હવે ભારતમાં બનશે સ્ટીલના રોડ, સૌપ્રથમ રસ્તો ગુજરાતના સુરત શહેરમાં તૈયાર થયો!

 

India’s First Steel Road: તમે પ્લાસ્ટિકના રોડ વિશે તો સાંભળ્યું જ હશે, પણ શું તમે ક્યારેય સાંભળ્યું છે કે સ્ટીલના રોડ પણ હોય! તમને આ જાણીને નવાઈ લાગશે, પણ આ હકીકત છે. હવે ભારત સરકાર દ્વારા સ્ટીલના રોડ બનાવવા માટેની તૈયારીઓ કરવામાં આવી રહી છે. અને તેનો સૌથી પ્રથમ પાયલોટ પ્રોજેક્ટ ગુજરાતના સુરત (Surat) શહેરમાં શરૂ કરવામાં આવ્યો છે. સુરતના ઔદ્યોગિક વિસ્તાર હજીરામાં ભારતનો સૌપ્રથમ સ્ટીલનો રોડ તૈયાર કરવામાં આવ્યો છે. સ્ટીલ રોડના નિર્માણ માટે 100 ટકા પ્રોસેસ સ્ટીલ અને 100 ટકા સબસ્ટિટ્યૂટ નેચરલ એગ્રીગેટ વાપરવામાં આવ્યા છે. દેશના રોડને વધારે મજબૂત બનાવવા માટે હવે ભારત સરકાર દ્વારા આ ટેકનિકનો ઉપયોગ કરીને ભવિષ્યમાં સ્ટીલ રોડ બનાવવામાં આવશે. ઉલ્લેખનીય છે કે, સ્ટીલનો આ રોડ વેસ્ટ ટુ વેલ્થ અને સ્વચ્છ ભારત અભિયાન અંતર્ગત બનાવવામાં આવ્યો છે. સ્ટીલના નિર્માણ દરમિયાન બાયપ્રોડક્ટ તરીકે ઉત્પન્ન થતાં સ્ટીલ સ્લેગમાંથી આ રસ્તાઓનું નિર્માણ કરવામાં આવશે.

સેન્ટ્રલ રોડ રિસચર્સ ઈન્સ્ટિટ્યુટ (CSRI) દ્વારા સુરતના હજીરાના ઔદ્યોગિક વિસ્તારમાં 1.2 કિમી લાંબો અને 6 લેન ડીવાઈડેટ કેરેજ વે રોડ બનાવવામાં આવ્યો છે. CSRI દ્વારા 100 ટકા પ્રોસેસ સ્ટીલ એગ્રીગેટ અને સબસ્ટિટ્યૂટ નેચરલ એગ્રીગેટનો ઉપયોગ કરીને આ સ્ટીલ રોડ તૈયાર કરવામાં આવ્યો છે. આ વિસ્તારમાંથી દરરોજ 1200થી પણ વધારે હેવી ટ્રકોની અવરજવર રહેતી હોય છે. અને આ રોડની જાડાઈ 30 ટકા ઓછી કરી છે. તેના પરથી 20થી 22 ટનના હેવી વ્હીકલ્સ પસાર થાય છે, તેમ છતાં રોડ એકદમ મજબૂત છે.

Indias First Steel Road in Surat

CSRIના પ્રિન્સિપલ સાયન્ટિસ્ટ સતિશ પાંડેએ જણાવ્યું કે, આ એક રિસર્ચ પ્રોજેક્ટ છે. સીએસઆરઆઈની ગાઈડલાઈન મુજબ હજીરાની એક કંપની પાસે પ્રોસેસ્ડ ઈલેક્ટ્રિક આર્ક ફરનેસ સ્ટીલ તૈયાર કરાવીને તેને આ રોડ નિર્માણમાં ઉપયોગ કરવામાં આવ્યો છે. આ ઉપરાંત વધુમાં સતિશ પાંડેએ કહ્યું હતું કે, આ પ્રોજેક્ટ ભારત સરકારના વેસ્ટ ટુ વેલ્થ અને સ્વચ્છ ભારત અભિયાન અંતર્ગત છે.

દેશમાં દર વર્ષે આશરે 40 મિલિયન ટન સ્ટીલ સ્લેગ ઉત્પન્ન થાય છે અને તેના સુરક્ષિત ડિસ્પોઝલને લઈ સ્ટીલ ઈન્ડસ્ટ્રીકન્શન હોય છે. ભારત સરકારની સ્ટીલ પોલિસી હેઠળ વર્ષ 2030 સુધી ભારતમાં 300 ટન જેટલું સ્ટીલનું પ્રોડક્શન થશે તેવી સંભાવના છે અને તેને કારણે 45 મિલિયન ટન સ્ટીલ સ્લેગ ઉત્પન્ન થશે. અને આટલી મોટી માત્રામાં સ્લેગનો ઉપયોગ કરવો એ એક મોટો પડકાર છે. પણ જો રોડ નિર્માણમાં આ સ્લેગનો ઉપયોગ કરવામાં આવે તો, અમે તેનો સફળતાપૂર્વક ઉપયોગ રોડમાં કરી શકું છું.

Source link