સામાન્ય તાવમાં દવા લેનાર સાવધ થઇ જાવ, ICMRએ જણાવ્યા ગેરફાયદા; બચવા માટે ઘરેલૂ ઉપાય

ICMR Guidelines on Antibiotics: સામાન્ય રીતે લોકો તાવની શરૂઆતમાં જ તેની દવા લેવાનું યોગ્ય ગણતા હોય છે. જો તમે પણ સ્હેજ અશક્તિ કે તાવની અસર દેખાતા જ દવા લેવાનો આગ્રહ રાખો છો તો તમારે ભારતીય તબીબી સંશોધન પરિષદ (The Indian Council of Medical Research)ની નવી ગાઇડલાઇન વિશે જાણી લેવું જોઇએ.

આઇસીએમઆરના ડોક્ટર્સ સામાન્ય તાવમાં દવા લેવાની મનાઇ કરી રહ્યા છે કારણ કે, લૉ ગ્રેડ ફિવરમાં એન્ટીબાયોટિક્સ (antibiotics in low grade fever)ના સેવનથી એન્ટી-માઇક્રોબિયલ રેઝિસ્ટન્સનું નવું જોખમ ઉભું થાય છે.

ગત શનિવારે પોતાના દિશા-નિર્દેશમાં મેડિકલ રિસર્ચના ડોક્ટર્સે લૉ ગ્રેડ ફિવર અને વાયરલ બ્રોન્કાયટિસ (viral Bronchitis) જેવી બીમારીઓમાં એન્ટી-બાયોટિક્સ દવા લેવાથી બચવાની સલાહ આપવામાં આવે છે. જો ડોક્ટર કોઇ દર્દીને એન્ટી-બાયોટિક્સ દવા આપે છે તો એક ચોક્કસ સમય-સીમાનું પાલન પણ કરવું જરૂરી છે.

(તસવીરોઃ પિક્સાબે.કોમ, ફ્રિપિક.કોમ)

​5 અને 8 દિવસ આપી શકાય છે એન્ટીબાયોટિક્સ

5-8-

આઇસીએમઆરની ગાઇડલાઇનમાં સામાન્ય સ્થિતિમાં એન્ટીબાયોટિક દવા આપવાની સમયરેખા પણ દર્શાવી છે. સમુહમાં થતા ન્યૂમોનિયા (community-acquired pneumonia)માં 5 દિવસ અને હોસ્પિટલમાં થતા ન્યૂમોનિયા (hospital-acquired pneumonia)માં 8 દિવસ એન્ટીબાયોટિક દવાઓ આપવાની સલાહ આપવામાં આવે છે. ત્વચા અને સોફ્ટ ટિશ્યૂને થતા ઇન્ફેક્શનથી બચવા માટે દર્દીને 5 દિવસ એન્ટીબાયોટિક થેરાપી આપવામાં આવે છે.

​શા માટે લેવામાં આવ્યો આ નિર્ણય?

ICMRના એક મલ્ટી-સેન્ટર સર્વેમાં જાણવા મળ્યું કે, અમુક જોખમી બેક્ટેરિયા મજબૂત અસર દેખાડતી એન્ટીબાયોટિક દવાઓના પ્રતિરોધક બની રહ્યા છે. તેનો અર્થ એ છે કે, આ બેક્ટેરિયા પર ભારે દવાઓની કોઇ અસર નથી થઇ રહી અને તે જીવલેણ બની રહ્યા છે. આ સ્થિતિને એન્ટી-માઇક્રોબિયલ રેઝિસ્ટન્સ (Antimicrobial Resistance) કહેવામાં આવે છે. જેમાં A.baumannii, E. Coli, K. Pneumoniae, P. aeruginosa અને S. aureus બેક્ટેરિયા પર દવાઓની અસર ઓછી થઇ રહી છે.

​ક્યાં સુધી તાવની દવા ટાળવી જોઇએ?

માયોક્લિનિક (Mayoclinic.org) અનુસાર, એક સ્વસ્થ વ્યક્તિનું શારિરીક તાપમાન 98.6 ડિગ્રી ફેરેનહેટ (37 ડિગ્રી સેલ્સિયસ) હોય છે આ સ્તરથી થોડાં ઉપરના તાપમાનને લૉ ગ્રેડ ફિવર કહેવામાં આવે છે. જો કે, તેને લગતી ચોક્કસ નિર્ધારિત સીમા નથી. પરંતુ એક્સપર્ટ્સ અનુસાર, 24 કલાકથી વધારે 98.7 ડિગ્રી ફેરેનહેટથી 100.4 ડિગ્રી ફેરેનહેટ સુધી શારિરીક તાપમાન રહે તેને લૉ ગ્રેડ ફિવર કહેવામાં આવે છે.

​તાવ ઉતારવાના ઘરેલૂ ઉપચાર

NIH એક્સપર્ટ્સ અનુસાર, સામાન્ય તાવ ઉતારવા માટે આદુ ફાયદાકારક હોય છે. તેમાં તાવ, ખાંસીને ઠીક કરતા એન્ટીબેક્ટેરિયલ ગુણો છે, તમે તાવમાં આદુની ચા પી શકો છો.

​સરગવાના પાન

ઘરે સામાન્ય તાવ ઉતારવા માટે તમે સરગવાના પાનનો ઉકાળો પી શકો છો. WebMDમાં પ્રકાશિત એક રિસર્ચ અનુસાર, સરગાવાના પાન તાવ માટે ઉત્તમ દવા છે. તેમાં એન્ટીબેક્ટેરિયલ ગુણોની સાથે એન્ટીઓક્સિડન્ટ્સ, વિટામિન અને મિનરલ્સ હોય છે. જો કે, ગર્ભવતી મહિલાઓ અથવા અન્ય દવાઓનું સેવન તમે કરી રહ્યા હોવ તો આ ઉપાય ટાળવો જોઇએ.

​હાઇડ્રેશન અને આરામનું ધ્યાન રાખો

તાવમાં પર્યાપ્ત આરામ કરવો જરૂરી છે. કારણ કે, આ દરમિયાન તમારું શરીર ઇન્ફેક્શન સામે લડી રહ્યું છે. આ સાથે જ તમારે પર્યાપ્ત માત્રામાં ફ્લૂઇડ અને પાણી પીવું જોઇએ. કારણ કે, તાવમાં શરીર પરસેવાથી પોતાને ઠંડુ રાખવાની કોશિશ કરતું હોય છે. ફ્લૂઇડ લેવાથી ડિહાઇડ્રેશનની સમસ્યા નહીં થાય.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link