સવારે ઉઠતાવેંત દેખાતા આ 7 લક્ષણોને ઇગ્નોર કર્યા, તો સમજી લો વહેલી તકે ડાયાબિટીસ કરશે શરીરમાં ઘર

High Blood Sugar Symptoms in Morning in Gujarati: ડાયાબિટીસ (Diabetes) લોહીમાં વધારે માત્રામાં શુગર સાથે સંબંધિત બીમારી છે, જેને સાયલન્ટ કિલર પણ કહેવામાં આવે છે, કારણ કે તે ધીરે ધીરે લગભગ તમામ મહત્વપૂર્ણ ઓર્ગનને ખરાબ કરવાનું કામ કરે છે. જેમાં મુખ્યત્વે હૃદય, મગજ, કિડની, લિવર અને આંખોનો સમાવેશ થાય છે.

ડાયાબિટીસ શરીરના લગભગ દરેક ફંક્શનને પણ પ્રભાવિત કરે છે. RSSDIના અધ્યક્ષ, ડાયાબિટીસ નિષ્ણાત ડોક્ટર બીએમ મક્કર (Dr. Brij Mohan Makkar, Senior Diabetologist & Obesity Specialist) અનુસાર, ડાયાબિટીસના જોખમોને દર્શાવતા સંકેતોને ઓળખીને તેનાથી બચાવ કરી શકાય છે. જો કે, ઘણીવાર આ લક્ષણો નજીવા હોવાના કારણે લોકો તેને નજરઅંદાજ કરતા હોય છે.

ઘણાં લોકો એ નથી જાણતા કે, આપણું શરીર સવારે કેટલીક ચેતવણી આપે છે, જે લોહીમાં શુગરની માત્રાના વધારા સાથે જોડાયેલા છે. અહીં જાણો, ડાયાબિટીસ નિષ્ણાત ડોક્ટર અનુસાર, બ્લડશુગર વધવાના પ્રાથમિક લક્ષણો ક્યા હોય છે.

(તસવીરોઃ પિક્સાબે.કોમ, ફ્રિપિક.કોમ)

​મોંઢુ સૂકાઇ જવું

સવારે દેખાતા ડાયાબિટીસના લક્ષણોમાં સૌથી સામાન્ય છે, મોઢૂં સૂકાઇ જવું. જો તમે ઘણીવાર સવારે ઉઠ્યા બાદ મોંઢુ સૂકાઇ જવા અથવા વધારે તરસ લાગવાનો અનુભવ કરી રહ્યા હોવ તો તે સંકેત છે કે લોહીમાં શુગરની માત્રા વધી રહી છે. તેથી ડોક્ટર પાસે તપાસ કરાવવી જરૂરી છે.

​ઉબકા

દરરોજ સવારે ઉઠતાવેંત ઉબકા આવવા ડાયાબિટીસનો સંકેત હોઇ શકે છે. આમ તો સામાન્ય રીતે ઉબકા કમજોરીની નિશાની પણ છે, પરંતુ જો આ સમસ્યા લાંબા સમય સુધી રહે અથવા ઉબકાની સાથે ડાયાબિટીસના અન્ય લક્ષણોનો અનુભવ પણ થઇ રહ્યો હોય તો તેને નજરઅંદાજ ના કરો.

​ધૂંધળુ દેખાવું

ડાયાબિટીસ આંખો પર નકારાત્મક પ્રભાવ પાડે છે, તેથી જો તમને સવારે સ્પષ્ટ દેખાવામાં પરેશાની થતી હોય તો તે હાઇ બ્લડશુગરનો સંકેત હોઇ શકે છે. ડોક્ટર અનુસાર, ડાયાબિટીસથી આંખોના લેન્સનો આકાર મોટો થઇ જાય છે, જેના કારણે દ્રષ્ટિ નબળી થઇ શકે છે.

​પગ સુન્ન થઇ જવા

લોહીમાં શુગર લેવલ વધવાના કારણે નર્વસ સિસ્ટમ પ્રભાવિત થાય છે. એવામાં ઘણીવાર બોડીના અમુક હિસ્સા સુન્ન થઇ શકે છે. ડાયાબિટીસ ન્યૂરોપથીથી પગ અને પગની નસો સૌથી વધારે પ્રભાવિત થાય છે. આ જ કારણોસર પગમાં સુન્નતા, દુઃખાવાથી લઇને હાથ અને પગમાં પણ આ જ પ્રકારના લક્ષણોનો અનુભવ થઇ શકે છે.

​સતત થાક

થાક ડાયાબિટીસમાં સામાન્ય લક્ષણોમાંથી એક છે, ઇન્સ્યૂલિનના ઓછા પ્રોડક્શન અને લોહીમાં શુગરનું પ્રમાણ વધવાના કારણે શરીર સુસ્ત થઇ જાય છે. પરંતુ ઘણીવાર થાક વધારે કામ કરવાથી અથવા તણાવના કારણે પણ થઇ શકે છે.

​હાથ કાંપવા

બ્લડશુગર લેવલ પ્રતિ લીટર 4 મિલીમોલ (mmol)થી ઓછું થવા પર ભૂખ લાગવી, હાથમાં કંપન અને વારંવાર પરસેવો થવો જેવા લક્ષણો જોવા મળે છે, આ ડાયાબિટીસના શરૂઆતી સંકેત હોય છે. વધારે ગંભીર સ્થિતિમાં વ્યક્તિને ચિત્તભ્રમ અથવા ધ્યાન કેન્દ્રિત કરવામાં મુશ્કેલીનો અનુભવ પણ થતો હોય છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link