50,000થી પણ વધુ સાપો બચાવનારી દેશની પહેલી મહિલા રેસ્ક્યૂઅર છે વનિતા જગદેવ!

 

નવી દિલ્હીઃ આજે વિશ્વ મહિલા દિવસ છે. ત્યારે આજે એવી મહિલાની વાત કરવા જઈ રહ્યા છે કે જેણે પોતાના જીવનમાં 50 હજારથી પણ વધુ સાપોને બચાવ્યા છે. એ પહેલાં તમે કેરળના વાવા સુરેશનું નામ પણ સાંભળ્યુ હશે. જેને કિંગ કોબ્રાએ ડંખ માર્યો હતો અને પછી તેની તબિયત બગડી હતી. દેશમાં વાવા સુરેશ જેવા અસંખ્ય લોકો છો કે જેઓ દશકાઓથી સાપોને બચાવવાનું કામ કરી રહ્યાં છે. આ એવા લોકો છે કે જેઓેન સાપોથી ડર નથી લાગતો પણ તેઓએ સાપોને પોતાના મિત્ર બનાવ્યા છે. આવી જ એક મહિલા છે વનિતા જગદેવ. જેણે અત્યાર સુધીમાં 50 હજારથી પણ વધુ સાપોને બચાવ્યા છે. તમને નવાઈ લાગશે કે વનિતા જગદેવ બોરાડે સાપોને નવુ જીવન આપનારી દેશની પહિલા મહિલા રેસ્ક્યૂઅર (Lady snake rescuer) છે. જેને આજે રાષ્ટ્રપતિ દ્વારા નારી શક્તિ પુરસ્કાર પણ એનાયત કરવામાં આવ્યો છે.

વનિતા જગદેવે વન્યજીવ સંરક્ષણ માટે અનેક પ્રયાસો કર્યા છે. જેના અનુસંધાને તેને રાષ્ટ્રપતિ દ્વારા પુરસ્કાર એનાયત કરવામાં આવ્યો છે. વનિતા જગદેવ માત્ર સાપોને બચાવતી જ નથી, પણ સાથો સાથ જાગરુકતા અભિયાન પણ ચલાવે છે. 50 હજારથી પણ વધુ સાપોને બચાવવાના કારણે તેને સાપોની મિત્ર (Snake Friend) પણ કહેવામાં આવે છે. જ્યારે તે સાપોને પકડે ત્યારે એવું લાગે છે કે તે તેઓની મિત્ર હોય. સાપો સાથેની તેની તસવીરો જોઈને લોકોનો પરસેવો છૂટી જાય છે.

જ્યારે તે સાપોને હાથમાં પકડે ત્યારે પણ એકદમ શાંત જોવા મળતી હોય છે. આમ તો વનિતા જગદેવ મહારાષ્ટ્રના બુલઢાણાની વતની છે. એટલું જ નહીં ટપાલ ટિકીટ જાહેર કરીને ભારતીય ટપાલ વિભાગ તેને અગાઉ પણ સન્માન આપી ચૂક્યું છે. મહારાષ્ટ્ર્ સરકાર વનિતા જગદેવને છત્રપતિ મહારાજ વનશ્રી પુરસ્કારની પણ સન્માનિત કરી ચૂકી છે. વનિતા જગદેવ Soyre Vanchare Multipurpose Foundationની સંસ્થાક પણ છે. જે પ્રકૃત્તિ અને વન્યજીવ સંરક્ષણ માટે કામ કરે છે. આજે આંતરરાષ્ટ્રીય મહિલા દિવસના અવસરે રાષ્ટ્રપતિ રામનાથ કોવિંદે કુલ 29 મહિલાઓને નારી શક્તિ પુરસ્કારથી સન્માનિત કર્યા હતા.

Source link