હાઈપરટેન્શન છે? આ બાબતોથી હંમેશા રહેવું દૂર બાકી થશે મુશ્કેલી!

 

ત્યારે જે લોકોને હાઈપરટેન્શનની બીમારી હોય તેવા લોકોને કાર્ડિયાક અરેસ્ટ તેમજ હૃદયરોગના હુમલાની શક્યતા વધું રહે છે, આવી વ્યક્તિએ કસરત તેમજ વધુ વજન ઉપાડવા જેવી ક્રિયાઓમાં ખુબ ધ્યાન રાખવું જોઈએ.

​હાઈપરટેન્શનને હળવાશથી ન લો

હાલ ચિંતા એ જ સમગ્ર શરીરમાં બીમારીનું ઘર બનવા માટે કારણભૂત બને છે. ચિંતાના કારણે અનેક સમસ્યાઓ ઘર કરી જાય છે. હાઈપરટેન્શન પણ તેમાંથી જ એક છે. હાઈપરટેન્શનના કારણે લોહીનું દબાણ સામાન્યના કારણે વધારે થઈ જાય છે. વ્યક્તિની દૈનિક ગતિવિધિઓના આધારે વ્યક્તિનું બ્લડપ્રેશર સમગ્ર દિવસમાં વધઘટ થતું રહે છે. આ સ્થિતિમાં ધમનીઓની દિવાલ પર લોહીનું દબાણ સામાન્યથી વધારે હોય છે અને જેનાથી ધમનિઓને ખાસ્સું નુકસાન પહોંચી શકે છે. ધમનિઓમાં લોહીના દબાણને નુકસાન પહોંચી શકે છે અને જો તેને નુકસાન પહોંચે તો હૃદયરોગનો હુમલો અથવા કાર્ડિયાક અરેસ્ટ પણ થઈ શકે છે. જેમને પણ હાઈપરટેન્શનની બીમારી હોય છે તેમને કાર્ડિયાક અરેસ્ટ તેમજ હૃદયરોગના હુમલાની શક્યતા વધી જાય છે. જેના કારણે કસરત તેમજ વધુ વજન ઉપાડવા જેવી બાબતોમાં વધારે સાવધાની રાખવી જોઈએ.

​કસરત કરતાં સમયે રાખવું ધ્યાન

કોઈપણ પ્રકારની કસરતમાં વધારે તણાવ ન આવવો જોઈએ તેમજ જ્યારે પણ તમે કસરત કરી રહ્યાં હોવ છો ત્યારે એ વાતનું ખાસ ધ્યાન રાખવું જોઈએ કે ધમનિઓ તેમજ લોહીનું દબાણ વધે તેવી કસરતો ન કરવી જોઈએ. આવી કસરતોના કારણે હૃદયરોગનું જોખમ વધી જાય છે.

​સ્પ્રિન્ટિંગ (દોડવું)

દોડવાથી પણ બ્લડપ્રેશર ખૂબ જ ભયંકર રીતે વધી શકે છે. જ્યારે શરીરની સ્થિતિ સામાન્ય હોય તો કશો વાંધો નહીં પરંતુ જો હાઈપરટેન્શનની સમસ્યા હોય તો સાવધાની રાખવી જરુરી છે. હાલના સમયમાં વારંવાર એવા સમાચાર પણ સામે આવતા રહે છે કે મેરેથોન રનર્સ પણ દોડતાં સમયે અચાનક જ ઢળી પડતાં હોય છે અને તેમને હાર્ટ એટેક આવી જાય છે. લોહીના ઉચ્ચ દબાણના કારણે ધમનિઓની દિવાલને નુકસાન પહોંચે છે અને આ નુકસાનથી જ લોહીનો પ્રવાહ યોગ્ય રીતે થતો નથી. કસરત કરતા સમયે, વધારે દોડતા સમયે ઓછા સમયમાં જ્યારે શરીર વધુ શ્રમ ઉઠાવે છે ત્યારે ધમનિઓમાં લોહીનો પ્રવાહ વધી જાય છે અને શરીરમાં હૃદયને નુકસાન પહોંચવાની શક્યતા વધી જાય છે.

​અન્ય પ્રવૃત્તિ કરવી

આ ઉપરાંત અન્ય ગતિવિધિઓ જેવી કે, સ્કૂબા ડાઈવિંગ, પેરાશૂટિંગ, પેરાગ્લાઈડિંગ અને અન્ય કોઈ સાહસિક અને જોખમી તેમજ એડવેન્ચરસ રમતો રમતા સમયે એડ્રેનાલીન અથવા તો લોહીના ઉચ્ચ દબાણના કારણે ઝટકો અનુભવી શકો છો અથવા તો લોહીનું ઉચ્ચ દબાણ શરીર માટે નુકસાનકર્તા સાબિત થઈ શકે છે. આ ઉપરાંત વેઈટલિફ્ટિંગ, ઘોડેસવારી તેમજ જ્યાં જોખમ હોય તેવી જગ્યાએ ડોક્ટરનું સર્ટિફિકેટ પણ આવશ્યક હોય છે.

​શું કરવું જોઈએ?

હાઈપરટેન્શન તેમજ લોહીના ઉચ્ચદબાણ ધરાવતા લોકોને સાવધાની રાખવી જોઈએ. તેમને એવી જ કસરતો કરવી જોઈએ જે હળવી હોય અને શરીરને વધુ નુકસાનદાયક ન હોય. તેઓ એરોબિક કસરત પણ કરી શકે છે જેનાથી ધમનિઓમાં ફાયદો થશે અને હૃદયને પણ. આ કસરતો એવી છે કે, ધમનિ તેમજ હૃદય પર દબાણ નથી આવતું. હળવી ઢબે ચાલવું. દોરડાકૂદ કરવી, સાઈકલ ચલાવવી, સ્કેટિંગ કરવી તેમજ તરવું અને એરોબિક્સ જેવી સાધારણ કસરતો અને વોટર એરોબિક્સ કરી શકો છો. એરોબિક કસરતો હૃદયની ગતિ સ્થિર કરવામાં મદદ કરે છે અને લોહીના ઉચ્ચ દબાણને પણ ઘટાડે છે. આ ઉપરાંત હૃદયની માંસપેશિઓને પણ મજબૂત કરે છે. એરોબિક વ્યાયામ કરવાથી શ્વસનની ગતિ નિયંત્રિત થાય છે તેમજ લોહીના સંચારમાં પણ સુધારો થાય છે. કસરત કરવાથી ફિરામોન હોર્મોનનું ઉત્પાદન થાય છે જે માનસિક સ્થિતિ અને સ્વાસ્થ્ય સુધારવામાં મદદરુપ થાય છે.

Source link