સુરતમાં હિજાબ રેલી રદ્દ થયા છતા પણ એકત્ર થતાં મહિલાઓની અટકાયત કરાઈ

કર્ણાટકમાંથી શરૂ થયેલો હિજાબ વિવાદ આખા દેશમાં ચર્ચાનો વિષય બન્યો છે. જેના અનુસંધાનમાં કેટલીક મુસ્લિમ મહિલાઓ દ્વારા હિજાબ મુદ્દે રેલીનું આયોજન કરવામાં આવ્યું હતું. સુરતના ચોકબજાર સહિતના કેટલાંક વિસ્તારોમાં રેલીનું આયોજન કરવામાં આવ્યું હતું. ચોક બજારમાં યોજાવા જઈ રહેલી રેલી રદ્દ થઈ હતી. રેલીના કારણે અહીં મોટી સંખ્યામાં પોલીસ બંદોબસ્ત ગોઠવવામાં આવ્યો હતો.સુરતમાં હિજાબ રેલી રદ્દ થયા છતા પણ એકત્ર થતાં મહિલાઓની અટકાયત કરાઈ

 

હાઈલાઈટ્સ:

  • કર્ણાટક હિજાબ વિવાદના દેશભરના વિવિધ વિસ્તારોમાં પડ્યા પડઘાં
  • સુરતમાં મોટા પાયે હિજાબ રેલીનું આયોજન કરવામાં આવ્યું હતું
  • હિજાબ રેલી રદ્દ થયા પછી પણ કેટલીક મહિલાઓ ઉમટી પડી હતી
સુરતઃ કર્ણાટકનો હિજાબ (Karnataka Hijab row) વિવાદ હવે છેક સુરત સુધી પહોંચી ગયો છે. ત્યારે સુરતમાં હિજાબ રેલી રદ્દ થયા છતા પણ એકત્ર થતા પોલીસે મહિલાઓની અટકાયત કરી હતી. શહેરના ચોક બજાર વિસ્તારમાં આ મહિલાઓ હિજાબ વિવાદ મુદ્દે એકત્ર થઈ હતી. જે બાદ પોલીસને આ કાર્યવાહી કરવાની ફરજ પડી હતી. મહત્વનું છે કે, હિજાબ મુદ્દે અહીં મોટા પાયે રેલીનું આયોજન કરવામાં આવ્યું હોવાની વાતો વહેતી થઈ હતી. આ રેલી રદ્દ કરવા છતા પણ મહિલાઓ એકત્ર થઈ હતી. જે બાદ તેઓની અટકાયત કરવામાં આવી હતી. મહત્વનું છે કે, સુરત (Surat hijab rally)ના ઉન વિસ્તારમાં પણ હિજાબ વિવાદમાં એક રેલીનું આયોજન કરવામાં આવ્યું હતું. જેમાં લગભગ 500 જેટલી મહિલાઓએ બુરખો પહેરીને રેલીમાં ભાગ લીધો હતો.

કર્ણાટકમાંથી શરૂ થયેલો હિજાબ

કર્ણાટકમાંથી શરૂ થયેલો હિજાબ વિવાદ આખા દેશમાં ચર્ચાનો વિષય બન્યો છે. જેના અનુસંધાનમાં કેટલીક મુસ્લિમ મહિલાઓ દ્વારા હિજાબ મુદ્દે રેલીનું આયોજન કરવામાં આવ્યું હતું. સુરતના ચોકબજાર સહિતના કેટલાંક વિસ્તારોમાં રેલીનું આયોજન કરવામાં આવ્યું હતું. ચોક બજારમાં યોજાવા જઈ રહેલી રેલી રદ્દ થઈ હતી. તેમ છતા પણ મુસ્લિમ મહિલાઓ એકત્ર થઈ હતી. રેલી (Surat hijab rally)ના કારણે અહીં મોટી સંખ્યામાં પોલીસ બંદોબસ્ત ગોઠવવામાં આવ્યો હતો. એ પછી અલગ અલગ વિસ્તારની મહિલાઓ ચોક બજાર વિસ્તારમાં એકત્ર થઈ હતી.

રેલી રદ્દ થયા પછી એકત્ર થતા પોલીસે કેટલીક મહિલાઓ અને કેટલાંક યુવકોની અટકાયત કરી હોવાના રિપોર્ટ્સ સામે આવ્યા છે. પોલીસે તમામની અટકાયત કર્યા બાદ તેઓને પોલીસ સ્ટેશન લઈ ગઈ હતી. પરંતુ આ ઘટના બાદ સમગ્ર વિસ્તાર પોલીસ છાવણીમાં ફેરવાયો હતો. ઘટના સ્થળે મહિલા પોલીસનો પણ મોટો કાફલો ઉતારવામાં આવ્યો હતો. મહત્વનું છે કે, હિજાબને લઈને દેશના અનેક વિસ્તારોમાં વિરોધ અને સમર્થનની ઘટનાઓ સામે આવી રહી છે. એવા પણ રિપોર્ટ્સ સામે આવ્યા છે કે, આ રેલીને લઈને ગઈ કાલ રાત્રે જ પોસ્ટર સામે આવ્યા હતા અને તેમાં રેલીનો ઉલ્લેખ કરવામાં આવ્યો હતો.

આ મામલે ઉચ્ચ પોલીસ અધિકારીએ જણાવ્યું કે, રેલીને લઈને કોઈ પણ જાતની મંજૂરી આપવામાં આવી નહોતી. તેમ છતા પણ જો કોઈ એકત્ર થશે તો તેઓને ડિટેઈન કરવામાં આવશે. સાથે જ તેઓ પર કાયદેસરની કાર્યવાહી કરવામાં આવશે. પોલીસે લોકોને અપીલ કરી હતી, કે કોઈ પણ જાતની રેલીને મંજૂરી મળી નથી, એટલે મહેરબાની કરીને કોઈ એકત્ર ન થાય. સાથે જ સોશિયલ મીડિયામાં જે ખોટી અફવાઓ ફેલાઈ છે એના પર ધ્યાન દોરવું નહીં.

Source link