16 વર્ષની છોકરી પર રેપ કરનારા વિકલાંગ આરોપીને આજીવન કેદની સજા ફટકારાઈ

 

અમદાવાદ: 16 વર્ષની છોકરી પર બળાત્કાર ગુજારવાના કેસમાં વિકલાંગ આરોપીને આજીવન કેદની સજા ફટકારાઈ છે. આ કેસમાં સ્પેશિયલ પોક્સો કોર્ટે નોંધ્યું કે, ગંભીર પ્રકારનો ગુનો છે અને આરોપી સામે કેસ પુરવાર થતો હોવાથી તેની સામે દયા દાખવી શકાય નહીં. ઉલ્લેખનીય છે કે, લોકડાઉન વખતે કિશોરીને મદદ કરવાનું કહી પરિવાર પાસેથી મેળવી આધેડ વિંકલાગે હવસનો શિકાર બનાવી હતી. ત્યારે આ કેસમાં કોર્ટે પોતાનો ચુકાદો આપતા આરોપીને આજીવન કેદની સજા ફટકારી છે.

કેસની વિગતો અનુસાર પીડિતાની માતા તેના પતિથી 2014માં અલગ થઈ ગઈ હતી અને ત્યારથી તે આસામના ગુવાહાટીમાં અલગ રહેતા હતા. માર્ટ 2020માં જ્યારે પ્રથમ લોકડાઉન આવ્યું ત્યારે આવક ન રહેવાથી પરિવાર તકલીફમા આવ્યો તે સમયે સગીરા અને તેનો પરિવાર 56 વર્ષીય કુલદીપસિંઘ કરતારસિંઘ રાઠોડના સંપર્કમાં આવ્યો હતો. કુલદીપસિંઘે પહેલા પરિવારને ખાવાનું પૂરૂં પાડી સહાનુભુતિ મેળવી હતી. પછી તેણે પરિવારને આશ્વાસન આપ્યું કે તે છોકરીનું ઘ્યાન રાખશે. તેથી માતાએ છોકરી કુલદીપસિંઘને સોંપી હતી. પરંતુ માતાને ક્યા ખબર હતી કે, તે તેની દીકરી સાથે આવું કૃત્ય કરશે.

કુલદીપસિંઘે માતાને કહ્યું હતું કે, તે તેમની દીકરીને ભણાવશે. જો કે, તે સગીરાને પહેલા દિલ્હી-કાનપૂર લઈ જવાનું કહી જયપુર લઈ ગયો અને હોટમાં રાખી હતી. બાદમાં છાશમાં કશુ ભેળવીને પીવડાવતા સગીરા બેભાન જેવી થઈ ગયા બાદ તેના પર રેપ કર્યો હતો. એટલું જ નહીં, જો કોઈને કહીશે તો જાનથી મારી નાખવાની ધમકી પણ આપી હતી. ત્યારબાદ ચિત્તોડગઢમાં દારૂ પીને વારંવાર હવસ સંતોષી હતી.

ત્યારબાદ તે સગીરાને લઈને સુરત, કચ્છ, ભૂજ, ગાંધીધામ થઈને અમદાવાદ લઈ આવ્યો હતો. અહીં પણ તેણે છોકરીને હોટલમાં લઈને દુષ્કર્મ આચર્યું હતું. માર્ચ 2021માં ફરીથી અમદાવાદ લઈ આવ્યો ત્યારે સગીરા તક જોઈને ભાગી ગઈ અને પોલીસ સ્ટેશન પહોંચી સમગ્ર હકીકત જણાવી હતી. જેથી પોલીસે તપાસ કરી આધેડ વિકલાંગની ધરપકડ કરીને કોર્ટ સમક્ષ રજૂ કર્યો હતો. જેના ચુકાદામાં સ્પેશિયલ કોર્ટે તેને આજીવન કેદની સજા ફટકારી છે.

Source link