24 વર્ષીય સ્ટાર ફૂટબોલરનું હૃદય અચાનક બંધ પડી ગયું, જાણો શું છે આ બીમારી અને તેના લક્ષણો

Damar Hamlin Injury Video and Health Update Gujarati: ગત સોમવારની રાત ફૂટબોલ પ્રેમીઓ માટે દુઃખદ રહી, કારણ કે મેચ દરમિયાન એક સ્ટાર ફૂટબોલરનું હૃદય અચાનક કામ કરતું બંધ થઇ ગયું. આ ઘટના મેદાન પર અન્ય ખેલાડી સાથે ટક્કર લાગવાથી બની.

અમેરિકન ફૂટબોલ લીગ બફલો બિલ્સ ટીમ (Buffalo Bills in American Football)ના સ્ટાર પ્લેયર ડામર હેમલિનની સાથે નેશનલ ફૂટબોલ લીગ દરમિયાન આ દુર્ઘટના બની. 24 વર્ષીય ડામર હેમલિન (Who is Damar Hamlin gujarati) અમેરિકન ફૂટબોલના સ્ટાર પ્લેયર છે, જેની હાલત હાલ નાજુક છે. મેદાનમાં અચાનક હૃદય બંધ પડી જતા પ્લેયરને પહેલાં સીપીઆર આપીને ધબકારા શરૂ કરવામાં આવ્યા અને ત્યારબાદ હોસ્પિટલ ખસેડવામાં આવ્યો.

(તસવીરોઃ પિક્સાબે.કોમ, ફ્રિપિક.કોમ) (Cover Image: Instagram/ @d.ham3)

ડોક્ટર પાસેથી જાણો હૃદયરોગથી બચવાની સરળ રીત, હાર્ટને Hard બનાવવા કરો આ કામ

​અચાનક હૃદય બંધ પડવાનો અર્થ

જ્યારે અચાનક જ હૃદય કામગીરી કરવાનું બંધ કરી દે છે, તેને કાર્ડિયાક અરેસ્ટ (Cardiac Arrest) કહેવામાં આવે છે. Heart.org અનુસાર, કાર્ડિયાક અરેસ્ટ આવવાથી હૃદય લોહી પમ્પ કરવાનું અચાનક બંધ કરી દે છે, જેના કારણે દર્દી બેભાન થઇ જાય છે અને ધબકારા બંધ થઇ જાય છે. યોગ્ય ઇલાજ કે સારવાર ના મળે તો ગણતરીની મિનિટોમાં દર્દીનું મોત પણ થઇ શકે છે.

​કાર્ડિયાક અરેસ્ટના લક્ષણો

હાર્ટ અટેક આવતા હૃદયમાં દુઃખાવો થવો, વધારે પરસેવો થવો, જડબા અને ખભામાં દર્દ જેવા લક્ષણો જોવા મળે છે. Heart.org અનુસાર, કાર્ડિયાક અરેસ્ટ આવતા શરૂઆતમાં આવા કોઇ જ લક્ષણો જોવા મળતા નથી. તેમાં અચાનક જ દર્દી બેભાન થઇ જાય છે, જે જીવલેણ પણ સાબિત થઇ શકે છે.

હૃદય બંધ થતાં પહેલાં શરીર આપે છે આ પાંચ સંકેત, સમયસર પારખી લેવાથી મળશે લાંબુ જીવન

અમેરિકન ફૂટબોલરને કાર્ડિયાક અરેસ્ટ

​કાર્ડિયાક અરેસ્ટના કારણો

માયોક્લિનિક (Mayoclinic.org) અનુસાર, કાર્ડિયાક અરેસ્ટનું મુખ્ય કારણ ધબકારા અસામાન્ય થઇ જવા છે. જેનું જોખમ અન્ય જીવલેણ સ્થિતિ પણ ઉભી કરી છે. કાર્ડિયા અરેસ્ટ આવવાના મૂળ કારણો પાછળ સ્મોકિંગ, હાઇ બ્લડપ્રેશર, હાઇ કોલેસ્ટ્રોલ, મેદસ્વિતા, ડાયાબિટીસ અને એક્સરસાઇઝ ના કરવી પણ હોય છે.

​કાર્ડિયાક અરેસ્ટ આવે તો શું કરવું જોઇએ?

કાર્ડિયાક અરેસ્ટ ગણતરીની મિનિટોમાં જ દર્દી માટે જીવલેણ સાબિત થઇ શકે છે. આ દરમિયાન સમજદારી અને સ્ફૂર્તિ દેખાડવી જોઇએ, જો કોઇ વ્યક્તિ અચાનક જ બેભાન થાય તો પહેલાં તેના ધબકારા અને નસ ચેક કરો, જો તેમાં કોઇ મોશન ના દેખાય તો તાત્કાલિક સીપીઆર આપવાનું શરૂ કરો અને હોસ્પિટલમાં ખસેડો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

હાર્ટ અટેક આવવાનો સંકેત છે દાંતમાં મહિના પહેલાં જોવા મળતા આ બદલાવ, આયુર્વેદ ડોક્ટરે જણાવ્યા ઉપાય

જીમ જોઇન કરતાં પહેલા કરો આ એક કામ, હાર્ટ અટેકનું જોખમ ટળી જશે; ડોક્ટરની સલાહ

Source link