શિયાળામાં સંધિવાના દર્દ સહિત 5 જીવલેણ બીમારીઓથી બચાવશે સરસિયાના તેલના દેશી ઉપાય

Mustard Oil Benefits in Winter: સદીઓથી આપણે સરસિયાના તેલનો ભોજન બનાવવામાં ઉપયોગ કરતા આવ્યા છીએ. આ સાથે જ માલિશ કરવા માટે પણ તેનો ઉપયોગ દાદી-નાનીના જમાનાથી થતો આવ્યો છે. આમ તો સરસવનું તેલ અલગ અલગ પ્રકારનું હોય છે પરંતુ કાચી ઘાણીનું ઓર્ગેનિક તેલ તેનું શુદ્ધ સ્વરૂપ ગણવામાં આવે છે. તેની તીવ્ર વાસ પણ તેની અલગ અલગ ખાસિયતોમાંથી એક છે.

સરસવના તેલમાં એન્ટી-ઓક્સિડન્ટ્સ, ઓમેગા-3 ફેટી એસિડ અને ઓમેગા-6 ફેટી એસિડની સાથે સાથે મોનો-સેચ્યુરેટેડ ફૅટ, પોલીઅનસેચ્યુરેટેડ ફૅટ, વિટામિન ઇ, ખનિજ અને આયર્ન જેવા પોષક તત્વો રહેલા છે. જેના કારણે આ તેલનો ઉપયોગ અલગ અલગ બીમારીઓમાં રાહત આપે છે. તમે પણ શિયાળામાં આ તેલનો ઉપયોગ સામાન્ય બીમારીથી લઇને ખરાબ કોલેસ્ટ્રોલને ઘટાડવા ઉપરાંત સંધિવામાં કરી શકો છો.

(તસવીરોઃ પિક્સાબે.કોમ, ફ્રિપિક.કોમ)

​દાંતના દર્દમાં કારગત

સરસવનું તેલ દાંત સંબંધિત પરેશાનીઓને દૂર કરવામાં ફાયદાકારક છે. તેના ઉપયોગથી પેઢામાં સોજા અને પેરિયોડોન્ટાઇસ (Periodontitis- પેઢામાં થતું ઇન્ફેક્શન)માં રાહત મળે છે. આ સાથે જ તેનાથી ઓરલ હાઇજિનમાં પણ સુધાર થાય છે. અડધી ચમચી સરસિયાના તેલમાં અડધી ચમચી હળદર અને મીઠું મિક્સ કરીને પેસ્ટ તૈયાર કરો. આ પેસ્ટથી દાંત અને પેઢા પર અમુક મિનિટ સુધી હળવા હાથે મસાજ કરો. અઠવાડિયામાં ત્રણથી ચાર વખત તેનો ઉપયોગ કરી શકાય છે.

​શરદી-ખાંસીમાં ફાયદાકારક

એક રિસર્ચ અનુસાર, શિયાળામાં શરદી અને ખાંસીની સમસ્યા થતી રહેતી હોય છે, ઘણીવાર ખાંસીના કારણે ઉંઘ પણ ખરાબ થાય છે. તેનાથી છૂટકારો મેળવવા માટે સરસવનું તેલ ફાયદાકારક છે. આ તેલ ફેફસામાં જમા થયેલા ગળફાં અને બંધ નાકમાં રાહત આપે છે. બંધ નાક અને શરદીમાં રાહત માટે ઉકળતા પાણીમાં સરસિયાના તેલના થોડાં ટીંપા નાખો અને તેની વરાળ લો. આ સિવાય દરરોજ રાત્રે સૂતા પહેલાં 1 ચમચી ગરમ સરસવના તેલમાં 2-3 લસણની કળીઓ છીણીને મિશ્રણ તૈયાર કરો અને પગના તળિયામાં તેનાથી મસાજ કરો.

​હૃદયને રાખશે મજબૂત અને સ્વસ્થ

NCBI રિપોર્ટ અનુસાર, સરસવના તેલમાં મોજૂદ મોનોઅનસેચ્યુરેટેડ અને પોલીઅનસેચ્યુરેટેડ ફૅટી એસિડ (MUFA & PUFA), ઓમેગા-3, ઓમેગા 6 ફૅટી એસિડ ઇસ્મેમિક હાર્ટ ડિઝિઝ (ischemic heart disease- ધમનીઓમાં રક્તપ્રવાહમાં અવરોધને લગતી બીમારી)ને 50 ટકા સુધી ઘટાડી શકે છે. આ સાથે તેલના સેવનથી ખરાબ કોલેસ્ટ્રોલ (LAD)નું લેવલ ઘટે છે અને એચડીએલ (HDL) કોલેસ્ટ્રોલ લેવલમાં વધારો થાય છે. હૃદયને સ્વસ્થ રાખવા ભોજનમાં સરસિયાના તેલનો ઉપયોગ કરો, તમે ઓઇલ અને લીંબુની થોડી માત્રા મિક્સ કરીને સલાડમાં પણ ઉપયોગ કરી શકો છો.

​સંધિવામાં રાહત

સરસિયાના તેલથી સંધિવા, ગઠીયા, માસપેશીઓના દર્દ, સાંધામાં દુઃખાવો વગેરે દૂર કરી શકાય છે. PubMed રિસર્ચ અનુસાર, તેમાં મોજૂદ ઓમેગા-3 ફૅટી એસિડ બોડીમાં બ્લડ સર્ક્યુલેશનમાં વધારો કરે છે અને સોજા ઘટાડવામાં મદદ કરે છે. શિયાળામાં સંધિવાથી રાહત મેળવવા માટે હળવા તાપે તેલ ગરમ કરીને પ્રભાવિત અંગો પર માલિશ કરો.

​કેન્સરથી બચાવ

નેશનલ ઇન્સ્ટિટ્યૂટ્સ ઓફ હેલ્થ (NIH)માં પ્રકાશિત રિસર્ચ અનુસાર, સરસિયાના તેલમાં એન્ટી-કેન્સરના ગુણ મોજૂદ છે, જે કેન્સર સેલ્સને વધતા અટકાવે છે. કોલેન કેન્સરથી પ્રભાવિત ઉંદરો પર આ તેલથી કરવામાં આવેલા રિસર્ચમાં એ સામે આવ્યું છે કે, કેન્સરને અટકાવવામાં સૌથી પ્રભાવી સરસિયાનું તેલ હોય છે. આ માટે ભોજનમાં અને સલાડમાં સરસિયાના તેલનો ઉપયોગ કરો.

​અસ્થમામાં રાહત

અસ્થમા એક શ્વસન સંબંધિત સમસ્યા છે જે શિયાળામાં સૌથી વધુ તકલીફ આપે છે. સરસિયાનું તેલ ખૂબ જ ફાયદાકારક હોય છે. તેમાં સેલેનિયમ અને મેગ્નેશિયમની માત્રા અસ્થમાના પ્રભાવને ઘટાડવામાં મદદ કરે છે. આ માટે સરસિયાના બીજ અથવા તેલનો ઉપયોગ ભોજનમાં કરો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link