ચીનમાં કોરોના વાયરસની અસર જોતા હવે વિશ્વમાં કોરોનાની ચોથી લહેર (Covid 4th wave)ની આશંકા વ્યક્ત કરવામાં આવી રહી છે. હાલ ભારતમાં પણ આ સબવેરિએન્ટના 4 કેસો સામે આવ્યા છે. આ ઉપરાંત તે અમેરિકા, બ્રિટન, જાપાન અને યુરોપના અન્ય દેશોમાં ફેલાઇ ચૂક્યો છે.
મીડિયા રિપોર્ટ અનુસાર, ચાઇનીઝ સેન્ટર ફૉર ડિઝિઝ કંટ્રોલ એન્ડ પ્રિવેશન્સના ચીફ એપિડેમિઓલોજીસ્ટ (Chief Epidemiologist) હ્યૂ ઝૂન્યો (Wu Zunyou)એ આશંકા વ્યક્ત કરી છે કે, શિયાળામાં કોરોનાનો પ્રકોપ ચરમસીમા પર હશે, કોરોનીની ત્રણ લહેર આવે, પ્રથમ લહેર જાન્યુઆરી સુધી મધ્ય ચાલશે, બીજી લહેર 21 જાન્યુઆરીએ શરૂ થશે જ્યારે ત્રીજી લહેર ફેબ્રુઆરીમાં શરૂ થશે.
(તસવીરોઃ પિક્સાબે.કોમ, ફ્રિપિક.કોમ)
ચીનમાં લાશોના ઢગ ખડકાવનાર ઓમિક્રોન BF7ની ભારતમાં એન્ટ્રી, જાણો લક્ષણો+બચાવની રીત
BF7માં ઝડપથી ફેલાવાની ક્ષમતા
ivescience રિપોર્ટ અનુસાર, ઓમિક્રોન બીએફ.7 કોરોનાના અન્ય વેરિએન્ટ્સની સરખામણીએ ઝડપથી ફેલાવાની ક્ષમતા છે. તેનો ઇન્ક્યૂબેશન પીરિયડ નાનો હોવા છતાં તે ઓછામાં ઓછા સમયમાં વધુ લોકોને સંક્રમિત કરી શકે છે. ચિંતાજનક બાબત એ છે કે, બીએફ.7 વેક્સિન લીધી હોય તેવા લોકોને પણ સંક્રમિત કરી શકે છે.
કોરોનાની નવી લહેરથી મૃત્યુઆંક લાખોએ પહોંચવાનો ડર
ગળામાં ખરાશ અને દુઃખાવો
TOI રિપોર્ટ અનુસાર, ગળામાં ખરાશ કોરોનાના સૌથી સામાન્ય લક્ષણોમાંથી એક છે. કોરોના થવાથી ગળામાં ખરાશ, સામાન્ય દર્દ, થાઇરોઇડ ગ્રંથિમાં ખંજવાળ, ભોજન ગળવામાં પરેશાની થવી ઉપરાંત ગળામાં સોજો, શુષ્કતા અને બળતરાં જેવા લક્ષણો જોવા મળે છે.
સતત ખાંસી અને માથાનો દુઃખાવો
શિયાળામાં ખાંસી સામાન્ય સમસ્યા છે, પરંતુ જો તમને સતત ખાંસી થઇ રહી હોય તો તે કોરોના વાયરસના સંકેત હોઇ શકે છે. ધ્યાન રાખો કે, ઉધરસથી વાયરસ ઝડપથી ફેલાય છે. તેના લક્ષણો જોવા મળે તો તાત્કાલિક ડોક્ટરની સલાહ લો. કોરોનાના કારણે થતો માથાનો દુઃખાવો એક અઠવાડિયાની અંદર ઠીક થઇ જાય છે, તેમ છતાં ઘણાં કેસમાં તે અઠવાડિયા અથવા મહિના સુધી રહે છે.
શરદી અને બંધ નાક
નાક વહેવાના લક્ષણો અમુક દિવસો અથવા અઠવાડિયા સુધી રહી શકે છે. જો તમને નળા અને ગળામાં વધારે માત્રામાં કફ નિકળવાની સમસ્યા થઇ રહી હોય, અથવા આ પ્રકારના લક્ષણો ધરાવતા વ્યક્તિના સંપર્કમાં આવ્યા હોવ તો ચોક્કસથી તપાસ કરાવો. બંધ નાક ઓમિક્રોનનું પ્રમુખ લક્ષણ છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
શિયાળામાં ફેફસાને પ્રદૂષણ-કોરોના વાયરસથી ડેમેજ થતા અટકાવો; તેને મજબૂત અને દુરસ્ત રાખવા ખાવ 7 ફૂડ્સ
