શિયાળામાં વારંવાર પેશાબ જવું પડે છે? 4 ગંભીર રોગ હોઇ શકે છે કારણ; Dr. પાસે જાણો બચાવ

Urinary Tract Infection Preventions: પેશાબ સાથે જોડાયેલી સમસ્યાઓ (Urine Problems)માં એક છે યુરિનરી ટ્રેક્ટ ઇન્ફેક્શન (Urinary Tract Infection), જેને સામાન્ય ભાષામાં યુટીઆઇ (UTI) તરીકે ઓળખવામાં આવે છે.

આ એક પ્રકારનું યુરિનને લગતું ઇન્ફેક્શન છે જે પેશાબની નળીમાં થાય છે. આ ઇન્ફેક્શન ફંગલ, બેક્ટેરિયા અને વાયરસ જેવા કીટાણુંઓના કારણે થાય છે. તે કિડની, યુટ્રસ અને બ્લેડરને પ્રભાવિત કરે છે.

યુટીઆઇની સ્થિતિ કેટલી ગંભીર છે? આ અંગે દ્વારકા સ્થિત HCMCT મણિપાલ હોસ્પિટલમાં HOD અને કન્સલ્ટન્ટ- યુરોલોજી ડોક્ટર સંજય ગોગોઇ (Dr. Sanjay Gogoi, HOD-Urology, Manipal Hospital, Dwarka) માહિતી આપી રહ્યા છે. ડોક્ટર અનુસાર, આ સ્થિતિ એવા સમયે ગંભીર અને દર્દનાક બની શકે છે, જ્યારે ઇન્ફેક્શન કિડની સુધી ફેલાઇ જાય છે. પેશાબ કે મૂત્રમાર્ગ સાથે જોડાયેલી સમસ્યાઓ અને તેનાથી બચવાના ઉપાયો અંગે આગળ જૂઓ તેમનો વીડિયો.

(તસવીરોઃ પિક્સાબે.કોમ, ફ્રિપિક.કોમ)

​યુરિન બીમારીના લક્ષણો

  • વારંવાર પેશાબ કરવાની ઇચ્છા થવી
  • પેશાબમાં બદબૂ આવવી
  • પેશાબ કરતી વખતે દર્દ અથવા બળતરાં
  • ઘટ્ટ, ધૂંધળો પેશાબ અથવા પેશાબમાં લોહી આવવું
  • ઠંડી સાથે તાવ આવવો
  • સતત થાક
  • ઉલટી-ઉબકાં
  • માસપેશીઓમાં દર્દ
  • મહિલાઓમાં પેલ્વિક હિસ્સામાં દર્દ
  • પીઠના નીચેના ભાગમાં દબાણ અથવા ખેંચાણ

​યુરિન ઇન્ફેક્શનના કારણો

યુરિન સંબંધિત સમસ્યાઓ એવા સમયે થાય છે જ્યારે મૂત્રમાર્ગમાં ફંગસ, બેક્ટેરિયા અને વાયરસથી ઇન્ફેક્શન લાગે છે. આ સિવાય નીચે મુજબના કારણો જવાબદાર હોય છે –

  • કમજોર ઇમ્યૂન સિસ્ટમ
  • પુરૂષોમાં પ્રોસ્ટેટનું વધારે પ્રમાણ
  • ડાયાબિટીસ
  • અન્ય સ્થિતિઓ જે મૂત્ર માર્ગમાં અવરોધ ઉભો કરે છે, જેમ કે કિડનીની પથરી

​પેશાબની સમસ્યાને કેવી રીતે અટકાવી શકાય છે?

  • વધારે માત્રામાં પાણી પીવો
  • વારંવાર પેશાબ આવે તો તેને અટકાવશો નહીં
  • યુરિન બાદ તે ભાગની યોગ્ય સફાઇ કરો
  • મૂત્રાશયમાં બળતરાં પેદા કરતા તરલ પદાર્થોનું સેવન ટાળો
  • પ્રાઇવેટ પાર્ટની સાફ-સફાઇ પર ધ્યાન રાખો
  • ક્યારેય આ ભાગમાં ઓઇલ કે અન્ય વસ્તુઓ અપ્લાય ના કરો
  • ઇન્ટિમેશન બાદ તરત જ યુરિન માટે જાવ અને આ ભાગને સાફ કરો
  • ટેમ્પોનને બદલે સ્વચ્છ સારાં ઉત્પાદનો જેમ કે, મેન્સ્ટ્રૂઅલ કપ્સ અને સેનેટરી પેડ્સનો ઉપયોગ કરો

ક્યાંક તમને પણ તો નથી થઇ રહી યુરિન માર્ગમાં પરેશાની?

યુટીઆઇની સમસ્યાનો ઇલાજ

મોટાંભાગે મૂત્ર સંબંધિત સમસ્યાઓનો ઇલાજ એન્ટી-બાયોટિક્સ દવાઓ સાથે કરવામાં આવે છે. તમે ઝડપથી સાજા થવા માટે દવાનો કોર્સ કમ્પલિટ કરો. આ સિવાય પુરતી અથવા વધારે માત્રામાં પાણી અને તરલ પદાર્થોનું સેવન કરો. જો તમને લાગે છે કે, ઉપચાર છતાં પણ લક્ષણોમાં સુધાર નથી તો યુરોલોજીસ્ટનો સંપર્ક કરો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

પિત્તાશયની પથરી આ 4 અવયવોમાં દુઃખાવાથી હાલત કરશે ખરાબ, બચવા માટે જાણો 5 સરળ ઉપાય

ખાંસી વખતે છાતીમાં દુઃખાવો થવો આ ગંભીર બીમારીનો છે સંકેત; સમયસર ઓળખી જીવલેણ બને તે પહેલાં કરો ઇલાજ

Source link