‘વિમાન ઉભું રાખો, મારું હૃદય બંધ થઈ જશે’, અમદાવાદ આવતી ફ્લાઈટમાં મહિલાએ ભારે કરી!

 

Ahmedabad News: બેંગ્લુરુથી અમદાવાદ આવતી ઈન્ડિગોની ફ્લાઈટે સાડા આઠ વાગ્યે ટેકઓફ કર્યું હતું. ટેકઓફ બાદ પ્લેન આકાશમાં અંદાજે 40 હજાર ફૂટની ઊંચાઈ પર પહોંચી ગયું હતું. જો કે, એક કલાક અમદાવાદ જેમ-જેમ નજીક આવતું હતું તેમ તેમ પ્લેનના પાયલોટ દ્વારા પ્લેનને ધીમે-ધીમે નીચે ઉતારવામાં આવી રહ્યું હતું. આ દરમિયાન પ્લેનમાં સવાર 60 વર્ષીય એક મહિલાએ એકાએક સીટ પરથી ઉછળીને ધડામ કરતાં નીચે પટકાયા હતા.

 

‘વિમાન ઉભું રાખો, મારું હૃદય બંધ થઈ જશે’, અમદાવાદ આવતી ફ્લાઈટમાં મહિલાએ ભારે કરી

હાઈલાઈટ્સ:

  • બેંગલુરુથી અમદાવાદ આવતી ફ્લાઈટમાં 60 વર્ષની મહિલા પ્રથમ વખત પ્લેનમાં બેઠાં હતા
  • સીટ બેલ્ટ ન બાંધતાં મહિલા ઉછળી નીચે પટકાયા હતા
  • જે બાદ મહિલાએ બૂમાબૂમ શરૂ કરી દીધી અને અત્યારે જ નીચે ઉતારો તેવી જીદ પકડી
Ahmedabad News: બેંગલુરુથી અમદાવાદ આવતી ફ્લાઈટમાં (Bengaluru to Ahmedabad Flight) 60 વર્ષીય મહિલાએ અંદાજે 40 હજાર ફૂટની આસપાસ ભારે હોબાળો મચાવી નીચે ઉતરવાની જીદ કરી હતી. અમદાવાદ નજીક આવતાં પાયલોટ દ્વારા પ્લેન ધીમે-ધીમે નીચે ઉતારવામાં આવી રહ્યું હતું. આ સમય દરમિયાન મહિલા અચાનક પોતાની સીટથી ઉછળી નીચે પટકાયા હતા. જે બાદ તેઓએ આકાશમાં અધવચ્ચે જ ‘પ્લેન ઉભું રાખો અને મને નીચો ઉતારો’ની બૂમાબૂમ કરી નીચે ઉતરવાની જીદ કરી હતી. જો કે, ક્રૂ મેમ્બર અને મહિલાના પરિવારજનોએ તેમને સમજાવી શાંત પાડ્યા હતા. મહિલા પ્રથમ વખત ફ્લાઈટમાં બેસ્યા હોવાથી તેઓએ પોતાનો સીટ બેલ્ટ બાંધ્યો ન હતો અને આ કારણે તેઓએ નીચે પટકાયા હતા.

બેંગ્લુરુથી અમદાવાદ આવતી ઈન્ડિગોની ફ્લાઈટે સાડા આઠ વાગ્યે ટેકઓફ કર્યું હતું. ટેકઓફ બાદ પ્લેન આકાશમાં અંદાજે 40 હજાર ફૂટની ઊંચાઈ પર પહોંચી ગયું હતું. જો કે, એક કલાક અમદાવાદ જેમ-જેમ નજીક આવતું હતું તેમ તેમ પ્લેનના પાયલોટ દ્વારા પ્લેનને ધીમે-ધીમે નીચે ઉતારવામાં આવી રહ્યું હતું. આ દરમિયાન પ્લેનમાં સવાર 60 વર્ષીય એક મહિલાએ એકાએક સીટ પરથી ઉછળીને ધડામ કરતાં નીચે પટકાયા હતા.

60 વર્ષીય મહિલા પ્રથમ વખત પ્લેનમાં સવાર થયા હતા. અચાનકથી નીચે પટકાતાં મહિલા ખુબ જ ડરી ગયા હતા, તેઓને હાર્ટ એટેક આવ્યો હોવ તેવું લાગ્યું હતું. તેઓએ બૂમાબૂમ મચાવી દીધી હતી કે, ‘પ્લેન ઉભું રાખો, પ્લેનને નીચે ઉતારો, મારું હૃદય બંધ થઈ જશે, હવે હું પ્લેનમાં નહીં બેસું’. મહિલાએ બૂમરાળ મચાવવાનું શરૂ કરતાં અને હૃદય બંધ થશે તેવું જણાવતાં આસપાસના મુસાફરો પણ ડરી ગયા હતા.

મહિલાના હોબાળાને કારણે તાત્કાલિક પ્લેનના ક્રૂ મેમ્બર મહિલાને શાંત પાડવાનો પ્રયાસ કર્યા હતા. પણ ચર્ચા મુજબ મહિલાએ ઉત્તર ગુજરાતની ભાષામાં ક્રૂ મેમ્બરને ગાળો બોલી હતી. જો કે, સમગ્ર હોબાળાને કારણે પ્લેનમાં પાછળ બેઠેલાં મહિલાના સગાંઓ પણ દોડી આવ્યા હતા. અને બાદમાં મહામહેનતે મહિલાને સમજાવી તેઓને શાંત પાડ્યા હતા. જો કે, અંતે સીટ બેલ્ટ ન બાંધ્યો હોવાનું કારણ સામે આવતાં સાથી મુસાફરો હસી પડ્યા હતા અને તેઓએ પણ પોતાનો પ્રથમ પ્લેનના અનુભવની યાદોને વાગોળી હતી.

Source link