સંબંધો માટે હાનિકારક સાબિત થઈ શકે છે જુઠ્ઠાણું, છોડવી જોઈએ ટેવ!

 

જુઠ્ઠું બોલવું, ખોટું બોલવું એ તમામ પાસાઓ માટે હાનિકારક સાબિત થઈ શકે છે. ખાસ કરીને પાર્ટનર્સ વચ્ચે તેમજ પાર્ટનર્સની સામે ખોટું બોલવું એ પણ લગ્ન જીવન તેમજ પ્રેમ સંબંધમાં નુકસાનકર્તા સાબિત થઈ શકે છે. નાનું હોય કે પછી મોટું હોય જૂઠ આખરે જૂઠ જ હોય છે. ખોટું બોલવું એ સંબંધમાં વિશ્વાસ અને સમજણને પણ નુકસાન પહોંચાડી શકે છે. જૂઠું બોલવાથી રિલેશનશિપ પર પણ નેગેટિવ અસર પહોંચે છે અને એકબીજા પ્રત્યે અવિશ્વાસનું વાતાવરણ પણ ઉભું થાય છે. જોકે, આ બધી જ અસરો જાણવા છતાં પણ કેટલીકવાર પોતાના પાર્ટનર સમક્ષ જૂઠું બોલવાનું વાતાવરણ સર્જાય છે. જેના અનેક કારણો છે. જે અમે તમને જણાવવા જઈ રહ્યાં છે.

​સતત ડર લાગવો

તમારા પાર્ટનર એક એવા ભયમાં જીવતા હોય છે કે શું તમે ફરીથી એકવાર તેની સામે ખોટું બોલશો. આવા સતત ડરમાં જીવવાના કારણે એ તમારા પ્રત્યે એક પ્રકારની લઘુતાગ્રંથી બાંધી લે છે. એકવાર તમે જૂઠું બોલશો એટલે તમારા પાર્ટનરને વારંવાર તમારા પર શક જવાનો જ છે. તમે જે પણ કહેશો તેના ખુલાસા કરવા પડશે અને આ રીતે વાત પણ વધુ વણસતી જશે. જેની સીધી અસર તમારા સંબંધો પર પડશે.

​મારી-મચડીને વાત સત્ય ઠેરવવી

જ્યારે તમે પાર્ટનર સમક્ષ ખોટું બોલો છો ત્યારે તમે તમારી જાત પ્રત્યેની એક કાળીબાજુ જ તમારા પાર્ટનર સમક્ષ છતી કરી રહ્યાં છો. તમે તમારા જ રસની વાત પાર્ટનર સમક્ષ થોપવાની વાત કરી રહ્યાં છુઓ જે તદ્દન ખોટું જ છે. આવી રીતે વારંવાર કરવું એ દર્શાવે છે કે તમે રિલેશનશીપમાં યોગ્ય રીતે નથી આગળ વધી રહ્યાં અને તમે તમારા સંબંધો પ્રત્યે એટલી દરકાર રાખતા નથી. આ રીતનું વર્તન તમારા પાર્ટનરને નહીં ગમે.

​સમાન આદર આપવો

જ્યારે પણ તમે લગ્નજીવનમાં ખોટું બોલો છો ત્યારે તે એવું દર્શાવે છે કે તમે તમારા પાર્ટનર પ્રત્યે સમાન આદર દર્શાવતા નથી. તમારા પાર્ટનરને પણ પૂરતો આદર આપવો જોઈએ. જ્યારે તમે એકબીજાને આદર નથી આપતા તો એ તમારા લગ્નજીવન માટે પણ યોગ્ય નથી. એકબીજાને સમાન આદર આપવો તે જ એક મજબૂત લગ્નજીવનનો પાયો છે.

​સમાનતા ન હોવી

જ્યારે પણ લગ્નજીવનમાં એકબીજા પ્રત્યેનું જૂઠાણું ઘર કરી જાય છે ત્યારે બન્ને તરફથી સમાન રીતે બેલેન્સ જાળવવું મુશ્કેલ થાય છે. રિલેશનશીપમાં વિશ્વાસ અને આદરનું બેલેન્સ હોવું અનિવાર્ય છે. જો આ બન્નેની ગેરહાજરી હશે તો સંબંધ યોગ્ય રીતે મજબૂત નહીં બને. બેલેન્સ એટલે કે એકબીજાની જરુરિયાતોને સમજવી અને આ જરુરિયાતોને સમજીને યોગ્ય રીતે વિશ્વાસ કરવો. જો આ બાબતના પાયામાં જ જૂઠાણું છૂપાયેલું હશે તો સમાનતા નહીં રહે અને લગ્નજીવનમાં તેમજ સંબંધોમાં અનેક રીતે અસર પડશે.

​જૂઠાણાને છૂપાવવા અન્ય જૂઠાણાં ફેલાવવા

કોઈ એક વિચારકે કહ્યું છે કે હું એટલા માટે ખોટું નથી બોલતો કારણકે એને છૂપાવવા માટે મારે અન્ય જૂઠ બોલવા પડે છે. આ વાત તદ્દન સાચી જ છે. જ્યારે તમે એક ખોટું બોલો છો ત્યારે તે વારંવાર સામે આવતું હોય તેને છૂપાવવા માટે તમારે અન્ય જૂઠાણાઓ બોલવા પડે છે અને આ રીતે ચાલતું જ રહે છે. જેનો કોઈ જ છેડો ક્યારેય પણ આવતો નથી. આ કારણે જ જો તમને કે તમારા પાર્ટનરને વારંવાર જૂઠાણું બોલવાની આદત હોય તો તે તરત જ છોડવી જોઈએ. આ કૂટેવ તમારા સંબંધોમાં અવિશ્વાસ ઉભો કરી શકે છે તેમજ તમારા બન્ને વચ્ચે ગેરસમજણની ખાઈ વધુ ઉંડી બનાવી શકે છે.

Source link