાયકાની ટોચની અભિનેત્રીઓમાંની એક રહી છે, પરંતુ આજે પણ તે સુંદરતાના મામલે નંબર વન પર છે, તેવું કહેવામાં અતિશયોક્તિ ન કહી શકાય. અભિનયની સાથે રવિના હવેની અભિનેત્રીઓ સાથે સ્પર્ધા કરે છે. તેને જોઈને એ કહેવું મુશ્કેલ છે કે, અભિનેત્રી 47 વર્ષની છે. તેને જોતા જ એવું લાગે છે કે, તેની ઉંમર કરતા 12 વર્ષ નાની દેખાય છે. રવિનાના ચહેરા પર ઝીણી રેખાઓ તો ભૂલી જાઓ એક પણ ડાઘ પણ દેખાતો નથી.

​એશ્વર્યા રાય બચ્ચન

પૂર્વ મિસ વર્લ્ડ ઐશ્વર્યા રાય બચ્ચનની સુંદરતાનું ઉદાહરણ ઘણા લોકો આપે છે. તેની સુંદરતાના લાખો ચાહકો છે. અભિનેત્રી 48 વર્ષની ઉંમરે પણ હજુ માત્ર 35 વર્ષની લાગે છે. મેકઅપ વગરની સુંદર અભિનેત્રીઓની વાત કરવામાં આવે તો સૌથી પહેલું નામ ઐશ્વર્યા રાય બચ્ચનનું લેવામાં આવે છે. ઘણી વખત એવું બન્યું છે જ્યારે અભિનેત્રીએ મેકઅપ વગર પોતાની સુંદરતાથી લોકોનું દિલ જીતી લીધું છે.

​તબુ

પોતાના શાનદાર અભિનયથી લોકોનું દિલ જીતનાર તબ્બુ રિયલ લાઈફમાં ખૂબ જ સુંદર લાગે છે. તમને જણાવી દઈએ કે, યંગ એક્ટર સાથે પડદા પર રોમાન્સ કરતા જોઈને કોઈ પણ એવું અનુમાન ન લગાવી શકે કે તેની ઉંમર 51 વર્ષની છે. યુવા અભિનેતા સાથે તેની જોડી પણ જામે છે. હંમેશા યુવાન અને ગ્લોઈંગ દેખાતી તબ્બુ પોતાની એક્ટિંગ અને સુંદરતાથી લોકોને ખૂબ જ ચોંકાવી દે છે.

​કરિશ્મા કપૂર

બોલિવૂડ અભિનેત્રી કરિશ્મા કપૂરનો ચૂલબુલો અંદાજ અને સ્ટાઈલ ફેન્સને ખૂબ જ પસંદ છે. એક્ટ્રેસ પોતાની એક્ટિંગની સાથે ગ્લોઈંગ સ્કિનથી પણ લોકોને સરપ્રાઈઝ આપે છે. 47 વર્ષની અભિનેત્રીને જોઈને હજુ પણ એવું લાગે છે કે તે હજુ પણ માત્ર 35 વર્ષની છે. તેની ચમકતી ત્વચા આજે પણ લોકોને દિવાના બનાવે છે. તમને જણાવી દઈએ કે, ફેન્સને એક્ટ્રેસનો મેકઅપ વગરનો લુક પણ ગમે છે.

Source link