20 વર્ષની ઉંમરે પહોંચતા જ આ 5 ભૂલો કરવાથી બચજો, નહીં તો ભવિષ્ય થશે ખરાબ

Life Hacks at your 20s: 20 વર્ષ એટલે વ્યક્તિની કૂલ એજ, કારણ કે આ દરમિયાન સ્કૂલથી કોલેજમાં પહોંચી જઇએ છીએ. ઉંમરનો આ પડાવ સૌથી મજેદાર હોય છે જ્યારે આપણે નવા મિત્રો બનાવીએ છીએ, જીવનના અલગ અલગ પાસાઓ વિશે જાણવા સમજવાની કોશિશ કરતા હોઇએ છીએ.

જો કે, 20 વર્ષની ઉંમર માત્ર મોજશોખ માટે જ નહીં પણ અમુક પ્રકારની ભૂલોથી બચવા અને જો એ ભૂલ થઇ પણ જાય તો તેમાંથી બહાર આવવાની શીખ લેવા માટે પણ હોય છે. કારણ કે, આ ઉંમરે કરવામાં આવેલી કેટલીક ભૂલો આપણાં આગળના જીવનને વધારે પ્રભાવિત કરે છે. આ ઉંમરમાં નાદાનીમાં લેવામાં આવેલા નિર્ણયો માત્ર સકારાત્મક કે નકારાત્મક પ્રભાવ જ નથી છોડતા પરંતુ તેનાથી બાદમાં પસ્તાવો પણ થતો હોય છે.

અહીં એવી જ કેટલીક ભૂલો વિશે વાત કરવામાં આવી છે, જે તમારે 20ની ઉંમરે કરવાથી બચવું જોઇએ.

(તમામ તસવીરો પ્રતિકાત્મક છે, અમે યૂઝર્સ દ્વારા શૅર કરવામાં આવેલી માહિતીને ગુપ્ત રાખીએ છીએ.) (તસવીરોઃ પિક્સાબે.કોમ, ફ્રિપિક.કોમ)

​બચત ના કરવી

પોતાના માટે બચત ના કરવી 20ની ઉંમરે કરવામાં આવતી સૌથી મોટી ભૂલ હોય છે, તમારે આનાથી બચવું જોઇએ. ભલે તમારી પાસે પુરતા પ્રમાણમાં પૈસા હોય છે પરંતુ વ્યર્થ ખર્ચ ટાળવો જોઇએ. પૈસાની બચત કરવાનું નાની ઉંમરેથી જ શીખી લો, જેથી ભવિષ્યમાં તમને બજેટ કેવી રીતે તૈયાર કરવું તેની સમજ આવશે અને ક્યારેય આર્થિક સમસ્યાઓનો સામનો નહીં કરવો પડે.

​સોશિયલ મીડિયા પર શૅરિંગ

આ બીજી સૌથી મોટી ભૂલ છે જે યૂથમાં સૌથી વધારે જોવા મળે છે. પાર્ટીમાં જવાનું હોય કે ફ્રેન્ડ્સની સાથે હેંગઆઉટ કરવાનું હોય, તાત્કાલિક તસવીરો અને લોકેશન સોશિયલ મીડિયા પર શૅર થઇ જાય છે. સોશિયલ મીડિયા પર લાઇફ સાથે જોડાયેલા પળોને શૅર કરવાથી તમે મિત્રોમાં તો સ્ટાર બની જશો, પરંતુ આ જ ઉંમર છે જેમાં ખોટાં દેખાડાથી બચવું જોઇએ. આ આદત ભવિષ્યમાં તમારી માનસિક અને ભાવનાત્મક તંદુરસ્તીને નુકસાન પહોંચાડી શકે છે.

​એક્સરસાઇઝ ના કરવી

20ની ઉંમરમાં એક્સરસાઇઝ કરવાથી બચવું ઘાતક સાબિત થઇ શકે છે, આ ભૂલ લગભગ દર બીજો યુવા કરે છે. તેઓને પોતાનું શરીર જોઇને લાગે છે કે, તેઓ ફિટ છે પરંતુ ઉંમરની સાથે સાથે સ્વાસ્થ્ય સંબંધિત સમસ્યાઓ પણ સામે આવતી રહે છે. આનાથી બચવાની બેસ્ટ રીત છે કે, તમે રેગ્યુલર એક્સરસાઇઝ કરીને પોતાને ફિટ રાખો.

​કમ્ફર્ટ ઝોનમાં રહેવું

આ ઉંમર એક્સપિરિમેન્ટ્સ કરવાની હોય છે, કિશોરાવસ્થામાં તમને જાણકારી હોવી જોઇએ કે તમે કઇ દિશામાં આગળ વધવા ઇચ્છો છો. તેથી જ તમારાં કમ્ફર્ટ ઝોનથી બહાર નિકળો. કેટલાંક યુવા આરામદાયક જીવન વિતાવીને બધુ જ મેળવવા ઇચ્છે છે, પરંતુ તે તમારી ક્ષમતાઓને આગળ વધવાથી અટકાવે છે. કમ્ફર્ટ ઝોનમાં રહેવાનો અર્થ થાય છે તમે પોતાને મળતા ઉજ્જવળ અવસરોને અટકાવી રહ્યા છો.

​ઓફિસથી રજા લેવાની ચિંતા

જો તમે નાની ઉંમરથી જ કમાણી કરવાની શરૂઆત કરી દીધી હોય તો તે શ્રેષ્ઠ બાબત છે. પરંતુ ઓફિસથી રજા માગી તો બોસ શું કહેશે? વર્કપ્લેસ પર સતત મહેનત જ કરવી યોગ્ય છે. આ વિચારધારાને બદલો. તમે મહેનત કરી રહ્યા છો તો તમે વેકેશનના પણ હકદાર છો. તમારી શારિરીક, માનસિક અને ભાવનાત્મક સ્થિરતા માટે વર્ષમાં એક અથવા બે વખત પરિવારની સાથે ફરવા ચોક્કસથી જાવ.

​હંમેશા કોઇની સાથે રહેવું

20ની ઉંમરે યુવક હોય કે યુવતી તેઓ ગર્લફ્રેન્ડ કે બોયફ્રેન્ડ હોવાની ઇચ્છા રાખતા હોય છે. તેઓને લાગે છે કે તેઓ ક્યારેય એકલા નથી રહી શકતા. આ જ તમારાં જીવનની સૌથી મોટી ભૂલ હોઇ શકે છે. કારણ કે, એક સમય બાદ રોમેન્ટિક રિલેશનશિપ તરફ વધારે ઝૂકાવ તમારી માનસિક શાંતિને છીનવી શકે છે. જો તમે એકલા નહીં રહી શકવાના ડરના કારણે કોઇની સાથે રહો છો તો તમને હર્ટ થશે. આ સિવાય તમે એ ખુશીનો અહેસાસ નહીં કરી શકો જે આ ઉંમરે એકલા રહીને મળે છે.

Source link