12 વર્ષ પહેલાં રાજેશે કર્યા હતા પત્નીના 70 ટૂકડાં; એક્સપર્ટે જણાવી યુવતીઓએ લેવા જેવી શીખ

Shraddha Walkar Murder and Relationship Red Flags: જ્યાં પ્રેમ ત્યાં લડાઇ, આ વાક્ય તમે ઘણીવાર સાંભળ્યું જ હશે. બે લોકો જ્યારે સાથે રહેવાનું શરૂ કરી દે છે ત્યારે અમુક મુદ્દે તેઓની વચ્ચે મતભેદ થવા સામાન્ય બાબત છે. જો કે, આ મતભેદો જ્યારે મનભેદ સુધી પહોંચી જાય ત્યારે તે ઘણીવાર બિહામણું સ્વરૂપ પણ લઇ લેતા હોય છે. હાલમાં જ દેશમાં ચારેતરફ દિલ્હીમાં પોતાના પ્રેમી આફતાબ પૂનાવાલા (Aaftab Poonawala) સાથે લિવ-ઇનમાં રહેતી શ્રદ્ધા વોકર (Shraddha Walkar murder)નો કેસ ચર્ચાનો વિષય બની ગયો છે. આવો જ એક કેસ દેહરાદૂનની અનુપમા સાથે પણ થયો હતો.

આ બંને યુવતીઓએ ક્યારેય સપનામાં પણ નહીં વિચાર્યુ હોય કે, જે વ્યક્તિને તેઓ પોતાનો પ્રેમ આપી રહી છે તે એક દિવસ તેમની નિર્મમ હત્યા કરી દેશે. જો કે, સંબંધ હત્યા સુધી પહોંચે તે અગાઉ કેટલાંક સ્ટેપ્સ હોય છે જેને અગાઉથી જ સમજી લેવામાં આવે તો જીવ બચી શકે છે. સંબંધ ક્યારેય પહેલીવારમાં જ આટલો હિંસક બની નથી જતો, તે ધીમે-ધીમે તૂટવાની અણીએ પહોંચે છે. તેથી જ અહીં, રિલેશનશિપ એક્સપર્ટની સલાહ આપવામાં આવી છે, જે જણાવશે કે તમારાં પ્રેમી સાથે સંબંધ વણસી રહ્યો છે તેની આગોતરી નિશાનીઓ શું છે અને ક્યારે તમારે એ સંબંધમાંથી બહાર નિકળી જવું જોઇએ.

(તસવીરોઃ ટાઇમ્સ ઓફ ઇન્ડિયા)

​12 વર્ષ પહેલાં બની હતી આ ઘટના

12-
  • પ્રથમ કેસઃ

મહારાષ્ટ્રના પાલઘરમાં રહેતી શ્રદ્ધા વોકર પોતાના બોયફ્રેન્ડ આફતાબ પૂનાવાલા સાથે દિલ્હીમાં લિવ-ઇનમાં રહેતી હતી. બંનેની વચ્ચે લગ્નને લઇને અવાર-નવાર ઝગડા થતા હતા જેનાથી કંટાળીને આફતાબે પહેલાં ગળુ દબાવીને શ્રદ્ધાની હત્યા કરી અને ત્યારબાદ તેના શરીરના 35 ટૂકડા કરીને ફ્રીજમાં મુકી દીધા. આગામી 18 દિવસો સુધી આફતાબ દરરોજ રાત્રે બે વાગ્યે ઘરેથી નિકળતો અને દિલ્હીમાં અલગ અલગ સ્થળોએ શ્રદ્ધાના શવના ટૂકડાં ફેંકતો રહ્યો.

  • બીજો કેસઃ

દહેરાદૂનમાં એક પૉશ વિસ્તારમાં રહેતા રાજેશ અને અનુપમાના લવ મેરેજ થયા હતા. બંનેના બે જોડીયા બાળકો હતા. રાજેશ અને અનુપમાની વચ્ચે કોઇ વાતને લઇને ઝગડો થયો અને રાજેશે અનુપમાનું ગળુ દબાવીને તેની હત્યા કરી નાખી. હત્યા બાદ રાજેશે રસોડામાંથી ચાકૂથી તેના 72 ટૂકડા કર્યા અને અલગ અલગ પ્લાસ્ટિકની થેલીઓમાં ભરીને ડીપ ફ્રીજ કરી દીધા. રાત્રે જ્યારે બાળકો સૂઇ જતા હતા તો તે પત્નીના શબના ટૂકડા મસૂરીના જંગલોમાં ફેંકી દેતો હતો.

​આ બાબતોનું રાખો ધ્યાન

શ્રદ્ધા અને અનુપમા જ નહીં તમામ મહિલાઓ અને યુવતીઓ આજે પણ એવી રિલેશનશિપમાં રહેતી હોય છે જ્યાં તેઓને ખ્યાલ હોય છે કે તેઓની સાથે સંબંધમાં કંઇક ગરબડ થઇ રહી છે. તેમ છતાં યુવતીઓ ઘણીવાર ચૂપચાપ સહન કરે છે અને સંબંધને ટકાવી રાખવાના પ્રયત્નો કરતી રહે છે. જ્યારે હકીકતમાં, સંબંધની શરૂઆત કે અમુક વર્ષો બાદ કેટલીક ચોક્કસ બાબતોનું ધ્યાન રાખવું જોઇએ. તમારે એવા સંકેતો પર ધ્યાન આપવું જોઇએ જેને ઓળખીને સંબંધથી દૂર રહેવામાં જ તમારી ભલાઇ હોય.

​એક્સપર્ટનો જવાબ

આ અંગે રિલેશનશિપ એક્સપર્ટ ગીતાંજલિ શર્મા (Dr. Gitanjali Sharma, renowned Marriage & Family Counsellor) જણાવે છે કે, જો તમારો પાર્ટનર તમારાંમાં રસ નથી લઇ રહ્યો, અથવા તમને મળવા કે કોલ કરવામાં પણ બહાના કરી રહ્યો છે તો સમજી લો કે હવે સંબંધ અંત તરફ જઇ રહ્યો છે. જો પાર્ટનર નાની-નાની બાબતોમાં પણ બહાના બનાવીને તમને ટાળી રહ્યો છે તો તમારે સમજી જવું જોઇએ કે તે તમારાંથી અલગ થવા ઇચ્છે છે. આ સિવાય પાર્ટનર શારિરીક કે માનસિક રીતે ખોટો વ્યવહાર કરે છે તો તમારે સાવધ થઇ જવું જોઇએ. તમારે એ પણ ખ્યાલ રાખવો જોઇએ કે, ક્યાંક તમારાં પાર્ટનરને કોઇ ડિસ્ઓર્ડર તો નથી, જેના કારણે તેનો વ્યવહાર અજીબ છે. કારણ કે, ઘણીવાર માનસિક સ્થિતિની સ્પષ્ટ અસર રિલેશનશિપ પર પણ પડે છે. ખ્યાલ રહે કે, જ્યારે તમે એકબીજાં સાથે સંબંધમાં છો તો એકબીજાં પર વિશ્વાસ હોવો ખૂબ જ જરૂરી છે.

કોઇ પણ નિર્ણયમાં બંનેની સહમતિ હોવી જોઇએ. જો તમારાં સંબંધમાં વારંવાર અસહમતિ કે મતભેદ જોવા મળે તો તે ખતરાની ઘંટડી છે અને તમારે સાવધ થઇ જઇને આ સંબંધમાંથી બહાર નિકળવાની શરૂઆત કરી દેવી જોઇએ.

​પાર્ટનર તમને કંટ્રોલ કરી રહ્યો છે?

દરેક યુવતીને ઘણીવાર એ વાતનો અહેસાસ અગાઉથી જ થઇ જતો હોય છે કે, મારો પાર્ટનર યોગ્ય નથી અથવા અમારાં સંબંધમાં કંઇક ખોટું થઇ રહ્યું છે. તેમ છતાં તેઓ આ બાબતને વધારે ધ્યાન આપવાના બદલે સંબંધને સુધારવાના પ્રયત્નોમાં લાગી જાય છે અને તેમાં સતત ફસાતી જાય છે. રિલેશનશિપને લઇને ક્યારે સાવધાન થઇ જવું જોઇએ? આ અંગે જાણીતા સાઇકોલોજીસ્ટ ડોક્ટર ઇષિતા મુખરજી (Dr Ishita Mukerji, internationally renowned Psychologist) જણાવે છે કે, તમારે ખ્યાલ રાખવો જોઇએ કે ક્યાંક તમારો પાર્ટનર તમારી લાઇફને કંટ્રોલ તો નથી કરી રહ્યો. કારણ કે, ઘણીવાર સંબંધમાં કંટ્રોલ તમારાં પાર્ટનરની પાસે જતો રહે છે.

જો તે કોઇ પણ મામલે તમારી સહમતિ લેવાનું જરૂરી નથી સમજતો, તમારી રિસ્પેક્ટ કરવાનું બંધ કરી દે છે, તો સમજી લો કે વાત વણસી ચૂકી છે. આ બાબતો ઉપરાંત ફિઝિકલ રિલેશનશિપમાં પણ અંતરાળ આવી રહ્યો છે, તમારી વાતચીત ઓછી થઇ રહી છે તો આ રેડ ફ્લેગને સમજવો જરૂરી છે. જો તમે કોઇ પરેશાનીમાં છો અને તમારો પાર્ટનર તમને સહારો નથી આપી રહ્યો, તે માત્ર પોતાની જ મસ્તીમાં છે, તો આ સંબંધમાંથી બહાર નિકળી જાવ.

​બીજાં પાર્ટનરને લઇને ડરો નહીં

એક સાઇકોલોજી એ પણ હોય છે કે, યુવતીઓ ખરાબ સંબંધને પણ અંત સુધી નિભાવવાની કોશિશ કરતી રહે છે. તેના જવાબમાં તેઓ કહે છે કે, રિલેશનશિપમાં અલગ થવાના ડર કરતાં પણ વધારે ડર એ હોય છે કે, આ પાર્ટનર બાદ ભવિષ્યમાં અમારું શું થશે, લોકો અમને કઇ નજરે જોશે? ઘણીવાર તેઓ એવું પણ વિચારતી હોય છે કે, આનાથી બીજો પાર્ટનર સારો મળશે કે ખરાબ?

અહીં એક્સપર્ટ એ બાબત પોઇન્ટ-આઉટ કરે છે કે, ભવિષ્યનું વિચારીને તમે તમારું વર્તમાન બરબાદ તો નથી કરી રહ્યા? તમારે એ સમજવાનું રહેશે કે, રિલેશનશિપની બહાર આવીને પણ ચીજો સારી હોઇ શકે છે. ઘણાં લોકોના ઉદાહરણ તમારી સામે છે. આ મામલે આસપાસના લોકોના ઓપિનિયન પણ નજરઅંદાજ ના કરો, તેઓની સાથે તમારી પરેશાની શૅર કરો. આ સિવાય કોઇ કાઉન્સિલરની મદદ પણ તમે લઇ શકો છો.

​એકલાં રહેવું ખોટું નથી

આ વિષય પર ગીતાંજલિ શર્મા (Dr. Gitanjali Sharma) જણાવે છે કે, એ વાત સાચી છે કે જ્યારે આપણે એક સંબંધમાં બંધાઇએ તો આપણે માનસિક રીતે પાર્ટનર પર નિર્ભર થઇ જઇએ છીએ. કારણ કે, આપણે તેની સાથે ફ્યૂચર પ્લાન કરેલું હોય છે. જ્યારે બાળક ઇન્વોલ્વ થાય ત્યારે અલગ થવું મુશ્કેલ બની જાય છે, એવા સવાલો પણ થાય છે કે, અલગ થયા બાદ અમારું શું થશે? એવામાં આપણે એ તમામ સ્થિતિઓથી દૂર રહીએ છીએ જે ખરેખર ભવિષ્યમાં આપણાં માટે સારી સાબિત થઇ શકે છે.

તમારી જાતને એ વિશ્વાસ અપાવો કે તમે એક સારાં પાર્ટનરના હકદાર છો, નહીં તો તમે સતત કમજોરીનો અનુભવ કરશો. તમે કદાચ ચૂપચાપ અન્યાયને સહન કરતા રહેશો. જે આજકાલના મર્ડર કેસમાં ફેરવાઇ રહ્યા છે. તમારે એ સમજવું પડશે કે, આ સંબંધમાં રહીને આટલી પરેશાની ઉઠાવવાથી સારું છે કે, એકલાં રહીને જીવનને શ્રેષ્ઠ બનાવવામાં આવે.

Source link