‘હું તને આજીવન એક કામવાળીની જેમ રાખીશ’, મેણાં ટોણાંથી કંટાળી મહિલા રણચંડી બની!

 

રાજકોટઃ ‘આ ઘરમાં તારુ સ્થાન કામવાળી તરીકેનું છે. હું તને આજીવન એક કામવાળીની જેમ રાખીશ. જો તારે રહેવું હોય તો બા અને ભાઈ કહેશે એમ રહેવું પડશે. નહીંતર અહીંથી ચાલી જા.’ પતિ અને સાસરીયાઓના આવા મેણાં ટોણાંથી (in laws harass women) કંટાળેલી પરિણિતાએ આખરે મહિલા પોલીસ સ્ટેશનમાં ફરિયાદ નોંધાવી હતી. રાજકોટના યુનિવર્સિટી રોડ પર આવેલા આલાપ આલાપ એવન્યૂમાં રહેતી 37 વર્ષીય અલ્પાબેને પોતાના પતિ હિતેષ મનસુખભાઈ ગોવાણી, સાસુ વિજ્યાબેન અને દિયર પિયુષ સામે મહિલા પોલીસ સ્ટેશનમાં (Rajkot crime) ત્રાસ આપવાની ફરિયાદ નોંધાવી છે.

પરિણિતાએ કરેલી ફરિયાદ મુજબ, 2007માં તેના લગ્ન મૂળ સુપેડીમાં રહેતા હિતેષ સાથે થયા હતા. લગ્નજીવન બાદ તેમના ઘરે એક પુત્રનો જન્મ થયો હતો. જે હાલ 13 વર્ષનો છે અને જે હાલ પતિ સાથે છે. લગ્ન બાદ મહિલા સંયુક્ત કુટુંબમાં રહેવા ગઈ હતી. થોડો સમય સુધી સારી રાખ્યા બાદ સાસરીયાઓ દ્વારા તેને ત્રાસ આપવાનું શરુ કરવામાં આવ્યું હતું. મહિલાના સસરાના અવસાન બાદ સાસરીના અન્ય સભ્યો દ્વારા ત્રાસ આપવાનું વધી ગયું હતું. સાસુ અને દિયર તેના પતિની ચડામણી કરતા હોવાથી અવારનવાર ઝઘડાઓ થતા હતા. મહિલાના સાસરીયાઓ એવી ધમકી આપતા હતા કે, પિયરમાં તેને સાચવનારું કોઈ નથી. જેથી તેઓ કહે તેમ જ ઘરમાં રહેવું પડશે.

આ ઘરમાં તારુ સ્થાન એક કામવાળી તરીકેનુ છે. હું તને આજીવન એક કામવાળીની જેમ રાખીશ. જો તારે આ ઘરમાં રહેવું હોય તો બા અને ભાઈ કહે એમ રહેવું પડશે. નહીંતર અહીંથી ચાલી જા. મહિલાનો આક્ષેપ છે કે, તેના પતિને દારુ પીવાની ટેવ છે. અડધી રાત્રે તેનો પતિ દારુ પીને આવે અને તેની સાથે ઝઘડો કરી ઘરની બહાર કાઢી મૂકતો હતો. એટલું જ નહીં તેના પતિના અન્ય મહિલા સાથે સંબંધ હોવાથી આજદિન સુધી તેને પત્નીની જેમ રાખી નથી. આ સિવાય સાસરીયાઓ પણ તેની પર શંકા રાખતા હતા. મહિલા બીમાર પડે ત્યારે તેને પૂરતું જમવાનું પણ ન આપતા.

બીમાર હોય ત્યારે પણ તેની પાસે જ ઘરનું કામ કરાવતા. દવા લાવવાની વાત બાજુમાં રહી અને કહેતા કે, ભીખારીને ડોક્ટરની જરુર ન પડે. ભીખારી માટે કોઈ દવા લેવાના નથી. તેનો પતિ કહેતો કે, તારા મા-બાપ ભગવાના પાસે જતા રહ્યા છે. એટલે દવા લેવી હોય તો તેમની પાસે જતી રહે. એટલે મારે નિરાંત થાય અને હું મારી મરજીથી જીવી શકું. એક દિવસે તેના પતિએ પહેરેલા કપડાંમાં જ ઘરમાંથી બહાર કાઢી મૂકી હતી. એ પછી પણ તેમના દ્વારા સમાધાનના કોઈ પ્રયાસો કરવામાં ન આવતા પરિણિતાએ મહિલા પોલીસ સ્ટેશનમાં ફરિયાદ નોંધાવી હતી.

Source link