હવે તમારા દાંત બનશે તમારું ID કાર્ડ! મોટી હોનારતોમાં Incisorsની મદદથી ફોરેન્સિકની ટીમ કરશે ઓળખ

 

વડોદરા- શરીરના અન્ય અંગોની જેમ દાંત સ્વસ્થ રહે તે ઘણું જરૂરી છે. અને હવે તો દાંતનું સ્વાસ્થ્ય જાળવી રાખવા માટેનું અન્ય એક કારણ મળી ગયું છે, કારણકે હવે આ દાંત તમારી ઓળખ બનવા જઈ રહ્યા છે. ઉલ્લેખનીય છે કે, જડબામાં મધ્યમાં આવેલો રાક્ષસી દાંત, એટલે કે જે તમારો વચ્ચેનો દાંત છે તેની બાજૂ વાળો દાંત તમારા માટે આઈડી કાર્ડ બની શકે છે.

આપણે સૌ જાણીએ છીએ કે પ્લેન ક્રેશ, ત્સુનામી, પૂર વગેરે જેવી હોનારત સર્જાય ત્યારે પીડિતોની ઓળખ કરવી મુશ્કેલ બની જતી હોય છે. આ સ્થિતિમાં ફોરેન્સિકની ટીમ હવે પીડિતના નીચેના જડબા(Lower Jaw)ના બે રાક્ષસી દાંતની મદદથી ઓળખશે કે તે સ્ત્રી છે કે પુરુષ. આટલુ જ નહીં, તમને જાણીને નવાઈ લાગશે કે આ બે દાંતની મદદથી ખબર પડી શકશે કે પીડિત ભારતીય છે કે આફ્રિકન.

અત્યાર સુધી નિષ્ણાંતો માનવશરીરના તીક્ષ્ણ દાંતો જેને Canine teeth કહેવામાં આવે છે તેની મદદથી ઘણી જાણકારી મેળવી શકતા હતા, પરંતુ મોટા ભાગની આવી દુર્ઘટનાઓમાં તીક્ષ્ણ દાંત તૂટી ગયા હોય છે અથવા તો તેમાં તિરાડ પડી ગઈ હોય છે. ઉલ્લેખનીય છે કે દરેક મનુષ્યના મોઢામાં દાંતની ગોઠવણ અલગ અલગ હોય છે. પરંતુ, પ્રત્યેક દાંતના આગવા ફીચર્સ હોય છે, જેની મદદથી પીડિતની ઓળખ કરવામાં મદદ મળી શકે છે. ફોરેન્સિક સાયન્સના વિદ્યાર્થી ડોક્ટર રોમેશા ચેટર્જીને રિસર્ચમાં માર્ગદર્શન આપનાર ડોક્ટર આરુષિ ચાવલાએ આ માહિતી આપી હતી.

તેમણે જણાવ્યું કે, માનવ શરીરમાં સૌથી મજબૂત દાંત હોય છે. ભૂકંપ, પ્લેન ક્રેશ, પૂર વગેરે જેવી હોનારત સર્જાય તેવામાં પણ દાંત ભાગ્યે જ પ્રભાવિત થતા હોય છે. આટલુ જ નહીં, 16000 સેલ્સિયસથી વધારે ટેમ્પરેચર હોય તો પણ દાંત તેનો સામનો કરી શકે છે. જ્યારે કોઈ મોટી હોનારત બની હોય અને મૃતદેહની સ્થિતિ અત્યંત ખરાબ હોય તેવા સમયમાં તેની ઓળખ કરવા માટે દાંતની ફોરેન્સિક તપાસ ઘણી મહત્વની સાબિત થાય છે.

તેમણે વધુમાં જણાવ્યું કે, મોઢાના કોર્નર પર આવેલા Canine દાંત મોટા ભાગે બાહ્ય પરિબળોને કારણે તૂટી જતા હોય છે. તેની સરખામણીમાં ઈનસાઈઝર્સની ક્ષમતા વધારે હોય છે કારણકે તે નીચેના હોઠની પાછળ ઢંકાયેલા હોય છે. આ રિસર્ચ ટીમમાં આસિસ્ટન્ટ પ્રોફેસર સુરજ કુમાર પણ સામેલ હતા. તેમણે 150થી વધારે સેમ્પલ પર અભ્યાસ કર્યો હતો, તેમાં ભારત અને આફ્રિકાના 18થી 28 વર્ષની ઉંમરના વિદ્યાર્થીઓ સામેલ હતા. ડિજિટલ એનાલિસિસનો ઉપયોગ કરીને અભ્યાસ કરવામાં આવ્યો હતો. જ્યારે ટી-ટેસ્ટની મદદથી નમૂનાઓનું વિશ્લેષણ કરવામાં આવ્યુ હતું.

ડોક્ટર આરુષિ જણાવે છે કે, ભારતીયોની સરખામણીમાં આફ્રિકાના લોકોના ઈનઝાઈર્સ મોટા હોય છે. અન્ય શબ્દોમાં કહીએ તો, ભારતીયોની સરખામણીમાં આફ્રિકાના લોકોના ઈનસાઈઝર્સની પહોળાઈ વધારે હોય છે.

Source link