28 માર્ચથી યોજાનારી બોર્ડની પરીક્ષામાં કુલ 15 લાખ વિદ્યાર્થીઓ લેશે ભાગ, ગેરરીતિ ન થાય તેનું રખાશે ખાસ ધ્યાન!

 

અમદાવાદઃ 28 માર્ચથી ધોરણ 10 અને ધોરણ 12 વિજ્ઞાન તેમજ સામાન્ય પ્રવાહની બોર્ડની પરીક્ષા શરૂ થવા જઈ રહી છે. જેને આડે માત્ર હવે ગણતરીના દિવસો બાકી છે. આ વખતે કુલ 15 લાખ વિદ્યાર્થીઓ પરીક્ષા આપવાના છે. જેમાં ધોરણ 10ના 9.64 લાખ, ધોરણ 12 સામાન્ય પ્રવાહના 4.25 લાખ અને ધોરણ 12 વિજ્ઞાન પ્રવાહના 1.08 લાખ વિદ્યાર્થીઓનો સમાવેશ થાય છે. શિક્ષણ મંત્રી જીતુ વાઘાણીએ સોમવારે જિલ્લા કલેક્ટર, પોલીસ કમિશનર અને જિલ્લાઓના એસપી સાથે બેઠક યોજી, પરીક્ષા દરમિયાન પાવર કટ ન થાય તેની ખાતરી કરવાના આદેશ આપ્યા હતા. શિક્ષણ મંત્રીએ વરિષ્ઠ પોલીસ અધિકારીઓને પણ આ સમય દરમિયાન ગેરરીતિઓ અંગે કોઈ અફવા ન ફેલાય તેનું ધ્યાન રાખવાનો નિર્દેશ આપ્યો હોવાનો ઉલ્લેખ, રાજ્ય શિક્ષણ વિભાગે જાહેર કરેલા નિવેદનમાં કરવામાં આવ્યો હતો.

ચિંતાજનક આંકડા, છેલ્લા બે વર્ષમાં ગીરમાં કુલ 283 સિંહના થયા મોત
શિક્ષણ વિભાગના અધિકારીઓના જણાવ્યા પ્રમાણે, ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે (GSHSEB) (ગુજરાત સેકન્ડરી એન્ડ હાયર સેકન્ડરી એજ્યુકેશન બોર્ડ)ધોરણ 10ના 958 કેન્દ્રો અને ધોરણ 12ના 667 કેન્દ્રો સહિત કુલ 1625 કેન્દ્રોને પંખા અને લાઈટની સુવિધા આપવાનો નિર્દેશ આપ્યો છે. પરીક્ષા પહેલા તમામ કેન્દ્રો પર સીસીટીવીની ચકાસણી કરવામાં આવશે, તેમ નિવેદનમાં કહેવામાં આવ્યું હતું.

‘કેટલાક સંવેદનશીલ અને અતિસંવેદનશીલ કેન્દ્રો છે, જ્યાં ક્લાસ 1 અને ક્લાસ 2ના અધિકારીઓને તૈનાત કરવામાં આવશે. તેઓ એવા કેન્દ્રો પર નજર રાખશે જ્યાં ભૂતકાળમાં અનિયમિતતા પ્રવર્તતી હતી’, તેમ શિક્ષણ વિભાગના અધિકારીએ જણાવ્યું હતું. અધિકારીઓએ કહ્યું હતું કે, સાબરમતી સેન્ટ્રલ જેલમાંથી 44, વડોદરા જેલમાંથી 31, રાજકોટ જેલના 15 અને સુરત જેલના 32 સહિત કુલ 122 કેદીઓ બોર્ડની પરીક્ષા આપશે

લો બોલો! રેસ્ટોરન્ટે 40 પૈસા વધારે લીધા તો યુવકે કેસ કર્યો, કોર્ટે સમય બગાડવાનું કહીને દંડ ફટકાર્યો
અમદાવાદ શહેરમાં, ધોરણ 10ના 58,897 વિદ્યાર્થીઓ અને ધોરણ 12ના 24,497 વિદ્યાર્થીઓ પરીક્ષા આપશે. અમદાવાદ જિલ્લામાં ધોરણ 10ના 40,955 અને ધોરણ 12ના 31,108 જેટલા વિદ્યાર્થીઓ પરીક્ષા આપશે.

Source link