સવારના સમયમાં ભયંકર ઉધરસ આવે છે? મોડું ન કરતાં, હોય શકે છે આ ગંભીર બીમારી!

 

આજના સમયમાં કેન્સર એ ખતરનાક બીમારીઓમાંથી એક છે. જે બીમારી જ્યારે શરુઆતના સ્ટેજમાં હોય ત્યારે લક્ષણ જોવા નથી મળતાં કદાચ આ એકમાત્ર કારણ એવું છે. જેના કારણે કેન્સરથી દર વર્ષે લાખો લોકો પોતાનો જીવ ગુમાવી દે છે. તાજેતરમાં જ 3 ફેબ્રુઆરીના રોજ વિશ્વ સ્વાસ્થ્ય સંગઠન એટલે કે WHO દ્વારા જાહેર કરાયેલા રિપોર્ટ અનુસાર, અત્યારે કેન્સરના કારણે વિશ્વભરમાંથી સૌથી વધુ લોકો પોતાનો જીવ ગુમાવી રહ્યાં છે.

આંકડાઓ જણાવે છે કે વર્ષ 2020માં આશરે 10 લાખ લોકોના મોત થયા હતાં. જેમાંથી દર 6 મોતમાંથી એક મોત તો કેન્સરના કારણે જ થયું હતું. કેન્સર શરીરના અલગ અલગ ભાગમાં થઈ શકે છે. સામાન્ય રીતે સૌથી વધુ બ્રેસ્ટ કેન્સર, પ્રોસ્ટેટ કેન્સર, ફેફસાનું કેન્સર વગેરે જોવા મળે છે.

​સવારની ઉધરસ અને કેન્સરમાં કનેક્શન

શું તમે જ્યારે સવારે ઉઠો છો ત્યારથી જ ઉધરસ આવવા લાગે છે? જો આ સવાલનો જવાબ હા હોય તો તમને કેન્સર સહિતની અન્ય સમસ્યા થવાનું પણ કારણ હોય શકે છે. જોકે, સવારે ઉઠતાં જ ઉધરસ આવવી એ અન્ય કોઈ બીમારીનો સંકેત પણ હોય સકે છે. જોકે, આવું માનીને કેન્સર ન હોય તેવું માની લેવું પણ ભૂલભરેલું નીવડી શકે છે. એવા કિસ્સામાં તો ખાસ જ્યારે તમે ધૂમ્રપાન કરી શકતા હોવ.

​બે અઠવાડિયાથી વધુ ઉધરસ આવે તો કરાવો તપાસ

આ મુદ્દે કેમિસ્ટ ક્લિકના ફાર્માસિસ્ટ અબ્બાસ કાનાણીએ એક આંતરરાષ્ટ્રીય મેગેઝિનને જણાવ્યું કે ધૂમ્રપાન કરનાર લોકોને જ વારંવાર ઉધરસની સમસ્યા સતાવતી હોય છે. જેથી જો ઉધરસ બે અઠવાડિયાથી વધુ સમય સુધી રહે તો તેની તપાસ અવશ્ય કરાવવી જ જોઈએ. આ ઉપરાંત જો તમે સવારે ઉઠો છો અને તરત જ ગળામાં પણ ખારાશનો અનુભવ કરો છો. તેમજ બે અઠવાડિયા સુધી આ સમસ્યાનો કોઈ ઉકેલ આવતો જ નથી તો એક્સપર્ટ્સે આ બાબતને ચેતવણી સમાન ગણવાનું કહ્યું છે.

​કેન્સરનું કારણ

WHOના ભૌતિક કાર્સિનોજેન્સ અનુસાર પારજાંબલી તેમજ આર્યનના વિકિરણ, કેમિકલ કાર્સિનોજેન્સ જેવા કે એસ્બેસ્ટોસ જે તમાકુંના ધૂવાડા દ્વારા ફેલાય છે, દારુમાં એફ્લાટોક્સિન તેમજ આર્સેનિક અને બાયોલોજિકલ કાર્સિનોજેન્સ જેવા વાયરસ છે, જે શરીરમાં કેન્સરને જન્મ આપવા માટે જવાબદાર પરિબળો હોય છે.

કેન્સર શરીરમાં ત્યારે જ જન્મ લે છે જ્યારે આપણા શરીરમાં હાજર રહેલી સામાન્ય કોશિકાઓ ટ્યૂમરમાં બદલાય જાય છે. આ સાથે જ કેન્સર ગંભીર રીતે શરીરમાં ફેલાવા લાગે છે. આ ઉપરાંત કેન્સર પહેલા તો ટ્યૂમરની સ્થિતિ ઉત્પન્ન થવા લાગે છે.

​કેન્સરનું મુખ્ય કારણ

તમને જણાવી દઈએ કે તમાકુંનું સેવન, દારુ પીવો, સ્વાસ્થ્યને અનુરુપ ખોરાક ન લેવો, કસરત ન કરવી તેમજ વાયુ પ્રદૂષણના કારણે પણ કેન્સરની સ્થિતિ સર્જાય શકે છે. જેના ઉપરાંત કેટલીક જૂની મુશ્કેલીઓના કારણે પણ કેન્સર જેવી સમસ્યા સર્જાય શકે છે. WHO અનુસાર વર્ષ 2018માં કેન્સરના નિદાન સમયે 13% કિસ્સામાં મુખ્ય કારણ તો હેલિકોબેક્ટર પાઈલોરી, માનવ પેપિલોમાવાયરસ, હેપેટાઈટિસ બી વાયરસ, હેપેટાઈટિસ સી વાયરસ અને એપસ્ટીન-બાર વાયરસ સહિત કાર્સિનોજેનિક સંક્રમણ હતું.

​કેન્સરથી બચવા શું કરવું?

એક સ્વસ્થ જીવન શૈલી દ્વારા જ કેન્સરને તમે દૂર રાખી શકો છો. જેમાં સારું અને આરોગ્યપ્રદ ભોજન લેવું. જેના ઉપરાંત તમાકું તેમજ દારુથી દૂર રહેવું. આ સાથે જ કેન્સરથી બચવા માટે સમયાંતરે વેક્સીનેશન પણ જરુરી છે. જ્યારે અલ્ટ્રાવાયોલેટ એટલે કે પારજાંબલી કિરણોથી દૂર રહેવું પણ હિતાવહ છે. આ એવા ઉપાયો છે જેના કારણે કેન્સર દૂર રહી શકે છે.

Source link