શું યોગ્ય છે તમારી રીત? ગ્રીન ટી પીતા પહેલા જાણો આ વાત!

 

દોસ્તના લગ્ન હોય કે પછી કોલેજના આઉટફીટમાં ફીટ થવાની ઈચ્છા, તમારે ફીટ અને તંદુરસ્ત રહેવું હોય તો તેનું પહેલું પગથિયું છે સારુ સ્વાસ્થ્ય. જોકે, સારુ સ્વાસ્થ્ય મેળવવા માટે તમને ગ્રીન ટી પણ ખૂબ જ ઉપયોગી થઈ શકે છે. અનેક રિસર્ચમાં સાબિત થયું છે કે ગ્રીન ટી સ્વાસ્થ્ય માટે ફાયદાકારક છે.

જો તમે આ ‘જાદુઈ ચા’નો વધુમાં વધુ લાભ ઉઠાવવા ઈચ્છો છો તો કેટલાક દિશાનિર્દેશો ધ્યાનમાં રાખવા અત્યંત જરુરી છે. કારણકે ગ્રીન ટી પીવા માટે યોગ્ય માપ પ્રતિ દિવસ બેથી પાંચ કપ વચ્ચે છે.

આ માપ તમારે ધ્યાનમાં રાખવું જોઈએ. ગ્રીન ટીનું સેવન કરતા સમયે શું ધ્યાનમાં રાખવું જોઈએ તે વિશે અમે તમને જણાવી રહ્યાં છીએ.

​ભોજન પછી ન કરવું ગ્રીન ટીનું સેવન

ગ્રીન ટીના સેવન બાબતે એક સૌથી મોટી ગેરસમજ એ છે કે, ભોજન પછી ગ્રીન ટીનું સેવન કરવાથી શરીરમાં રહેલી દરેક કેલેરી સમાપ્ત થઈ જશે.

ફેક્ટઃ

તમારા ખાદ્ય પદાર્થોમાં જે પણ પ્રોટીન છે. તેને શરીર દ્વારા પચાવવાનું બાકી હોય છે, જેથી ભોજન પછી તરત જ ગ્રીન ટી પીવાથી આ પ્રક્રિયાને નુકસાન થઈ શકે છે અને એટલા માટે જ આવી ટેવથી બચવું જોઈએ.

​વધુ પડતી ગ્રીન ટી ન લેવી

વધારે ગરમ હોય તેવી ગ્રીન ટી પીવાના કારણે તેનો સ્વાદ પણ સાવ બેસ્વાદ થઈ જાય છે. ઉપરાંત તમારા પેટ અને ગળાને પણ નુકસાન પહોંચી શકે છે. શારીરિક દ્રષ્ટિએ ગ્રીન ટીનું ઉત્તમ પરિણામ મેળવવા માટે હૂંફાળી હોય ત્યારે જ સેવન કરવાનું રાખો.

​ખાલી પેટે ગ્રીન ટીનું સેવન ન કરવું

ગ્રીન ટીનું સેવન કરવાથી તે શારીરિક સિસ્ટમને રિચાર્જ અને ડિટોક્સીફાઈ કરે છે. આ કારણે જ કેટલાક લોકોનું એવું વિચારવાનું હોય છે કે, સવારે સૌથી પહેલા ગ્રીન ટી પીવી એ સ્વાસ્થ્ય માટે લાભદાયી નીવડે છે. જોકે, આ પૂરી રીતે સાચું નથી. કલાકોના ઉપવાસ પછી, તમારે થોડું હળવું અને સૂકો નાસ્તો આરોગવો જોઈએ. જે તમારી ચયાપચયની ક્રિયાને યોગ્ય રીતે જાળવી રાખે છે. ગ્રીન ટીમાં મજબૂત રીતે એન્ટીઓક્સિડન્ટ અને પોલીફેનોલ્સ હોય છે. જે પેટમાં એસિડના ઉત્પાદનને વધારી શકે છે અને પાચનશક્તિને પરેશાન કરી શકે છે. જેથી ઉત્તમ રીત એ છે કે, તમારે ગ્રીન ટી ભોજનની વચ્ચે અથવા તો જમ્યા પછી લેવી જોઈએ.

​ગ્રીન ટી ગરમ હોય ત્યારે મધ ન ઉમેરવું

આપણાંમાંથી મોટાભાગના લોકો એવા હોય છે. જેમને ગરમાગરમ ગ્રીન ટીમાં મધ ભેળવવાનું ખૂબ જ પસંદ હોય છે. કારણકે મધ એ ખાંડનો એક યોગ્ય વિકલ્પ છે અને સ્વાસ્થ્યવર્ધક હોવા ઉપરાંત તેનો સ્વાદ પણ સારો રહે છે. જોકે, તમારે ગ્રીન ટીના ઉકળતા કપમાં મધનું મિશ્રણ કરો છો તો એ શક્યતા રહે છે કે પોષકતત્વ નાશ પામે. જેથી તમારી ગ્રીન ટીનું તાપમાન થોડું હળવું થવા દેવું અને ત્યારબાદ જ તેમાં મધ ઉપરાંત તમારે જે નાખવું હોય તે નાખી શકો છો

​ગ્રીન ટી સાથે દવાઓ ન લેવી

મોટાભાગના લોકો પોતાની સવારની ગ્રીન ટી સાથે દવાઓ લેવાનું પણ પસંદ કરતા હોય છે. જેથી એક કાંકરે બે પક્ષીનો શિકાર થઈ જાય. જોકે, આમ કરવું ભૂલભરેલું અને નુકસાનદાયક હોય શકે છે. કારણકે તમારી ગોળીની રાસાયણિક સંરચના તમારી ગ્રીન ટી સાથે ભેગી થઈ શકે છે અને જેના પરિણામે તમને એસિડિટી જેવી સમસ્યા પણ થઈ શકે છે. આ કારણે જ એ સલાહ આપવામાં આવે છે કે આવું કરવાના બદલે દવાઓને નિયમિત રીતે પાણી અથવા ડોક્ટરની સલાહ અનુસાર દૂધ સાથે લેવી જોઈએ.

​વધુ પડતી ગ્રીન ટી પીવી

ગ્રીન ટી ફાયદાકારક છે એનો મતલબ એ નહીં કે તમારે એક જ દિવસમાં અગણિત રીતે મનફાવે તેટલા કપ પીવા જોઈએ. ચા અથવા તો કોફીની રીતે ગ્રીન ટીમાં પણ કેફિન હોય છે. દિવસ દરમિયાન તમે જો વધુ માત્રામાં કેફિન લેશો તો માથાનો દુઃખાવો, સુસ્તી, ચિંતા, ચીડચીડાપણું તેમજ ચિંતા સહિત હાનિકારક અસરો પણ તમને પહોંચી શકે છે. ગ્રીન ટીનું વધારે પડતું સેવન કરવાથી શરીરમાં આયર્નની ઉણપ સર્જાઈ શકે છે. જેથી તમારે એ વાતનું ધ્યાન રાખવું જોઈએ કે દિવસમાં માત્ર બેથી ત્રણ કપ જ ગ્રીન ટી પીવી જોઈએ.

Source link